,’,’,’, ( ينعن شكله) لعب في راسي السبله ,’,’,’,

[مشاعر حالمه]

السلام عليكم ورحمة الله وبركاته

بسم الله الرحمن الرحيم

أبيات كتبتها قبل يومين والمشكله الى الآن اعاني من هالصداع <== الله يشفيج

يعني جديده لكم ..اتمنى انها تعجبكم ...

تحملت الصداع اللي لعب في راسي السبلـه=صرخت من الألم قوه وضاعت مني أفكاري
عجيبه حالتي هـذي كأنـي وحـدةٍ هبلـه=اطيح من الوجع والله احس الحيل منهـاري
على كثر الدموع اللي تهـلّ وكنهـا وبلـه=احاول اخفي ادموعي عن الجنسيـن واداري
انا في خاطري ارحل لمكه مركـز القبلـه=اصلي واطلب الغفار يغفر ذنبـي العـاري
كأني شايبٍ فاهـي حزيـن مضيـعٍ ابلـه=يونّ من الحزن يدعي عساه يردها البـاري
حزينة حالتي حاله صداع الـراس ماقبلـه=ولابعده ولامثله سكن واستوطـن بـداري
ابصبر واشتكي لله وادوج في فضـا العبلـه=اشيل الهم واللي صار لي في داخل اوزاري

وسلامـــــــه تسلـــمكم

تحيتي للجميع/ مشاعر _ عزوة ابوها

[مصلح النشمي]

.




اختي مشاعر


صح لسانك


ماتشوفين شر ان شاء الله

نتمنى لك الشفاء العاجل


تحياتي لك

[عبدالله المعزي]

الشاعره

( عزوة ابوها )

الف لاباس ومالك شر

ابيات معبره دمتي بكل المحبه

وتقبلي تحياتي

وسلامي للوالد ( رايه سديد)

[البيداء]

أهلاً بالغالية ( مـــشــــــاعــــر) ... تحية طيبة وبعد :


( صح لسانك ولا هنتي على هالقصيدة ) ،، قصيدة قيلت بإحساس شاعرة ،، أحاطت بها الآلام ،، ولكنها في نظري آلام


لا وجود لها ،، لأن مصدرها القلب الذي إن مرض ؛ مرضت معه الروح والأعضاء ،،


يا تل قلبي من عروق الحشا تل &&& على عشير ٍ متعب القلب شوقه

أبكي على فرقاه ودموعي تهــل &&& هل المزون اللي تسابق بروقــه


وإن كان مضمون قصيدتك عارض ٌ مر ،، لا أساس له ،، فدعائنا لك ِ بالشفاء والعافية أختي مشاعر ....



ودمتي بخير ....

[عبدالله ثويني المانع]

..

مشاعر

شفاك الله .. وصح لسانك


أرق التحايا لقلبك

..

[مشعل الضوي]

كأني شايبٍ فاهـي حزيـن مضيـعٍ ابلـه=يونّ من الحزن يدعي عساه يردها البـاري

يا حرااااااااااااااام توجدتي بكل الحزن فانتي مبدعة ورائعة

عزوة ابوها شاعرة سطرت حروف الابداع واختصرت علي الكثير لاترجم ما في داخلي.

قبل صح لسانك مشكورة على هالترجمة

وبعدين صح لسانك وما تشوفين شر؛؛؛؛؛؛


مـشـعــل الــضــوي

[تركي صالح]

الاخت / مشاعر

صح لسانك وسلم بنانك

على هذه القصيده الجميله

وبصحه وعافيه أنشاء الله

ودمتي بخير