السلام عليكم ورحمة الله وبركاته
هذي قصة من التراث القديم ،، بين شايب وبنت ،، لكن ماينعرف من أي عرب هم ،، ولا وش قبيلتهم ،،
ولظرافة القصة حبيت إني أقوله لكم .. وهي كالآتي :
بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن به ويقصد أبيات يتغزل به ،، لاجل يبن له حبه لوه ،،
وبالمقابل كان فيه بنت (ملكعه وصاحبة مقالب) قالت في نفسه ،، انا ليه ما أروح لهالشايب وأمزح معه وأضحكه شوي ،،
وأشوف ردة فعله كيف بتكون ؟؟
وفعلاً راحت لوه وردت عليه السلام كيف حالك يا شايب وردعليه السلام بالمثل وحيّابه
وفجأه وهو في قمة التهلّي والترحيب ؛ عطته ظهره ومشت بلا استإذان ولا قالت كلمة حتى !!
تولع الشايب من هالحركة ،، وقال فيها كم بيت يستعطفه بهن ،، ويقول انه ذكرتوه بالماضي وإنه اذا ما إلتفتي علي ،،
لحقت باخوي حمود اللي في قبره :
يا بنت خوذي خاطري وارحميني
* * * * * * * * * * * * * * لا تجرحين العود بعيونك السـود
غضي نظرك وغطي الوجنتينـي
* * * * * * * * * * * ** * لعل يومٍ جدد الجرح مـا يــعـــــود
يوم انتهى مع مرمسات السنينـي
* * * * * * * * * * * * * جتني صواديفه على غير مقصود
باول شهر عشره نهار الثنينـي
* * * * * * * * ** * * * حمدان مروا به على جنازة حمود
والبنت كانت تقصد من استفزازه انه تجاريه في الشعر ،، وترد عليه والمسكين ما كان يدري إنه شاعره ،،
لاجل كذا كان ماخذ راحته بالتغزل ،، وردت عليه وهزأتوه وقالت :
يا شايب الرحمن وينـك ووينـي
* * * * * * * * * * * * * عزي لحالك قدمك الباب مســــدود
قلبك عطوف وجاه قلـبٍ متينـي
* * * * * * * * * * * * * والبنت ما تشفق على مغازل العود
حبل الرجا مقطوع بينـك وبينـي
* * * * * * * * * * * * * مثل الغليث اللي رعا قلبه الـــــدود
اقفى شبابـك والعـرب مقبلينـي
* * * * * * * * * * * * * يا عود ما يرجع من العمر مفقود
حطمته يوم قالت له إنك عود وان الشباب ما يرجع وإن ما فيه أمل تعطيه وجه لأن قلبه صاد عنوه ،،
وحس العود إنه تورط ،، وقال كم بيت يقول لها صدي عني ،، وانه ما يبي الغزل بعد ما وصل عمره ثمانين سنه :
يا بنت صدي بالعيـون الظليلـه
* * * * * * * * * * * * لا صد عنـك الله نهـار القــيامـه
مالي ومالك يالفـروع الطويلـه
* * * * * * * * * * * *لو فيك من رسم البـداوه علامــــه
يابنت ما لـي بالثمانيـن حيلـه
* * * * * * * * * * ** اهدف كما تهدف على البير قــامـه
اقفى شبابي والدهر شفـت ميلـه
* * * * * * * * * * * * يالله حسـن الخاتمـه والـــسلامـــه
اعطيك موجز والبضاعـه قليلـه
* * * * * * * * * * * * واخذت لك من صافي الماء سنامه
راحت الايام والشايب المسكين عمروه خذله مع هالبنت هو شايب وهي بأول شبابه ،،
وبعد فتره مرتوّه مره ثانيه وردت عليه السلام ،، واستفزتوه وراحت وخلتوه ،، وراحت مثل ذيك البنية الأوليه ،،
ومن جديد تولع يالشايب بهالبنية هذي ،، وقال ليه ما أبين له ،، في كم بيت انه بتشيّب مثلي وإني رجال ٍ طيب ،،
وإن الناس تنصاني ،، ومعروف بالكرم واني ما ابي منه غير التحيه والترحيب ،،
يا بنت ما جاس الكبـر والخشونـه
* * * * * * * * * * * * * وعادت شباب اليوم يجفل من الشيب
ياسرع ما وبلـك تمـزع مزونـه
* * * * * * * * * * * * * *يالفاتنه يـا ام الثمـان الرعابيـب
يا بنت مـا بينـي وبينـك مهونـه
** * * * * * * * * * * * * كلمة شرف نبي تحيـه وترحيـب
الله مـن عـودٍ ثقيـلـه طــعـــونـه
* * * * * * * * * * * * * ينصاه راع المشكلـه والمواجيـب
على الكرم والديـن نفسـه حنونـه
* * * * * * * * * * * * * تلقاه بالاجـواد شـرق وتغاريـب
لكن البنت هذي مااعطته وجه ،، وراحت وخلتوه ،، وتذكر ساعته ذيك البنت الشاعرة ،، وخطر في بالوه إنوه ليه مايرسل
هالأبيات هذي له مع عجوز ٍ من حدى هالعرب ،، وفعلاً ماتأخر هواوينا ،، جهز الأبيات ودزهن مع العجوز ووعده بجزيتن ترضيه
وفعلاً راحت العجوز للبنت وقالت له الأبيات ،، ومسكته البنت وإحرجته عنده ،، إنتس مثل ماجبتيلي هالأبيات ؛
ماترجعين لوه إلا وأبياتي معتس ،، قامت العجوزالمسكينة اتويّل ،، وقالت طلعيني ولا ابي منكم شي الله لا يعودكم لا انتم ولا أشعاركم
وردت البنت ابيات اقوى من الاولى ،، واكثر تحطيم ،، مسكين يهالشايب ما حدن راحمه حتى لو حاول يستعطف ،،
وتقول البنت :
العود عود وطايحـاتٍ سنونـه
* * * * * * * * * * * *من كثر ما يرقد على جرة الذيب
عودٍ مهرقل والعرب ما يبونـه
* * * * * * * * * * * * ياعود ما لك في طويل المراقيب
اقفى شباب العود راحت حتونـه
* * * * * * * * * * ** مثل اليتيم اللي بكا ما له مجيب
جداه ينثر دمعـة ٍ مـن عيونـه
* * * * * * * * * * * *غريق موجٍ ما لقا له مقاضيـب
وما خلص آخر بيت إلأ هو ماسك عصاتوه على العجوز يبي يهفه ،، يامار هي طايرة من الخرعة وتقول ماعاد أبي هدية منكم
لا بارك الله بكم ،، وهو يقول لا عاد أبي حب لا بارك الله بكن من حريم ،، تبنا وتاب الله علينا ....
هذي قصة الشايب والبنت ،، عسى إنه إعجبتكم ونالت على رضاكم ....
تحياتي .... الـبــــيــــــــداء
03/02/07, (02:38 PM)
قصة الشايب والبنت
رد: قصة الشايب والبنت
العرض العادي
