& مـوظفــــة بـنــــــــــك &

[سعود العواجي]

اسعد الله اوقاتكم ..


هنا بدون اي مقدمات .. اتمنى ان تنال على استحسانكم ..

شورك ياعبدالله مـدام الحـب يطـرق بابـي=باسباب بنـت ٍ حطهـا الله للخفـوق أعقوبـه
تزعل وانا لاجيت ابرضيها تقول لي : مابـي=وارجع وانا اتأسف واقول بكل مره..توبـه !!
وليا رضت ترضى بعد مابهذلـت باأعصابـي=وتصيـر بنـت ٍ طيبـه وحنيّنـه وحبـوبـه
والله ليا منها ازعلـت تضيـق فينـي ثيابـي=وامشي وانا آهذري ولابس "غترتي" مقلوبه !!
من يوم ورتنـي صورهـا لابسـه "بنجابـي"= والجسم يوحي للدلع لو شفتهــا "دبـدوبه""!!
اقسـم بربـي لـو رآهـا واحـد ٍ "عزابـي"=ليطق من زود القهر لو شافهـا " مخطوبـه"!!
أم العيـون الناعسـه والشّـفـه ..العنـابـي=لو تبتسم ضاع " الصقيع " بجمـرة ٍ مشبوبـه
"موظفـة بنـك" وذبحنـي زولهـا الجذابـي=ومديرها لو يستحي ماحطها .." مندوبـه "؟؟!!
جتني وانا موظف معاهـا ماحسبـت حسابـي=يعني موظف غلطتي وسط العمل ..محسوبـه
حاولت انا بشتى الطرق اقيس سـرّ اعجابـي=يوم ان شعرت اني ضحيـة خطـة ٍ ملعوبـه
بس البلا من طحت محد ٍ بالهوى " سما بـي"=طيحة حكيم ٍ يـوم خانـه هرجـه وأسلوبـه
أخـاف تهـدم عينهـا مستقبلـي ..الايجابـي=من بعد ماكنت انا ابني الحلم طوبه ...طوبه !!
اول مديري يشتكـي لاشـاف كثـر غيابـي=واليـوم أداوم لـو تزيـد اشغالـي المطلوبـه
تكفى وانا لاقلت تكفى وانت تعـرف ..مابـي=أخاف قلبي لاتصيبه من حلاهـا ...نوبـه !!
لامرت بوسط القسـم يصيـر جـو أرهابـي=ويطري عليّه أندلاع الحرب في " بعقوبـه "!!
سألتها من دللّـك يابنـت ..قالـت : بابـي!!=ومن يوم قالتها وأنا ابلع ريقي ..بـا أعجوبـه
جمالها غربي وانـا ادري جدهـا " اعرابـي"=ومن " الغنج " يوم ان تسولف كنها مغصوبه !!
حسبي عليها لا اخرجتني عـن نطـاق آدابـي=وخلت شعوري بالقصيد يبين مـن مكتوبـه

اخوكم / سعـود

[نايف الجعفري العنزي]

الرائع سعود العواجي


يشرفني اكون اول من يرد عليك


صح لسانك ولا هنت قصيده رائعه


لنا عوده...

[محمد المقبل]

شاعرنا سعود العواجي

صح لسانك

حسبي عليها لا اخرجتني عـن نطـاق آدابـي
.......................................وخلت شعوري بالقصيد يبيـن مـن مكتوبـه

دائماً رائع بكل ماتكتب ياسعود قصيده رائعة تستحق الاشاده والاعجاب

تقبل تحياتي

[اورنس الهذال]

المشاركة الأصلية كتبت بواسطة سعود العواجي

اسعد الله اوقاتكم ..


هنا بدون اي مقدمات .. اتمنى ان تنال على استحسانكم ..

شورك ياعبدالله مـدام الحـب يطـرق بابـي=باسباب بنـت ٍ حطهـا الله للخفـوق أعقوبـه
تزعل وانا لاجيت ابرضيها تقول لي : مابـي=وارجع وانا اتأسف واقول بكل مره..توبـه !!
وليا رضت ترضى بعد مابهذلـت باأعصابـي=وتصيـر بنـت ٍ طيبـه وحنيّنـه وحبـوبـه
والله ليا منها ازعلـت تضيـق فينـي ثيابـي=وامشي وانا آهذري ولابس "غترتي" مقلوبه !!
من يوم ورتنـي صورهـا لابسـه "بنجابـي"= والجسم يوحي للدلع لو شفتهــا "دبـدوبه""!!
اقسـم بربـي لـو رآهـا واحـد ٍ "عزابـي"=ليطق من زود القهر لو شافهـا " مخطوبـه"!!
أم العيـون الناعسـه والشّـفـه ..العنـابـي=لو تبتسم ضاع " الصقيع " بجمـرة ٍ مشبوبـه
"موظفـة بنـك" وذبحنـي زولهـا الجذابـي=ومديرها لو يستحي ماحطها .." مندوبـه "؟؟!!
جتني وانا موظف معاهـا ماحسبـت حسابـي=يعني موظف غلطتي وسط العمل ..محسوبـه
حاولت انا بشتى الطرق اقيس سـرّ اعجابـي=يوم ان شعرت اني ضحيـة خطـة ٍ ملعوبـه
بس البلا من طحت محد ٍ بالهوى " سما بـي"=طيحة حكيم ٍ يـوم خانـه هرجـه وأسلوبـه
أخـاف تهـدم عينهـا مستقبلـي ..الايجابـي=من بعد ماكنت انا ابني الحلم طوبه ...طوبه !!
اول مديري يشتكـي لاشـاف كثـر غيابـي=واليـوم أداوم لـو تزيـد اشغالـي المطلوبـه
تكفى وانا لاقلت تكفى وانت تعـرف ..مابـي=أخاف قلبي لاتصيبه من حلاهـا ...نوبـه !!
لامرت بوسط القسـم يصيـر جـو أرهابـي=ويطري عليّه أندلاع الحرب في " بعقوبـه "!!
سألتها من دللّـك يابنـت ..قالـت : بابـي!!=ومن يوم قالتها وأنا ابلع ريقي ..بـا أعجوبـه
جمالها غربي وانـا ادري جدهـا " اعرابـي"=ومن " الغنج " يوم ان تسولف كنها مغصوبه !!
حسبي عليها لا اخرجتني عـن نطـاق آدابـي=وخلت شعوري بالقصيد يبين مـن مكتوبـه

اخوكم / سعـود

نالت كل ماتمنيت ياسعود

صح لسانك ولاهنت يالغالي

استمتعت بالسفر مع هذه الاعجوبه

قرأتها مرات ولم املها

دم كما انت رائع

ودم بخير يالغالي

[مزيد المزيد]

مبدع يابوصالح



شهادتي فيك مجروحه لكن تبقى بشهادة الجميع شاعر لايشق له غبار ..


بتوظيف الكلمات المناسبه وبالصور الجماليه الواضحه لكل متذوق يبصم بالعشره لجزالة قصائدك ...
.
.
.
.
.
.
.
.
.

موظفـة بنـك" وذبحنـي زولهـا الجذابـي
ومديرها لو يستحي ماحطها .." مندوبـه "؟؟!!
جتني وانا موظف معاها ماحسبـت حسابـي
يعني موظف غلطتي وسط العمل ..محسوبـه




هي بـــأي بنك موظفه ؟؟؟؟؟؟؟؟؟؟؟


<<<<< مجرد فضووووول





صح لسااانك مليون ولاهنت

دمت بخير

[عبدالله المعزي]

المبدع

سعود العواجي


لايمكن لكلماتي البسيطه ان تعطي هذه الانيقه حقها

من الاعجاب

سعود الشاعر : قمه في التميز والحضور والالقاء

سعود الانسان : تواضع جم يدخل القلوب بدون استئذان



جزله من راس جزل صح السانك وتقبل تحياتي

[تركي صالح]

لله درك ايها الرائع

لله درك ملايين المرات

واللتي اعتقد انها لاتكفي

مقارنةً لهذه الرائعه

واللتي لخبطت بها عقولنا

فقد ابدعت كعادتك بل انك سيطرت على الابداع بحد ذاته

وجعلته بيدك كيفما شيئت

سمعتها منك وكنت احب ان اسمعها كثيراً

عندما تلقيها وها أنت تضعها في طيات منتدى الشعراء

لتسحر بها كل من يمر عليها او يقراءها

اخوي سعود

والله يالغالي مهما كتبت ومهما قلت

فلن اوفيك حقك او اوفي هذه الرائعه حقها

صح لسانك وسلم بنانك

ودمت بكل خيراً وعافيه

وتقبل فائق التقدير والاحترام