****** الخفوق الظامي*********

[حمد الوايلي]

جيت اروي القلب الحزين الظامي=اللي من اشواقه مشت اقدامي
اربط خيالي بواقعي والخطوه=وارسم طريقي واضح(ن) قدامي
لعل صدري ينشرح واتريح =واقطف من افكاري جديد الهامي
وكل ماقطفت اجمعه في باقه=واهديه لاجمل ماارسمت احلامي
اللي تواصيفه بعيني عالم=ماينحصي مهما تخط اقلامي
يكفيه حبي لاانبنا له شامخ=تاريخ يكتب له مدى الايامي
ان قلت احبه مااكتفيت بقولي=فارس معاني وميزتي بإقدامي
حبه تحدى من طمع في حبي=وماهمني من عاذلي لو لامي
اسرج خيول العاطفه واتمنع=وطير الوله حلق معاي وحامي
شوقي زهابي وامتطي قيفاني= واسوقها لاهل المقام السامي
ياراحتي ياجوهرة دنيايه= يابهجتي ياضحكتي ياهيامي
مالي غنا عنك مادامك روحي=يحرمني منك من يريد اعدامي
اجيك وارجي شوفتك ياروحي=حتى اعيش وماانقبر باوهامي
من داخلي ودي اجي واضمك=واقول لك ياروح روحي نامي
ودي تكوني داخلي في جسمي=الروح روحك والعظام اعظامي
شاعرك شاعر مرهف (ن) باحساسه=يروي عطش ذاك الخفوق الظامي

[ابو ياسر الهبداني]

سلمت حمد الوايلي على الابداع والصور الفكريه الرائعه


ودي تكون داخلي في جسمي *** الروح روحك والعظام اعظامي

سلمت ياحمد البيت هذا يسوى قصيده كامله فما بالك بالقصيده باكملها ومعانيها الرائعه .

تقبل مروري .

[خلف الغريب]

ابدعت وامتعت اخوي حمد..

جزلة من جزل بدون مجاملة ...

الف صح لسانك ولا هنت على هالمستوى الرائع يا بعدي ...

[حمد الخمعلي]

الاخ حمد الوايلي((السمي))


صح لسانك وسلم قلبك على هالقصيده الجزله


تحياتي

[هندي المقبل]

ودي تكوني داخلي في جسمي ===الروح روحك والعظام اعظامي


ابداع في التصوير ويختصر الكثير من المعاني

حمد شاعر بكل معني الكلمه

صح لسانك ويسرني ان اسجل اعجابي

دمت بود

[العصامي]

صح لسانك اخي الفاضل

[فهد الشافي]

حمد الوايلي صح لسانك على هذه القصيدة

والتي هي بحق مميزة نثرت بها ابداعك الفني

في مجال الشعر

يعطيك العافية

تحياتي



جيت اروي القلب الحزين الظامي
اللي من اشواقه مشت اقدامي
اربط خيالي بواقعي والخطوه
وارسم طريقي واضح(ن) قدامي
لعل صدري ينشرح واتريح
واقطف من افكاري جديد الهامي
وكل ماقطفت اجمعه في باقه
واهديه لاجمل ماارسمت احلامي