موقف وقصيدة ..............؟

[ماضي الصبر]

ـ<{ بســـــــــم الله الرحمن الرحيـــــــــم }>ـ

أعضاء وزوار هذا المنتدى ؟؟

يسرني أن أنقل لكم هذة القصيدة .. والتي تعبر عن موقف وفاء ورجولي

للشاعر المعروف / عبداللطيف بن غلسان المرجلي الشملاني العنزي

ولسنا بصدد لشرح هذا الموقف .. لأن القصيدة كافية لشرحة تمامأ

سـلام سالـم سلسبيـلٍ سمـا عـم = سلام سلم اسلام انـا سامـيٍ عـال
اهلا هـلا فيكـم وابااستـاذن العـم = يسمح وابااستاذن انـا منـك ياخـال
موضوع مزعجني وفيـه الله اعلـم = والصدر تقـل مفجـرٍ فيـه زلـزال
وش رايكم باللـي مسمينـه القـرم = والله وله تقدير فـي كـل الاحـوال
جيته بلي حاجه وقـال ابشـر وثـم = قعـد يسولـف بالقبايـل والانسـال
ونشده واحد نومس ياشيـخ وش هـم = قال النوامس ماهم عنوز مـن قـال
وهالحين خذها كاش في وجهك وقـم = لاابوك لابواصلك لابو عقب الانـذال
منت بكفـو تقديـر ولانـي محشـم = رجلٍ على ربعـي تجـراّ بالاقـوال
حجمك بعينـي كـان ياهيـه تفهـم = بشتك بمرتبتك ترى ارخص من انعال
وصدر المجالس عيب من جنسك يتم = احسبك محزم صرت جرد من احبال
خوتك عار واكبر خزى يـوم تعـزم = بجيتك ماشرفـت مجلـس ولا دلال
ياشيـخ منـت بشيـخ والله تـوهـم = لو جيت فيهم صدق بالسوق تختـال
بسوق المراجل مايقولون لـك بكـم = جدك ربى بالقيـد والخـزم وعقـال
جابتك امك بالحـرم جنـب محـرم = عبـد مهجـل لابعـد زايـد هبـال
النومسـي لاتجيـب طاريـه تنـدم = الملـح برياليـن يالعبـد وريــال
اعيال نومس كـان ماتـدري اعلـم = جعافره صلب العواجي مـن ابطـال
منـا وفيـنـا وكلـنـا لـحـم ودم = ومن يسندونه يرتكيلـه علـى جـال

وقد قمت بالرد على هذة القصيدة بعد وصولها إلي ..

شكرا له على وفائة .. والقصيدة تعبر عن محتواها ..

حييـت ياصـوت سمعتـه ترنـم = بأبيات شعرٍ قالها خيـر مـن قـال
عبداللطيـف اللـي بفعلـه تزعـم = لاهل الوفا واهل الوفا قول وافعـال
قولـه ليـا منّـه بغـا تمتـه تـم = وافي ويوفي باللقـاء كـل مكيـال
صنديد قلبـه ماتزعـزع ولااهتـم = يحط بعيون الاعداء شوك واخـلال
حرٍ ولد حـرٍ محنـك وابـن عـم = يسلم لسان معرّب الجـد والخـال
من روس قوم شربها صافي الجـم = عند الملاقـا شربهـا جـم وزلال
من لابة السلقا هل الجمـع الاكـرم = نارٍ تلظـى باللقـا تشعـل اشعـال
بعمـار جـد وعـد علـم محكـم = ماهي سوالف ليل ياحيف واخبـال
ماهي اعلوم اللي يخم الخبـر خـم = اللي يحسب ان النسـب عنـد دلاّل
اللـي بحـزات اللـزوم يتـقـزم = مهما بلغ من منزله لاجل الامـوال
شم الفتيلـه يـاردي النسـب شـم = مايستوي فوق الفرس غيـر خيـال
كان انكم صمٍ بكـم نسمـع الصـم = وليا سمعتوا وش ورى عوج الاذيال
اللي ترم العلـم مثـل الدبـش رم = تلهم ولاتفهم من ادقـاق واجـلال
تبغـى تنـدم ميـر مهمـا تنـدم = راحت عليك السالفه مابها اجـدال
ابـوك حنـا يالـردي مانتقـسـم = حنا سلايل وايـل العـود ياحثـال
جمع العواجي كان جو السما اظلـم = جمعٍ يزلزل قاسي القـاع زلـزال
نوامسـه تبغـي تعـلـم تعـلـم = من نومس بن دليم من ليث الاشبال
صقر العلي ترثـة سليمـان تفهـم = ترثة عبيد مقيـدّ الخصـم لاعـال
من بشر بـن عنـاز علـم يعمـم = على جميع اللي يخدمون الاجيـال

وتقبلوا خالص تحياتي .. ( ماضي الصبر )

[بدر الحنيف]

ماضي الصبر ،،


سعيد ان اكون أول حضور هنا ..


صوت .. رائع ... وصدى .. بروعته ..


صح ألسانك .. ولا هنت .. أخي ماضي ..

موصلا .. بــ عبداللطيف الشملاني..



دمت بود ،،

[سلطان السويلم]

ماضي الصبر


وهنا نقراء


صوووت وصدى


صح لسااانك ولسااان عبداللطيف


قصائد جزله ومن شعراء كبار ولهم ثقلهم في الساحه الشعريه


لاهنت


وتقبل تحياتي

[عبدالله الثابت]

شاعرنا الكبير ماضي الصبر


صح لسانك ولسان الشاعر عبداللطيف الشملاني


حقيقه قصايد جزله وتحمل في باطنها الجزاله والاحساس الشعري الصادق


بيض الله وجيهكم

وتقبلوا تحياتي

[مشعل الضوي]

صح لسانك وصح لسان الشاعر............

قصيدتين مليئة بالروعة والجمال ...........

تحياتي لك على هذا الابداع.............

و صح لسانك.............

بانتظار ابداعك دائما.............