كل ياللي بدو يصير شيف .. يفوت هون

[شمــــــــوخ]

إنني و من هذا المطبخ المبارك ... أحيي و أبارك و أرحب بكل من دعس خشمه معنا ....

مب لقافه قد ما طبخاتنا يالله لك الحمد تشق الدماغ شق ابن لذينا



يا حضرة الشيفات :


ما أقول إلا الله الله بالحضور و القدور ... و جيبن كل اللي في بيتكم من وصفات و طبخات...

عاجلات آجلات ... وابعدن عن كل تفصيلن ممل أو تفسيرن عجل <-------- تراه سجع تسانكم ما فطنتوا



و حذاري حذراي .. و صه صه .. من كل ما رُقِّقَ و قُرْصِنَ و طُزِّز ... فإن التسبد حايمتن خلقه ...

وابتعدوا عن الجلي والمهلبية و الكريم كرم الله


و احرصن على دز صورتن للطبخه .. حتى ولو كانت نصبه <----- خوش و الله



.

.


برايفت للي ودّها تطبخ معنا :

لا قضيتي مبربستن فـ مطبخي ... اغسلي كل مواعينتس ...


و لاّ والله ثم و الله ما عاد تطبين معنا هنيّا ...

زود انتس و الله ما تاخذين ولا ماعون





انطلقـــــــــــــــــوا




شمــــــــــــــوخ

[@@لين الورد@@]

مرحبــــا شموخ

انا جايه هنا ماابي اصير شيف لاني بسم الله على قلبي شيف

وفي جعبتي الكثير بس والله عقدتي المواعين

و لقيت حل نوت عندها شغاله والا شغالة عنزيه يغسلن المواعين مؤقتا

لين تجي شغالتك وتمسكينها مطبخك

يعني والله ظلم اطبخ واغسل المواعين وانتم يجيكم الاكل جاهز مجهز

ويالله البدايه بتكون حلا الصور مو لي لاطشتها من احد المواقع

بس مجربته وماعليه كلام



اول شي في قاع الصينية راح يكون كيك امريكانا ( شوكولاتة ) كـ طبقة أولى
انا استخدمت ثلاث ارباع كمية الكيك او اقل بشوي
[img][/img]




نفتت الكيك باليد ونضعه في الصينية ونضغط عليه بايدنا شوي علشان يصير طبقة متماسكة
[img][/img]




:: الطبقة الثانية ::
4 أو 5- حبات كيري
1,1/2- علبة قشطة
1/2 علبة حليب نستلة المركز ( اقل من النص شوي )
1,1/2 كأس بسكويت مطحون
مقادير الطبقة الثانية في خلاط العصير ونصب الخليط فوق طبقة الكيك
[img][/img]




:: الطبقة الثالثة ::
1/2 علبة قشطة
3- شوكولاتة جالكسي ( سادة )
نضع القشطة مع الجالكسي ( بعد تكسيره لمكعبات ) في حمام مائي
وعند ذوبان القشطة نمزجها مع القشطة ونصب الخليط فوق الطبقة الثانية
[img][/img]



وندخل الصينية للثلاجة (وخلوه يبرد لاتستعجلون )
وبعد ماتبرد تقطعينها على حسب الرغبة
[img][/img]




صورة قريبة شوي
][img][/img]




إقتراح للتقديم ...
[img][/img]

مع ان اقتراح التقديم ماأعجبني بس الحلا خياااال
صحتين والف عافيه
جربو وقولو لي رايكم فيه

[شمــــــــوخ]

الله يالين رووووووووووووعه حلاتس

ياأحلى شيفه بالمطابخ كلها <<< صح شيفه والا شيف ؟

يهبل شكله

وخصوصآ به شوكلااااااااااااته يمي يمي عاد أنا أنا مهبولة شوكلاته وكاكاو

أن شاءالله بسويه بكره الخميس شكله جد يشهي

.

.


تسلم يدينتس حبوبه


وأن شاءالله لي عوووده بأكله حلووه

.


ننتظر باقي البنوتات يشرفون المطبخ

[سندريلا]

وينكم ياحلوات نبي مواضيع ميكب مو كله طبخ عاد

[سندريلا]

هلا بنات كيف الحال


تصدقون عمري مادخلت هنا لاني ماحب سوالف الطبخ بس بنات ماعندكم كتب طبخ باللغة الانجليزيه او باللغة الفلبينيه ابي طباختي تبدع قبل رمضان

[نوووت]

هلا يابنات شلونكن تسلمين لين على الوصفه الحلوه بس مانبي حلويات أدخلن بالموضوع على طول رمضان قرب وانا متوهقه عندي رجال الله يخليه يقدر الاكل حييييييييييييل



عندي طريقة الكشري بس والله عاجزه اكتبها لكن اذا شفت حالي رايقه اكتبها بس للأمانه مابعد سويتها

[شمــــــــوخ]

عنزيه يامال الصلاااح

هالحين وش جاب الميك آب عند الحلوياات

وبعدين تبين ميك آب ياحلووه روحي حطي لنا موضووع والا على يدينتس نقش الحناء

وبعدين ترى مافيه كتب طبخ بالأنجليزي


يعني أعتمدي على نفستس ياحلووه كلنا نداوم ونجي ونسوي اللي الله يقدرنا عليه << والله والسنع

ويالله شاركينا بشيء حلوو

بعدين يابنات هذا ملف للحلوو بس

الطبخات نزلوها بموضووع مستقل لها مو هنا .