بـه هــيــبـة مـعــزي وبـه بــاس شــامــان .. ؟! - °~*¤®§(§ شبـــكة ويــلان العـربـيـه §)§®¤*~ˆ°

**منصور الرويلي** · 22/05/09, (05:08 AM)

هــلا و مـرحـبا

اصافحكم بهذه القصيدة الجديده

واتمنى ان ترقى لذائقتكم الراقيه

للجميع صادق تقديري

الجمعه 26/5

"

المجد له تاريخ قصه وعنوان = مضمونه الابطال .. فعل ومضامين
والشعر ديوان العرب ؟ يعني لسان = لافعال قومً ماتضمه دواوين
لنا ومّـنـا له مسيره وبرهان = مايختفي عاشوا به أموات حيين
مجد العرب حنا على مر الازمان = حنا سلاطينه ونبقى سلاطين
أسمع صهيل خيول وأشوف فرسان = والمح لميع سيوفهم والميادين
تؤمن بها عقول وبها تشهد أعيان = حقيقةٍ ماهي سوالف مجانين
من واقع التاريخ صفحه لها شان = ماكنها الا سور وارض العرب صين
صفحة من التاريخ : تاريخ ويلان = فيها أختصار الازمنه والميامين
ليا أنتخى تاريخنا بـ .. ابن شعلان = من قبل شوشتنا تشوش المعادين
به هيبة معزي و به باس شامان = مثل الجبل ثابت على العسر واللين
ما الله خلق مثله من الانس والجان = يعني بوقفاته زعيم الثقالين
ماقول غير اللي قبل وقفتي بان = تشهد به الاقصين من قبل الادنين
ذكرت من شيّد على العز بنيان = شيخً عطاه الله على الارض تمكين
شيخً صميدع سيرته تعمر أوطان = ولاهو قصورً بالشيوخ المسّمين
ومن حقي أفـخر وآتمثل بالالحان = مادمت أنا وافي وربعي وفيين
لكن على بالي طرى قول ( راكان ) = وانا على نهج الرجال الشريفين
أنا أفتخرت وزبدة الهرج نيشان = ولا خير في قولً بليا براهين
والوايلي سلطان من نسل سلطان = مثل الذهب يرجح بكل الموازين

.

.

.

.

**عناد الغريب** · 22/05/09, (05:59 AM)

اخي الشاعر منصور الرويلي

ونعم والله ونعم افتخار مشروع

لله درك وصح لسانك

ولاهنت وبيض الله وجهك

دمت بعز وهيبه

**أبو غرام** · 22/05/09, (02:25 PM)

بيّض الله وجهك يالبناخي على هذه الباذخة الجميله

رائع اخي بكل حالاتك

صح لسانك حتى ترضى وتقبل مروري من هنا وتسجيل اعجابي بما نضمته ها هنا

اخوك

ابو غرام

**منصور الرويلي** · 22/05/09, (08:27 PM)

عـناد العـنـزي

بـيـّض الله وجـهـك

دمت بعـز ايها الشامخ

**منصور الرويلي** · 23/05/09, (01:27 AM)

الـرائـع 00 ابو غـرام

أطلالتك بغاية الروعة والجمال

شكراً لكـ لرقي فكرك وذائقتك

كن بخير أخي ..

**محمد المغيلث** · 23/05/09, (01:37 AM)

راع العليا

صحححححححح لسانك لاهنت

عز الله قول وقعل

لك تحياتي ودمت القرم

**دمع الغزال** · 23/05/09, (07:04 AM)

والنعم فيك وفي لابتك

صح السانك وعلا شانك

دمت بعز

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري