ربعي تعاتبني لو ابيح بك لو !!!

[عيد سمران]

يااغلى عذابٍ في خفوقي سكن تو
خذ راحتك في غاية الانبساطي




معاك مفتاح الضماير وخذ جو
ادخل على كيفك بليا ارتباطي




بين الضلوع العوج خذ راحتك لو
شفت الضلوع العوج لها اشتياطي




ارتح تجول انت لاعماقي الضو
شمعة أمل قلبن به الهم ساطي




ولاجيت لك مشتاق لاتقول(مس يو)
برد على كبدن لشوفك تعاطي




وان طالت الغيبات بي مخطر السو
يقضي على قلبٍ غدا شبه ماطي




ارحم ترا قلب المعنى غدا اجذو
ومن قل وصلك صاب قلبي احباطي




ربعي تعاتبني لو ابيح بك لو
في سلمنا ممنوع كشف المغاطي




وانا معك قلبي غدا مابه اهدو
بركان ثاير ثورةٍ بانحطاطي




ياجامعٍ بين الحلا والادب سو
معروف بقلوبٍ سهرها شواطي




ريح مريضك خله يعيش بسمو
وعقب الشقا يعيش عيش انبساطي




اخاف باكر يصبح بقلبي اشقو
واصير بين الناس مثل السماطي




وحالي عقب ماهي بها الحسن يعلو
اصبح طريح ولاتشيلن مواطي




ياللي بوصلك يرتوي ضامي النو
اسق الفياض الممحلات الشواطي




قبل الخفوق اللي سلبته بلا قو
يصبح صريع ولايفيد اغتباطي




ترى البشر البعضها دايم احيو
لاتصير سبة موت للقلب ناطي

[بدرفهد الجعفري]

الشاعر المميز عيد سمران

نص طاغي بالجمال والعذوبه

اطربتني بهذا النص الشعري المميز

لا املك الا ان اقول لك صح لسانك

[سعود المسعودي]

لشاعر القدير\ عيد سمران


صح لسانك إلين ترضا


قصيدة جزلة من رأس جزل بالمعاني



تقبل جل تقديري واحترامي

[البدر]

رائع بما تعنيه الكلمه ياعيد

قصيده تتجاوز المسامع الي القب

صح لسانك

[عيد سمران]

المشاركة الأصلية كتبت بواسطة بدرفهد الجعفري

الشاعر المميز عيد سمران

نص طاغي بالجمال والعذوبه

اطربتني بهذا النص الشعري المميز

لا املك الا ان اقول لك صح لسانك

بدر فهد الجعفري

الجمال والعذوبه تكتمل بمرورك العذب

لك ارقى الموده والتقدير على مرورك العذب

اسعدني حضورك الرائع

لك مودتي

[عيد سمران]

المشاركة الأصلية كتبت بواسطة سعود المسعودي

لشاعر القدير\ عيد سمران


صح لسانك إلين ترضا


قصيدة جزلة من رأس جزل بالمعاني



تقبل جل تقديري واحترامي

سعود المسعودي

صح بدنك حتى حدود الرضى

والجزاله بحضورك يالغلا

لك مودتي وتقديري

[عيد سمران]

المشاركة الأصلية كتبت بواسطة البدر

رائع بما تعنيه الكلمه ياعيد

قصيده تتجاوز المسامع الي القب

صح لسانك

البدر

الروعه حضورك يالغلا

لك مودتي وتقديري ع مرورك العذب