ياصالح ضويحي

[طلال معيض]

يسعد مساكم اخواني وهذه القصيدة وجهتها للشاعر صالح ضويحي واتشرف ان اطرحها بينكم

ياصالح ضويحي عريب الساس =مادمت من ربعي و من ناسي
لاطاحو الشعار من ذا الراس =انت الذي ماطحت من راسي
قصيدتي بحر(ن) بلا مقياس = من فكري وبدعي وهوجاسي
أول شطر قافيه حرف الآس = والشطر الاخر ينتهي باسي
من بعد هذا دقت الأجراس = دق الجرس لدقت اجراسي
للشعر مغزى واضحً كالماس = مقفول دون القفل حراسي
ودك تعرفه تذبح الحراس = تفتح قفوله تاخذ الماسي
واحدمن السته لنا نبراس =وخمسة نفوس تضيق انفاسي
واحدمن الخمسه عديم احساس = قاسي على بعض البشر قاسي
لامن صافحته ترى ينداس = يطيب لك حزات الادماسي
يبعد ليا من شاف فيك انعاس = ويقعدك لامن طاب الانعاسي
والثاني موسوس وبه وسواس = خاسي ورجل(ن) رافقه خاسي
مايدخل الجنه هكالخناس = مسلم وصايم بس خناسي
ما كنه الا من وكالة واس = واللي يطيعه راح محتاسي
والثالث العرقوب والبلاس= خوان للشينات غراسي
الزير باسبابه قتل جساس= وبأشين ثلاثه فاز بالكاسي
والرابع دروبه نكد وأتعاس= يمشي حقير وكله اتعاسي
يطيب لا هب الهوى نسناس = يخاف شوف السيف والفاسي
وقت السعه يشبه لابو نواس = وعند الشدايد مثل البساسي
اول حروفه باول الجلاس = واخر حروفه باول الناسي
والخامس اللي مايجيه الباس = يموت لو له ضاع قرطاسي
ماهو مرض معدي وبنكرياس = من فوق كنزه كالجبل راسي
ياكثر ماسس في طريق انكاس = ويسكن ببيتن خالي الساسي
الخيل دون البا لها فراس = والبا مع اول خيل ينداسي
جتك القصيده ياعريب الساس = من فكري وبدعي وهوجاسي
والشعر مغزى واضح(ن) كالماس = مقفول دون القفل حراسي
ودك تعرفه اذبح الحراس = تفتح قفوله تاخذ الماسي

[سالم صالح]

طلال معيض



صح السانك قصيدة راااااااااائعة ويستاهل الشاعر الرائع



صالح الضويحي



تقبل تقديري وودي

[عوض بن خميس]

الاخ طلال المعيض
قصيدة رائعة بحجم شاعرها
ونعم بالمادح والممدوح انت شاعر جزل
والاخ صالح الضويحى يستاهل الطيب
تحياتى

[سعود المسعودي]

طلال معيض



صح السانك قصيدةجزله وانت جزل



ويستاهل الشاعر الرائع



صالح الضويحي



تقبل تقديري وودي

[ابوالهيثم]

طلال معيض



صح السانك قصيدةجزله

[بدرفهد الجعفري]

صح لسانك

ونعما بك وبأبن ضويحي

قصيده مميزه

[طلال معيض]

شكرا لكم جميعا