امشي على الذكرى

[احمد الضوي]

السلام عليكم ورحمة الله وبركاته
ولاول مره في شبكة ويلان
اضع امامكم هذه المتواضعه لعلها تنال اعجابكم

سراني الهاجوس والناس نيام = امشي على الذكرى وروحي عليله
وتركت هالعالم ومابه من خصام = ومن الفيافي الجرد عندي بديله
ورحت لمكان(ن)دايم اجيه منضام = لاجتني الضيقه لزوم(ن) اجيله
وشبيت به ناري وانا همومي ركام = وحكرت فنجالي بتزويد هيله
وقمت اتذكر ماجرالي قبل عام = بنفس المكان اذكر سوالف طويله
اذكر جلسنا فيه وايامنا ايام = جلسة محبه بين خل وخليله
كان الحكي مابيننا همس وانغام = سوالف(ن) مااظن بالقى مثيله
ماحولنا حاسد ولافيه نمام = ماغير انا وابو الرموش الضليله
يرسم على رمل الثرى قلوب واسهام = واذكر رسم حرفي وسهم(ن) يجيله
اليا تبسم زود هيامي هيام = واذوب لاسلهم بعين(ن) كحيله
كانت اماني وكل منا له مرام = والله جمعنا جلسة(ن) وتعليله
وباقي السوالف لو ذكرته ابنلام = عاهدت خلي وسط قلبي اشيله
واليوم جالس مع خياله والاوهام = كن الغضي جنبي اشوفه اخيله
لامن ذكرته خافقي بالصدر زام = لولاضلوعي كان مافيه حيله
اتلى العهد بالزين وادعني وقام = ودموع عينه فوق خده هميله
مسحت دمعه وقلت لظروفنا احكام = وترا الصبر يازين افضل وسيله
سافر وخلا ذكرياته كالافلام = اعيدها لااشتقت في كل ليله
اتذكره ويزيد جرحي والآلآم = من غيبته ياويل حالي ياويله
اشكي معاناتي وحزني للاقلام = وترسم همومي بالورق تشتكيله
يارب تلهمني الصبر انت علام = وترد من روحه لروحي عديله

وسلااامتكم

[خلف الغريب]

صح لسانك اخوي احمد وحضور جميل ونتطلع معك الى الجديد الافضل ان شاء الله ,,

تحياتي لك..

[بدرفهد الجعفري]

احمد الضوي صح لسانك

ابيات فيها من الجمال الكثير

صح لسانك

[احمد الضوي]

المشاركة الأصلية كتبت بواسطة خلف الغريب

صح لسانك اخوي احمد وحضور جميل ونتطلع معك الى الجديد الافضل ان شاء الله ,,

تحياتي لك..

صح بدنك
مشكور اخوي خلف
اسعدني مرورك

[احمد الضوي]

المشاركة الأصلية كتبت بواسطة بدرفهد الجعفري

احمد الضوي صح لسانك

ابيات فيها من الجمال الكثير

صح لسانك

صح بدنك اخوي بدر فهد
ومرورك هو الاجمل ومشكور

[طلال معيض]

احمد الضوي
صح لسانك ولاهنت جزل

[احمد الضوي]

المشاركة الأصلية كتبت بواسطة طلال معيض

احمد الضوي
صح لسانك ولاهنت جزل

صح بدنك يا طلال
ومشكور على المرور