{{ بعض المجالس }}

[حمد الضوّي]

هذه أبيات أضعها بين أياديكم أرجو أن تحوز على رضى الجميع

{ بعض المجالس }

إسمع وأنا أدري صحيح العلم ماغرّك=خذها نصيحه وفي ماقول لك فكّر
لاشفت مجلس ونس للراحله برّك=وإحرص تجيله وباسرع وقت ومبكّر
بعض المجالس ليامن جيت له سرّك=تسلى ولو إنّ جوّك كان متعكّر
وبعض المجالس ليامن جيت له ضرّك=ويسبب الضيق لك والضغط والسكّر
تسمع كلام ٍ مثير يزيد من حرّك=من فم رديِ ٍ بثوب الطيب متنكّر
هرجه يخلّ المشاعر فيك تتحرّك=غادي جدى في شعور الناس مافكّر
أطلق عنان الذلول وفوقها ورّك=بمسيلمه كذبه يفطنك ويذكّر
وفي حزة الموجبات يصد ويفرّك=للشّمت واللوم لاحسّب ولافكّر
عند الردي لاتبوح وتبدي بسرّك=لاتامنه يقلب التانيث لمذكّر
وإثبت لايغدي بك العاصوف لامرّك=خلك كما الحر فوق النايفه وكّر
واحفظ لسانك وفك الناس من شرّك=وباب القشر لاتفكه خله مسكّر
والمجلس اللي لقول السوّ يجترّك=ودعيت له هات عذر وقول متشكّر

وسلامة الجميع

[بنت الكحيلا]

صح لسانك اخوي حمد الضوي

والله يعطيك العافية على هذه القصيدة الرائعه والجميله

وتسلم ويسلم بوحك الراقي والمعبر

كتبت فأبدعت بارك الله فيك

لك شكري وتقديري

[حمد الضوّي]

اقتباس:
المشاركة الأصلية كتبت بواسطة بنت الكحيلا
صح لسانك اخوي حمد الضوي

والله يعطيك العافية على هذه القصيدة الرائعه والجميله

وتسلم ويسلم بوحك الراقي والمعبر

كتبت فأبدعت بارك الله فيك

لك شكري وتقديري



بنت الكحيلا



صح بدنك أختاه وشاكر لك مرورك العاطر

وإطرائك وكلماتك الجميله


دمتي بخير وعافيه



تحايا

[مشهور الرشدان]

مدرستي الشعريه /الشاعر القدير / حمد الضوي (درع عنزه )

تسمع كلام مثير يزيد من حرك & من فم ردي بثوب الطيب متنكر

عز الله انك صادق صح لسانك وعتلا شانك استاذي الكريم
على هذه القصيده الجزله قصيده تحوي من الحكم الشي الكثير
للامانه ياحمد انت شاعر من كبار شعراء هذا الصرح
وانا من سجلت في هذا المنتدى ماشفت شاعر بمثل قوه شعرك وجزالته
وانا مسؤل عن كلامي صح لسانك مره اخرى وتقبل اعجابي بما تكتب
وانا بنتظار جديدك وبشوووق تحيااتي اخوك مشهور الهويدي

[حمد الضوّي]

اقتباس:
المشاركة الأصلية كتبت بواسطة مشهور الرشدان
مدرستي الشعريه /الشاعر القدير / حمد الضوي (درع عنزه )

تسمع كلام مثير يزيد من حرك & من فم ردي بثوب الطيب متنكر

عز الله انك صادق صح لسانك وعتلا شانك استاذي الكريم
على هذه القصيده الجزله قصيده تحوي من الحكم الشي الكثير
للامانه ياحمد انت شاعر من كبار شعراء هذا الصرح
وانا من سجلت في هذا المنتدى ماشفت شاعر بمثل قوه شعرك وجزالته
وانا مسؤل عن كلامي صح لسانك مره اخرى وتقبل اعجابي بما تكتب
وانا بنتظار جديدك وبشوووق تحيااتي اخوك مشهور الهويدي



مشهور الرشدان

ومطنوخ الويلان

صح بدنك وأبعد الله الشر عنك أخي الغالي
وشاكر لك مرورك العاطر وإطرائك وشهادتك أعتبرها وسام على صدري
وتاج على رأسي أحملهما حيثماكنت كيف لا وهي شهاده
من شاعر وإعلامي محترف بقامة { مشهور الرشدان }
والحقيقه إنك وضعتني بمكانه يوجد بهذا المنتدى منهو أولى بها مني
حيث هناك شعراء مميزين وأنا أعتبر نفسي واحد من تلاميذهم

أكرر شكري وعرفاني لك اخي مشهور

بيض الله وجهك حتى ترضى



تحياتي لشخصك الكريم

[فاضي عبدالعزيز]

صح لسانك
بداع رائع ونصيه غاليه
من شاعر تميز بالجزاله والحكمه
صح لسانك مليووووون

[حمد الضوّي]

اقتباس:
المشاركة الأصلية كتبت بواسطة فاضي عبدالعزيز
صح لسانك
بداع رائع ونصيه غاليه
من شاعر تميز بالجزاله والحكمه
صح لسانك مليووووون



فاضي عبد العزيز



صح بدنك والتميز في مرورك العاطر
شاكر ومقدر ، شرفت طال عمرك



تحايا