دار الشــــمـــــال - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 15/07/11, (05:00 PM)

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

ياسعود عن دار الشمال اخبر الروح = حيث انها ياسعود غايه مرادي
اسمع بطاريها لها القلب مشفوح = عن دربها يحدى المعنى حوادي
لابد مايوماً يجي يمها اروح = واسج رجلي في ديار البوادي
دار بها لاهل الكرم (بنيت) صروح = كل المكارم في رباها تنادي
لكن انا ياسعود بالسر ابى بوح = واقول قولي ماعلي انتقادي
ماعاد لي بارض (العجااز) اي مصلوح = عفت البقاء فيها وعفت المنادي
البال منها ضاق والقلب مشروح = والهم في وسط الحشاء بزديادي
فيها تراني من عنا الوقت مطروح = ياسعود ابي منك العلوم الوكادي
وانته من اهل الطيب لاشك ممدوح = معروف في وقت الليال الشدادي
ماهو كلام يقال في حزة امزوح = لا والله الا يالـسنـافي قيـادي
هذا جوابي جاك والوضع مشروح = ياهل الحفر فيكم تعلق فوادي
يالله عسى برق الوصل منكم يلوح = ولا كلانا الحر عقب البرادي

**محمد بن موسى** · 15/07/11, (05:19 PM)

الراقي / مشهور الرشدان

صح الساانك ملايين يالذيب

نص شامخ بشموخ كاتبه

ولايستغرب الجزاله من اهلها

ابدعت فيما خطت يداك

تقبل مروري وفائق مودتي

كن بخير

**بنت الكحيلا** · 15/07/11, (05:58 PM)

صح لسانك اخوي مشهور الرشدان

والله يعطيك العافية على القصيدة الرائعه

ابدعت والإبداع لا يستغرب من اهله

لك شكري وتقديري

**جايز المفوز** · 15/07/11, (07:36 PM)

الراقي\ مشهور الرشدان

الله يعطيك العافية على القصيدة الرائعه

لك شكري وتقديري

**مشهور الرشدان** · 15/07/11, (08:34 PM)

الشاعر القدير / محمد بن موسى (سلطان الحرف)
صح بدنك استاذي الكريم والابداع مرورك وتشريفك
شكرا جزيلاً

**مشهور الرشدان** · 15/07/11, (08:37 PM)

الشاعره القديره / بنت الكحيلا (لؤلؤه الشعر )
صح بدنك استاذتي الكريمه والابداع مرورك وتعليقك
شكرا جزيلاً

**عبدالله المعيوف الدهمشي** · 15/07/11, (08:39 PM)

صح لسانك مشهور

امتعتني بهذه الرائعة لا عدمناك

كل الشكر دام ابداعك
،
،

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري