تكيت ,, برستيج ,, تطور ^_^
ياخواني وياخواتي ابي اكون صريح معاكم
واقولكم ان براسي حبن ماطحن
واللي يصير يصير
شوفو: قبل لا ادخل بالموضوع عندي كم سؤال ؟
وش هو الاتكيت,, وش هو بعد البرستيج ,, وش هو التطور
وش هو بعد ياربي الهاي هاي ,, وشو هو وش هو .... الخ
هذي كلمات اسمعها كثير ولا ادري وش هو معناها
واصبحت ارددها ولا ادري وش سنعها يعني :مدري:
بس انا ابي اعرف لها مرادفات < معاني > لغير النطاقين
باللهجه المتطوره ؟
ما فهمتم علي:
انا اقول مثل كلمة تكنولوجيا << مصطلح جديد لكنها موجوده
منذو مبطي من عهد اجدادي واجدادكم ويمكن منذو بداية عهد الرسول
مو يمكن الا اكيد
مثل الكتابه كل مالها وتتطور ليييييين صرنا نكتب على الاوراق :
مو مثل من اول على لوح والا على ورق شجر:
يعني كان فيه تكنولوجيا ,,
بالنسبه للخنبقه اللي فوووووق مقدمة الموضوع
قبل لا ادخل بلب الموضوع ,, ترى الاحرف الزايده بالكلمه
هي عباره عن تحريك للكلمه فقط لا اكثر ولا اقل مو تقعدون تسوون لي حصة املااااء :
حلمة مره اني صرت جد وعند عيالي وهم من النووووووووع
اللي يقال عنهم:><: اتكيت وهاي هاي وبرستيج ومن ذا الخنبقه
اللي ظهرت علينا من تالي : وكانوا عيالي يجرجروني يبون يودوني دار العجزه :
يقولون هالشائب وش فهمه بالاكل عالطاوله والكرسي دامه ما يعرف بنوديه دار العجزه وانا مغير اتحسب عليهم واقول جعل
عيالكم يسوون فيكم اللي تسوونه فيني ياللي ما تخافون ربكم :
المهم :> قالو لي عيالي مره يالله البس وتجهز نبي نروووووح يم ابوعلي عازمنا اليوم على عشاء
رديت عليهم وقلت>: طبعا ًمن الفرحه لزوووووم ارووووح ,,
قالو : ايه لزووووووووم لانه ملزم علينا تجي:
قلت زين ان شاء الله :ايه:
واطلع الى غريفتي الي بالسطح والبس واكشخ :>عود ومتكشخ دبرها:>>>>> وانزل ونروح يم ابو علي
<<< لي سنين ما طبيت بيت ابو علي رفيق العمر:
يوم دخلت وسلمت على ابو علي نسيت وقلت منزل مبارك ان شاء الله قال وش منزل مبارك ياابو فهد من خبرك ماغيرنا منزلنا ابد ,, هاها:
عاد انا الله يخلف علي بلعت العافيه وسكت << من زين السوال:
دخلنا وجلسنا على الكنب وانا مغير اونون:
قلت تكفاء يا ابوعلي قوم ندور لنا غرفه فيها زي العالم والناس ونجلس فيها بصراحه احس رجيلاتي يعورني ابي اجلس على الارض
قال اجلس على الارض هنا , قلت ما يصير اجلس لحالي بيقولون وش ذا
قال لي انت ما تعرف الناس الهاي هاي والاتكيت ,,
قلت له : اقول اقطع واخس ,,:معصب وامون على ابو علي:
أي اتكيت وخنبقه مالها سنع :هع:
المهم اني تعذبت عذاب موب طبيعي وانا جالس لا تقهويت زي الناس ولا شي ما شربت الا فنجان قهوه بس :
يوم جاء وقت العشاء : وعاد انا ميت جوووووووع على غداي امس
ما اكلت عقبه شي ويوم دخلت صالة الطعام وتطيرعيوني >>>
يا قرد حظنا حاطين العشاء على الطاوله
وانا اللي تتكني الغلقه : بس قلت من اجل الجووووووع
لازم نتحمل الطاوله والكرسي ,, اقول بفنسي وش هذا ما ينفع ينزلونه على الارض والله اذبحونا حتى التطور بلاكل
ورحت جلست على احد الكراسي وحطيت لي شوي رز وشوي جريش وجلست اكل ,,:هم:
جاني ابوعلي قال وش فيك يا ابو فهد ما عندك سلطات ولا شي مغير رز وجريش: قلت لا مشكور ما ابي شي يكفي هذا:
<< ما يدري اني بعذاب وانا اكل من ذا البرابيس :
المهم اني طلعت من صالة الاكل:
وانا اصحي من النوم :<<<<<
احلاااااااااام سعيده
30/04/06, (04:51 AM)
تكيت ،، برستيج ،، تطور
العرض العادي
