هــو مــن مـتـى بــرق الــدجــا يــســرق الــغــيـم ؟!! - °~*¤®§(§ شبـــكة ويــلان العـربـيـه §)§®¤*~ˆ°

**منصور الرويلي** · 08/01/07, (05:19 PM)

وش غير دمعات الرجل لادرجت ضيم = ويقول عذره ذي حدود الرجوله
يلقى البكا رحله توديه للغيم = ينسى الحياه بدمع يلغي فضوله
لحظة بْعد كبت وشقا له مراسيم = فيها يسافر لاعجز عن ميوله
يغرق بجوف الاسئله والمفاهيم = ويبلل أوراقه عزى من ذهوله
العمر يجتاحه ربيعه بلا ديم = ويبكي شعر .. مايشعر بشي حوله
في قصةٍ يرحل بها الوقت ويهيم = للشاعر اللي هاجسه من يطوله
ياصاح أصـّوت والصدى كنه مقيم = وأنا على نار أتحرى وصوله
وضح الهقاوي عــّودن لي مجاهيم = بس أنتظر وعدً وصلني رسوله
طـّول عـّلي وأنا عـّلي الملازيم = حوله ولاكني من الجور حوله
هو من متى برق الدجا يسرق الغيم = من ضاميً بس أيتحرى هطوله
مقسوم ياكثر التعب يالمقاسيم = وهذا نصيب أنسان متعّبه قوله
مفهومه يعايش جميع المفاهيم = تحتار هامات النخل في مثوله
الله خلق في داخله مكـُـتنز ضيم = وأنا بسمي صبره أسمى بطوله

*
*

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري