جن الشعر صامت مع الرجـّاج

[مشاري بن فالح]

آخــر الأنتــاج
******

ياهاجس الشعر طيع امري بلا ازعاج = تعال نبنيـه سور ونرفـع اسياجـه
اكتب لهم ياهجوسي آخر الانتـاج = شبّ القصايد مدام النـّـار وهـّـاجـه
بعض القصايد.. سببها مترفٍ مغـنـاج =وبعض القصايد..مواقف سبـّـة اخراجه
الجزل وان جيت اقوله مايجيه احراج =طب الشعر من حروفي استخلص اعلاجه
جن الشعر صامتٍ وضعه مع الرجـّاج= لو دقّ رقم الشعر! .. موج البحر هاجـه
ياكيف حال الشعر من بعد هاجس هاج =في ساحة الشعر (بدري) شيـّـد ابراجـه
والموطن اللي غشاه ابظلمه الحجـّاج= راعي اكحلا ساكنٍ بـه يطلق احجاجـه
الهرج فضـّه يصير بكثرة الهرّاج =صمتي ذهب في زمانٍ كثرة اهراجـه
ياكم ماشفت انا من تايـهٍ دواج = والرجل!.. ماهي على الشينات دوّاجـه
الطيب من ساس جدي ماخذه منهاج =ودرب المكارم ابوي امنور اسراجـه
ياهاجس الشعر.. لاوالله مايحتاج= ان رحتْ .. ماغير اقول انك ولا حـاجـه

الشاعر : مشاري بن فالح البلط البدري ( هاجس الحرمان)

25/4/2010

:
:

[أحمد العواد]

الشـاعر الرائع مشاري بن فالح

قصيدة رائعة من شاعر رائع

حبكة شاعر لا يجيدها الا انت

طرق مميز قليل اللي يكتبون عليه

ابيات مترابطه قافية ذات جرس موسيقي راقي

كا رقي اخلاق وذوق كاتبها

تقبل مروري المتواضع

دمت كما تحب
تحيتي لك

[سليمان مفضي العنزي]

لاغريب ان نرى المميز والفريد من هذا الشاعر الجميل

صح لسانك يامشاري

[عاشق المعالي]

صح لسانك ياراعي كحلا

فقد ابدعت وامتعت

تقبل مروري واعجابي

[بدرفهد الجعفري]

مشاري

لا املك مايفي هذا النص حقه

فقط اقول صح لسانك وتقبل مروري واعجابي بما تكتب دائما

[البدر]

الشاعر الجميل بحضوره وشعره مشاري فالح

صح لسانك على هذه القصيده المميزه.

تقبل مروري

[بدويه]

صح لسانك

ونعم فيك وفي ابوك وبجدك الاقصى

قصيده جزله ومعناها نادر

ويعكس معدنك الاصيل