ديرة الترك..... - °~*¤®§(§ شبـــكة ويــلان العـربـيـه §)§®¤*~ˆ°

**عبدالمحسن الجلوي** · 21/12/11, (01:52 PM)

طعن الخناجر والرماح المزاريق = اهون من اللي شافت العين بالسوق
اللي تسوق الشوف يمي تساريق = لولا ترفها قلت به نية البوق
اللي ذبحني ذبح والدم ماريق = يوم اقربت كني من الغيم مصعوق
تمشي بوسط الناس مشي البطاريق = ماتقل يمشي بين هالناس مخلوق
والا الغزال اللي يروم المداريق = عن الرصاص اللي مولع ومحروق
الصدر واقف مثل بيض الاباريق = صب اللجين اللي بالالماس مدفوق
شمس النهار الساطعة بالمشاريق = فضت سواد الغيم والنور مشقوق
واقلبي اللي يطرقنه مطاريق = بين الحنايا ركّزن رمح مفروق
قمت اتمنى والمناوي تلافيق = مثل الحلوم اللي يجي عقبها فوق
ليته عطاني عرف نظره وتوثيق = واصير له من بدت الناس ماثوق
وليته سقاني من عسل صافي الريق = يسكن بها قلباً من الضيم مزهوق
ماهي بديرتنا مطّوع وتحقيق = في ديرة الاتراك بهجت وفاروق
ديارنا ياجعلها للبواريق = تمضي حياتك بين شرهات وحقوق ...

**محمد البويليد العنزي** · 21/12/11, (06:26 PM)

الشاعر // عبدالمحسن الجلوي
صح لسانك
اقف احتراماً لشاعريتكو لا استغرب هذه الجزالة .. و سيبقى حرفك لامعاً و سنرتشف الإبداع بين ثنااأحرفك
مررت لإسجل إعجابي بهذه الشامخه

**الحوراء بنت نجد** · 21/12/11, (08:51 PM)

عبدالمحسن الجلوي

همس بوح يرتقي للذائقه في تصوير

بديع ومعبر0

صح الله لسانك0 لك تقديري

**بدرفهد الجعفري** · 22/12/11, (01:47 AM)

الشاعر الكبير عبدالمحسن الجلوي

اسم شاعري اشتقنا له كثيرا وفرحنا بحضوره بهذه الشامخه الشعريه

صح لسانك الي ان ترضى ولا املك الا ان اسجل اعجابي بهذه القصيده واقول صح لسانك

**صالح الأسود الجعفري** · 22/12/11, (02:59 AM)

عبد المحسن الجلوي

صح السانك نص شامخ بشموخك
دمت بخير

**عبدالمحسن الجلوي** · 23/12/11, (03:08 AM)

اقتباس:
المشاركة الأصلية كتبت بواسطة محمد البويليد العنزي
الشاعر // عبدالمحسن الجلوي
صح لسانك
اقف احتراماً لشاعريتكو لا استغرب هذه الجزالة .. و سيبقى حرفك لامعاً و سنرتشف الإبداع بين ثنااأحرفك

مررت لإسجل إعجابي بهذه الشامخه

الشاعر محمد البويليد الــعــنزي
يامرحبا فيك شاعرنا الجميل والفذ محمد صح بدنك ملايين
بيض الله وجهك على مرورك الذي يشع منه النور دمت بحفظ المولى ورعايته

**عبدالمحسن الجلوي** · 23/12/11, (03:11 AM)

اقتباس:
المشاركة الأصلية كتبت بواسطة الحوراء بنت نجد
عبدالمحسن الجلوي

همس بوح يرتقي للذائقه في تصوير

بديع ومعبر0

صح الله لسانك0 لك تقديري

الشاعرة والكاتبة : الحوراء بنت نجد
اشكرك جزيل الشكر على كلماتك الفاتنة والساحرة والعطرة
صح بدنك حتى عنااااان السماء دمتي بحفظ الله ورعايته