شعبك يحبك يابو متعب بلاحدود(بمناسبة عودة خادم الحرمين الشريفين ) - °~*¤®§(§ شبـــكة ويــلان العـربـيـه §)§®¤*~ˆ°

**فــرج الدهمشي** · 07/03/11, (04:49 PM)

السلام عليكم ورحمة الله وبركاته

نحمد الله على عودة خادم الحرمين الشريفين ملكنا الغالي
الملك عبد الله الى ارض الوطن سالماً معافى حللت اهلاً ووطأت سهلاً
ياعز الأسلام والمسلمين يافخر الوطن والمواطنين
نسأل الله سبحانة أن يحفظ هذا الوطن وقادتة من كل شر وكيد وعبث..

يامرحبا حييت يا منبع الجـود = يالقائد اللي شوفته يـوم محسوب
عودة ملك ماهي شعـارات ووعود = عودة حبيب الشعب بالخير مصحوب
عودة ملك دايم على شعبـه يجود = من طيب ساسه صار للشعب محبوب
عودة ملك بقلوبنا كان موجود = رغم الغياب اللي به الوصل محجوب
اللي بنى مجده على شامخ الطود = اللي بشوفه جمر الاشواق مشبوب
باسم الوطن نهديه باقات وورود = ونكتب قصايدنا هجيني ومسحوب
نبني صروح الحرف لاهبت النود = ونرسم ملامح صورته نبض وقلوب
الحب جنه والغلا نبضه يزود = شمس الوفا في شوفته مالها غروب
شعبك يحبك يابو متعب بلاحدود = وبيرق غلاك بقمة العـز منصوب
ياسيدي بوجودك الخوف مفقـود = سيف الشريعه بين غالب ومغلوب
ياالحاكم اللي لك مواثيق وعهـود = لا ضاعت الحيلات والحق مسلوب
انت الحكيم اللي بالافعال محسود = وانت الحليم اللي بالاسلوب مرغوب
انت الزعيم اللي على القمه يسود = وانت الكريم ليا غدى الطيب عذروب
وسلامتك يا سيدي منبع الجود = عسى الُولي يجعلك الآجر مكتوب

**بنت الكحيلا** · 07/03/11, (07:24 PM)

صح لسانك اخوي فرج الدهمشي

والله يعطيك العافية على هذه القصيدة الرائعه

كتبت فأبدعت والإبداع غير مستغرب منك

الله يعطيك العافية

لك شكري وتقديري

**مشهور الرشدان** · 07/03/11, (07:43 PM)

الشاعر القدير / فرج الدهمشي

صح لسانك وعتلا شانك على هذه القصيده الرائعه
وهذه المشاعر الصادقه الغير مستغربه من فرج
استمتعت بماء قراءت الله يعطيك الف عافيه

**سالم صالح** · 07/03/11, (07:52 PM)

فرج الدهمشي ,,,,

صح السانك قصيدة مميزة من شاعر مميز ..

والحمدلله على سلامة وعودة ملك القلوب خادم الحرمين الشريفين ,,,,,,

تقديري لك

**محمد بن موسى** · 07/03/11, (10:21 PM)

فرج الدهمشي

صح السانك واعتلا شانك

كلمات رائعه ومشاعر صادقه

وملك الخير ولانسانيه ابو متعب

يستحق ان نكتب اسمه بكلمات من ذهب

تقبل فائق الود والتقدير

كن بخير

**فــرج الدهمشي** · 08/03/11, (09:04 PM)

اقتباس:

المشاركة الأصلية كتبت بواسطة بنت الكحيلا

صح لسانك اخوي فرج الدهمشي

والله يعطيك العافية على هذه القصيدة الرائعه

كتبت فأبدعت والإبداع غير مستغرب منك

الله يعطيك العافية

لك شكري وتقديري

الشاعره بنت الكحيلا

صح بدنك بدنك هلابك ومرحبا الف شكر لك على مرورك العطر

تحيتي وتقديري

**عبدالله المعيوف الدهمشي** · 09/03/11, (07:13 PM)

فرج الدهمشي

صح لسانك ملايين