طفل خ / بل خ : ايف

[فهد الغبين]

لا اعلم لما كتبت بالاسود
ولكن
هو الليل

قيتارة : الاح ـزان ..يا أم الموا : ويل=لا تزعجين الصوت ..والوقت ..طايف
عواطفي ..يا أشرف عيون ٍ مضا:ليل=مابعد ..عطفك عطف ..يعطى ..عطايف
ياضحكة العاشق على ..وقفة النيل=خلي ..الالم ..يكتب على الغيم ( ع ا ي ف)
وخلي ..الغرير ..يلملم جراحه ..ل جيل=عاش السخا :يف ..في سماء الخرايف
واعطي مجال الناي ..يفزع لك ..بشيل=نزق القلوب ..ودوب ..هالنزق ..رايف
ل اجل السنين اللي مضت ..ياضيا الجيل=خلي ..خوي الناي ..هالليل ..كايف
ل الغيمه ..اللي غربت بي ورى سهيل=ل سهيل ..لامن طاح ..لوله ..ذرايف
ل الماء ..ل إضماء الروى ..ل التفاصيل=ل الحزن ..ل حداد السنين العجايف
ل الصمت ..في صوت الصدى ..ل المناديل=غيم ..تضولب ماطره ل الولايف
ل الاه : لامن ْ..اح ضنت أوفها ..حيل=سيل ٍ..روى الوادي ..وجاء منه طايف
صيد ..وقص يد ..وهمـ/ هـ/مات ..ومواويل=كانت بدايات الضياع ب طرايف
حتى لقيت ..إحساس مافيه ..تمثيل=مابين صادق حب مع حب زايف
كان العتب طفل ٍ يخاف أول الليل=ومن عام راح الليل ..والطفل خايف
يا أطعم فناجيل الهوى ..بالفنا/جيل=من علمك ..تمر ..جمر الشفايف
ما قلت لك ..إن الهوى لانحرف سيل=يقش قشعٍ ..هرقلته السفايف
وانا لي اعوام ٍ على المرح ما اشيل=واقف أعزي العمر لا مر طايف
كني ..طفل ..ميت ..على سرجة الخيل=في مخمعي ٍ ماتجيه الولايف
أضحك بحزن ..واعطي الحزن قنديل=يشعل سماء نوءٍ سمته الكلايف
خبل ..بدوي ٍ عاش عمره بها:ديل=وحاول يشوف اللي ماهو يوم شايف
وشاف الصحيح ..اللي يصحي االمسا:طيل=يوم أضلمت دنياه واضواه ضايف
طفل ٍ لفاه ..وقال له يايبه ..ويل=ويل الخفوق اللي له أعوام ..خايف
يبه يبه ..كب الامل ..مابقى حيل=خل المساء ..يابوي ..واخذ القطايف
من نادرات النازفات ..المواويل=الواضحات ..الناضحات ..العفايف
اللي لهن ..في عالم الحب ..تأويل=المنهيات ..لكل ..حلم ..ووصايف
المفردات ..النايفات ..بمدا : الكيل=الكايلات ..اللاينات ..الخفايف
المثقلات ..بكل در ٍ..ضوى الليل=المضويات ..بكل ليلٍ ..المضايف
بيض ِ ..يخلن من سرج له من الخيل=مهره ..يعيد السرج ب احساس كايف
من يوم دفن بودي الحب ..ماقيل=عنْه ..بهذا الجيل (ح ب : الخ : طايف)
ياضبية الوادي ..اذا حدر السيل=بالك ..تجين بيوم حول ( الجرايف)
عيشي حياتك ..واضحكي ياضيا الجيل=ما للحزن ..تنور يخبز رغايف
الحنطه ..اللي ..في يدين الرجاجيل=ماتشبع الجيعان ..والبرد ..حايف
والزارع ..اللي ح صدته البها :ذيل=يحصد سراب بعين له غيم صايف
الليل باب الفرح ..والصبح به ليل=فيه النجوم ..تدور حول ( ....)
لاصارت ..الاح لام تنكال بالكيل=مالومها ..لا لم لمت هيف هايف
يافلوة الوادي ..وياغيمة ..الريل=طاف القطار ..ولا وقف ل الوقايف
والغايب ..اللي من غيابك ..غدا نحيل=خليه ..ل فتوق الزمن والهوايف
خليه ثامل ..غدر ..لو يثقل الشيل=ما ل الحول الكايده غير ..عايف
خليه ل اللي كان ..يافلوه ..حليل=طفل ٍ ..تمزق ..مابقى الا ..نتايف
خبل ..زرع حبك ..وشاف المحاصيل=تعطى لغيره ..وانكسر ..ياحسايف
طفل ..رسم حلمه ..على كف منديل=ودمع عليه ..وشقه الدمع ..شايف ...؟
حاول ..يلمه ..ماقدر ..قشه السيل=واصبح يشوفه ..طيف ..لامر طايف
وقف..على رجله مسند على الويل=ويغني .. يارايف ..حشا مانت رايف
مع السلامه ..دامها ..منوتك ..(deal)=(حبـ :ـل) الو:صل ..مقطوع ..بين الو : لايف
دام الهوى ..طفل .غدى مهاده الليل=لمي ضياء القنديل عن طفـ :ل ..خايف
ل الليل ..ل جروح الزمن ل المواويل=مافات ..لو مامات ..من طاف طايف

[أبو غرام]

لله درك من مبدع
ومتى ما حللت حل الابداع وتمايل طربا ها هنا

صح بوحك وفكرك وقلمك وان تلوّن

اخوك ابو احمد

[مشهور الرشدان]

قيتـارة : الاحـزان ..يـا أم المـوا : ويـل
لا تزعجيـن الصـوت ..والوقـت ..طايـف
عواطفي ..يـا أشـرف عيـون ٍ مضا:ليـل
مابعد ..عطفك عطـف ..يعطـى ..عطايـف
ياضحكـة العاشـق علـى ..وقفـة النـيـل
خلي ..الالم ..يكتب على الغيـم ( ع ا ي ف)
هذه الابيات تكفيني عن قصيده كامله
فهد الغبين صح لسانك وعتلا شانك على هذه الجزله
قصيده اكثر من رائعه تمنيت انها لم تنتهي لله درك يابطل
اخووك مشهور

[بنت الكحيلا]

صح لسانك اخوي فهد الغبين

والله يعطيك العافية على هذه القصيدة الرائعه

وتسلم على البوح الراقي

لك شكري وتقديري

[محمد بن موسى]

فهد الغبين


شاعر حينما يحضر يحضر الشعر والابداع معه

نص فاخر وهو قيثارة الشعر النقي يافهد

بكل امانه يافهد اسلوبك يشد القارئ والمتلقي لمتابعة النص لآخر كلمه

ويجعل القارئ يستمتع بعذوبة حرفك وفيض نهرك


صح السانك حتى ترضى يافهد


ولا تطل غيابك علينا

فنحن دائماً بشوق لكل ماتجود به قريحتك

دمت بود

[بدرفهد الجعفري]

شاعر يطربني دائما بحضوره الشعري

صح لسانك يافهد

[تركي علي الخالدي]

ياسلام عليك يافهد

والله انك شاعر كبير وجزل دائما

تقبل اعجابي الكبير