يدفعني الشوق وأصبر .. مير ما يمدي
............................. الصبر طرّف قضى .. وغيابك مطــــوّل .. !!
إن كان ( ودك ) .. فأنا ياصاحبي ودّي
............................. أعيد لك ذكريات الماضي الأوّل .. !!
وأذكــّرك في زمان .. مرّ متعدي
............................. أيام لاغبت عنك يوم .. تتهـــوّل .. !!
لا غبت دمعك على الجفنين متحدّي
............................. أدناة كلمة على خدّينك .. تحوّل .. !!
أيام كان المزاج إليا صفى يــأدّي
............................. أأكد لك البيت .. وأغنـّــيه .. وأموّل .. !!
تآقف قبالي .. وأجيب القاف وأودّي
............................. كل يوم أشوفك .. اجيب أبيات تهــــوّل .. !!
أيام كنت الوحيد اللي خذا ودّي
............................. من قبل لا أدقّ .. وألقى الهاتف محوّل .. !!
زانت لك أيام عمرك .. ما أنته بقــدّي
............................. تبحث عن العذر .. للسفرات وتعـــوّل .. !!
صيف تقضـــّــيه في ( لبنان ) وتعدّي
............................. وصيف تقضـــّــيه في ( باريس ) تتجوّل .. !!
إن زرت لبنان قمت تقول ..ما بدّي
............................. ترجع .. وحكيك على لبنان متحــوّل .. !!
وإن زرت باريس .. يا وجدي وياوجدي
............................. حرف يؤول .. وعشر حروف ما تؤوّل .. !!
إنته مخوّل سفر .. يا باش يا فندي
............................. وأنا هنيـــّــا على قيفاني .. مخوّل .. !!
سافر وأنا بالحفر ( مندبلة كبدي )
............................. لكن إليا جيت .. ما تلقاني الأول .. !!
الشاعر : حمود الشمري .. !!
02/09/07, (12:37 PM)
يدفعني الشوق .. وأصبر مير مايمدي .. !!
العرض العادي
