رتـــــل الــــهــــــواجـــــــس

[حسين الهوران]

تعبت من رتل الهواجس والافكار= تموج بي وتهزّني اسئلتْها
احاول التركيز واسج واحتار= واتوه ادور. بمعْمعة دايرتْها
تهب فيني كنّها هبّة اعصار= كل الحقايق للزّمن نثّرتْها
ماعاد باقي فاض مكنون الاسرار= حالة غضب كل العيون افضحتْها
لكن يضل الصّبر بشموخ الاشجار= تموت والهامات مانزّلتْها
ويبقى الجمال مجيّر لورْد الازهار= اللي بلحْظه شمسنا. ذبّلتْها
العشْق الاول للوطن والوطن دار= والنّفس تعْشق مُبتدأ. تجْربتْها
الماضي التاريخ موروثه آثار= لكن سؤالي,!هل وفوْ.وارثتْها
مال الظّلام وجود مع وهْج الانوار= والمجد مجد افكار من نوّرتْها
للشّعر وقْفه صدْق منطوق الاشعار= كم موقعه بحروفها صوّرتْها
لافاض فيض الكيل صرخاتها جهار= تظْهر من اعماق البحر جوهرتْها
اهل الكهف نامو.وطالو,بالاعمار= حِِِكمه واظن عقولنا ماافْهمتْها
كان اول ايام العرب يوم ذيقار= لوايل ونخوة هند.حين اعنزتْها
وكان امتداد المعتصم جيش جرّار= من اجل صرخة حرّةٍ اصْرختْها
وامعتصم صاحت ولبّا.واخذ ثار= ولاخيّب الله هقْوةٍ به هقتْها
كانت كذا. امجادنا.بكل الامصار= ماضي وتواريخ الوقوت اكتبتْها
والآن وش باقي بالاوراق مقدار= للوجْه الاسْود صُحْفنا غيّرتْها
لاحول.لاقوّه ولاقبْ الامهار= الخيل نسْيت ظنّتي همهمتْها
حتّى لهذْب خيولنا,مابه غبار= وسيوفنا حتى الكفوف انكرتْها
اقوى السّيوف اللي نسمّيه بتّار= صار الدّجاجه مايبتْ ارقبتْها
ياشينها يرغي الجمل عقْب مهدار= والموت كان صغارها برّكتْها
غربان صْرنا.بعد ماكنّا الاحرار= ياحيفنا الذّلّه وكنّا حررتْها
تاريخنا غمّض عيونه عن العار= وهقواتنا.ذل النّفوس احْدرتْها
تمعّنو.بالامر ياأولي الابصار= هل تخضع الرّايات لمذللّتْها
الى متى نبقى نتابع بالاخبار= عدواننا اللي ديارنا غازيتْها
القدس حُرّه كلمة لسان ثرثار= وشْلون حرّه والعدا.دنّستْها
وعراقنا تُسْلب وبيدين الاشرار= جتْها خنازير اليهود ووطتْها
تصرخ حريمه بس مافيه غيّار= ونفوسنا الصّرخات ماثوّرتها
خزي لبني يعْرب اهل كل الاقطار= وشْهي الرجال اللي تصيّح مرتْها
للمسلمين الذُل من بعد الاكبار= وين الكرامه وينها مرْجلتْها
شوف اليهودي يبني بقدسنا جدار= وحنّا يدينا الذّلّه مكتّفتْها
حتى ان بعضنا. صارت بلاده ايجار= عدواننا غصبٍ عليه اجّرتها
وحتثّو.على بلاد الطّهر. ناس فُجّار= ناسٍ علينا اعدائنا غرّرتْها
اللي بإسم الدين واسلوب غدّار= بلاد الامان بحقدها فجّرتْها
صارو.جنود ابليس وابليس مكّار= وتأبى بلاد الطُّهر عن زعزعتْها
دام العرب بالكون اعدادها كثار= عارُُ .عظيم خضوعها وأمركتْها
وين القلاع ووين هي راسي الاسوار= وين المهابه والعدا.خارقتْها
من يوم ابعدنا عن الدّين وش صار= ذُلّه وهون وكسْبنا.مفسدتْها
صرنا انتلذّذ.بالسياحه والاسفار= وبنت العمام نلوك طُهْر الحمتْها
اسألك بالله ماهي افعال كفار= حتى يجوز افعالنا.ماافعلتْها
وشلون تمطر فوق خذلاننا.امطار= مالوم الارض ولو تطير ابركتْها
عزومنا خارت ولاباقي اصرار= صرْنا. العروبه مانجيب انخوتْها
وش عذرنا .بيومٍ مليٍء بالاخطار= وين الجواب الشّافي من اجْوبتْها
المسلمين الآن من فوق مليار= وثلثْ ملايينٍ فقط صاقرتْها
يعني سلفْنا بس هم دمّهم حار= وحنّا.دمانا العولمه برّدتْها
صدق الفلك لاقيل لك عنه دوّار= دارت علينا دائرة دائرتْها
على كرامتنا الاهانات مدرار= غضب.ً علينا من سمانا امطرتْها
عدوّنا معروف ظالم وجبّار= وهقواتنا من عزومنا طيّحتْها
يُفرض علينا الامر ماعاد نختار= صرنا ليهود الارض سلْعه شرتْها
لازم انواجه كيف ولّينا الادبار= ياحيفنا نهرب من امواجهتْها
هل يصلح افساد الدهر عطر عطّار= وهل تُقبل التوبه بعد غرْغرتْها
وهل.. تزر.اخرى بوازرة,الاوزار= ان العرب اوزارها وازرتْها
من صارو.بعين الزّمن تبْع وقصار= منهم عروبتْنا اعلنت تبرئتْها
اللي بهم خاين وبايق حما,الجار= واللي تقبّل هامةٍ هاينتْها
ياللخزي والذّل صار العرب عار= حتّى الله اكبر بعضنا ماانطقتْها
هذا الهرج هو. والمرج وخْزة انذار= والذّل الاكبر لانست مأذنتْها
الدايم الله والقوى بيوم تنهار= والمفلس اللي ماكسب مغفرتْها
عذرا الهي يامجيري من النّار= نفسي الهي تطلبك معذرتْها
اكبر من التفكير يارتل الافكار= احترت يااهل الكون من اسئلتْها

[محمد الدلماني]

من يوم ابعدنا عن الدّيـن وش صـار
ذُلّـــــه وهـــــون وكسْبنا.مـفـسـدتْـهـا


الشاعر حسين الهوران


قصيده شامخه كالجبل صح لسانك مليوووون

[سلمان الفهد]

خزي لبنـي يعْـرب اهـل كـل الاقطـار
وشْهـي الرجـال اللـي تصيّـح مرتْـهـا
للمسلمـيـن الــذُل مــن بـعـد الاكـبــار
ويـــن الـكـرامـه ويـنـهــا مرْجـلـتْـهـا
شوف اليهـودي يبنـي بقدسنـا جـدار
وحــنّـــا يـديــنــا الــذّلّـــه مكـتّـفـتْـهـا
حتى ان بعضنا. صارت بلاده ايجـار
عـدوانـنـا غـصــبٍ عـلـيــه اجّـرتـهــا
وحتثّو.على بلاد الطّهر. نـاس فُجّـار
نــــاسٍ عـلـيـنـا اعـدائـنــا غـرّرتْـهــا



فعلا انها ابيات شعريه ضخمه تحمل الكثير من المواقف والتذكير
صورها الشاعر بطريقه جميله وقاسيه بعض الشيء

[سعد النفج]

الشاعر / حسين الهوران

صح لساااانك

قصيده شامخه بمعنى الشموخ

و جزاله ليس لها حدود

اسلوب مميز

و مفردات هائله

حسين شاعر أكبر من الكلام عنه

مميز في طرقه الرائع

لك تقديري و احترامي
.
.
تثبت

[سالم صالح]

الشاعر القدير والرائع


حسين الهــــــــــوران


صح السانك وحقيقة انك كتبت معلقة تسجل في التاريخ لانك جمعت كل مايهم الانسان النبيل ذو الكرامة والنخوة

فقصيدتك تحمل من الابداع والجزالة الشيء الكثير الذي يعجز اللسان عن ان يرضي طموحها وطموحك فغذرا منك لان الكلام لايكفيها بل اكثر واكثر حتى انها تزخرف بماء الذهب من روعتها جمالها


لله درك شاعر بمنتهى الروعة والجمال الى الامام ومن قمة الى قمة

دمت بصحة وتقبل تقديري لشخصك النبيل

[ماجد الغانم]

الغااالي

حسين الهوران

صح لسااااانك ..ولاهنت

قمة الشاعرية تجسدت في هذه القصيدة

التي تحااااكي واقعنا المرير

لا جد ما أقولة امام هذه الشااامخة

الا بيض الله وجهك ...

ولله درك

دمت بكل خير ..وداام هذا الحضور الرااقي

تقبل جل تقديري واحتراااامي

[رابح الغضيان]

الشاعر/حسين الهوران

صح السانك

ورفع الله قدرك وشانك

قصيدة جزله من شاعر جزل

تحياتي لك