سلام عيديةٍ من عقب شهر رمضان (مصافحة اولى)

[عدنان مرضي]

عيدكم مبارك وكل عام وانتم بخير ....... حبيت اصافحكم بهالطازجه
هذه القصيدة ألقيتها قبل أربعة أيام في مهرجان احتفالات عيد الفطر بمحافظة الزلفي
آملاً أن تحوز على رضاكم............ ولكم كل الود والتقدير

سلام عيديةٍ من عقب شهر رمضان=لأهل البلد والضيوف وطاقم المهرجان
سلام مني لكم يامشرّفين الحفل=سلام حشمه وتقدير وشكر وإمتنان
نيابه إعن المحافظ مرحبا بالجميع=ترحيبةٍ فاح منها طيّب الزعفران
كل عام وانتم بخير وصحه وعافيه=والمملكه ترفل بثوب الأمن والأمان
في ظل قايد مسيرتنا ذرى دارنا=مصدر فخرنا مابين أهل الحدب والسنان
أسمه ينومس ليا جا للتنومس مجال=وان كانها بالمراهن كاسبين الرهان
ترى السعودي ليا من افتخر حق له=لاسيّما والدوافع ظاهره للعيان
دامه تحت حكم عبدالله وإهو قايده=يحق له يفتخر ويشار له بالبنان
ملك ملك هيبته ماهي بهيبة ملوك=حتى الملوك ابوزانه تفقد الاتزان
يحسب له الغرب قبل الشرق حسبة خضوع=ماهي بحسبة صداقه او عشان وعشان
طاريه يزرع بقلب الخصم خوف وهلع=ويزرع بقلب الموالي له ثقه واطمنان
عوق الفقر نقذة المحتاج عون الضعيف=ماشح هتان خيره لو يشح الزمان
يمناه فاضت بخير ٍ وافر ٍ ما يغيض=لو غاض بحر الخليج وجف شاطي عمان
وولي عهده صميدع نجد حصن البلد=درع الديار السعوديه فـ جو وطمان
بعيد هقوى سياسي فذ ثاقب بصر=شديد باس ٍ قوي عزوم ذرب اليمان
مدة يده تودع الجايع يعيش إبـ بطّر=ونفحات جوده مثل نفحات جود رمضان
الله يحفظ لنا القاده بحضر وسفر=والله يديم الشريعه والأمن والأمان

وسلامتكم

[ماجد الغانم]

الأخ العزيز


عدنان مرضي

ياهلا فيك

وكل عااام وأنت بخير

وصح لسانك على هذه القصيده الرائعه


ننتظر تواصلك وأبداعااااتك

فلا تحرمنا منها

تقبل خالص تحيااااتي

[فايز العبدلي]

عدنان مرضي

ياهلا ومرحبا فيك

وكل عااام وأنت بخيــــــــــــر

وصح لسانك على هذه القصيده الرائعه




دمت بكل ود

[طيــف]

القديــر / عدنان مرضي

أهلا بك مجددا

كل عام وانت بخيـــر

وينعاد عليك بالصحه والعافيه

صح لساااانك

وبانتظار ابداعك


تحياتي/

[عدنان مرضي]

الغالي / ماجد


تسلم على المرور الطيب


لك ودي وتقديري .................... دمت بود

[خلف الغريب]

الكريم عدنان :

كانت لي زيارة هذا الصيف لبلدكم العامر بالطاعة الزلفي ...
قضيت فيها ليالي من اروع الليالي التقيت فيها برمز الشعر السعودي الشاعر الكبير احمد الناصر اطال الله عمره ..

ولا غرابة في ان يلد الزلفي شعراء مثلك ....

كل عام وانت بخير وتحيااااتي.......

[عبدالله المعزي]

الاخ الشاعر / عدنان مرضي


اولا حياك الله بين اخوانك 000


وصح السانك وسلم بنانك 000


انت طيب وهم يستاهلون 000

وكل عام وبلدنا والمسلمين بالف خير 000


تقبل تحياتي