ديوان الشاعر ::: عمر غربي ::: ( مصلح النشمي )

[مصلح النشمي]

( صباح "بريمر" و"باول" ..//.. و"بوش" ودمعة عراقي!! )

عربنا ياصباح الخوف..//.. صباح الذل والدمعه=صباح "بريمر" و"باول" ..//.. و"بوش" ودمعة عراقي!!
صباح ابطال فلوجه..//.. صباح علوج مجتمعه=صباح الموت واهلا به ..//.. اذا عبر عن اخلاقي
صباح اللي نسى قدسه..//.. ولا باقي لها سمعه=صباح "اشجب واستنكر..//.. وارفض" لآخر اعماقي
صباح اللي ينادينا ..//.. ولكن ما احدٍ سمعه="لارَى .. لا اسمع..ولا اتكلم"...//.. . ولكن خلها ارزاقي
صباح السلم مدري حلم ..//.. مدري ناس منقمعه=صباح "الخارطه" ظلما..//.. و"طريقٍ" مابه اشراقي
صباح قلوبنا شتى..//.. صباح الزيت والشمعه=ولولا زيتنا اصلا!!!..//.. ولا باقي لنا باقي!!!!
صباح بريهة الجندي..//.. وصرنا للعجم طمعه=صباح البشت واحلى بست..//.. تحياتي واشواقي
صباح البنطلون ازرق..//.. وكوتٍ ظاهره لمعه=صباح ال"هاي" يامستر..و"دانه.. دان" وافراقي!!
صباح ارهابي صغيّر..//.. رماها واخطت الرمعه=غبي يحسب كلامه صح ..//.. وهو للصح مشتاقي
صباح الخير مامن خير..//.. وحنا سبتنا جمعه=صباح المهزله والذل..//.. ولوية روس واعناقي
عربنا ياصباح الخوف..//.. صباح الذل والدمعه=صباح "بريمر" و"باول"..//.. و"بوش" ودمعة عراقي!!

( الحروف الابجديه )

افزعي لي يا الحروف الابجديه = واحضري حرفٍٍ جديدٍ ما انكتب به
با..اتوجد واختمك يالقاف بـ.."إيّه"= با..اتوجد واختمك يالقاف بـ.."أبّه"
ياوجودي وجد ذباحٍ خويه = مايبيها مير هو فيه امـ..تشبه
وطالبوه عيال عمه والحميه = وكل من حوله لفى يمه طلبه
وراح روحه ماوراها اي جيه = ناصي الغربه ودارٍ يغتبرب به
ماترك خلفه سوى أمه وخيه = وعودٍ .. السكّر .. مع ايامه لعب به
وان غشاه الليل دنّى الشاذليه = وارسل الدمعه ودعواتٍ لربه
اشهد اني بحالتي اصبحت زيه =في غياب اللي رماني وسط حبه
ومن يلوم اللي تولع في بنيه = عمرها عشرين عامٍ ينحسب به
ان تهادت .."زولها" يذبح بغيه = "زول" طفلٍ .. لاتهادى ايقول "ببّه"
لا استعدت ..زول من يضرب تحيه = ولا استراحت..راحت الخلق بمغبه
اشتريها بألف طعنه والف كيه = واحرق بقلبي علشانه واشبه
جيتها (عفو) ولفتني بـ(الخطيه)!!= وكل (ذنبٍ) وصلها لازم يجبه
راحت وخلت بإيديني هالوصيه = (خذ قليل الشي دام انك تحبه!!)
كنها حلمٍ مسكني مع يديه = جيت اضمه.. قال: أنا آسف مشبه!!
وجاوبيني يالحروف الابجديه = هو بقى عندك جديدٍ ينكتب به !!!

( يا قريني يا قريني )

يا"قريني" ..يا"قريني"..//.. جب شياطين الشعر=ولا هات الجن كله..//.. وللي عنده مقدره
ماهي بلحية قصيد..//.. ولاهي بلحية نثر=الأمر أدهى وأعظم..//.. يعني ماجبت خبره..!!
من كذا ليله ابااكتب..//.. ماكتبت ولا شطر..!!=القلم يرثع ولكن..!! ..//.. مايثير ألا .. غبره!!
ودي اكتب عن ملاك..//.. لا وربي عن طهر=من يجي يمة بحرها ..//..اشهد انه ماعبره
لامشت تمشي وحدها..//.. ما حدٍ معها حضر =وباالحفل ماكنها الا..//.. للعذارى منظره
اكبروها كلبوهم.. ..//...((ربنا ماهي بشر))=قطعوا حتى يديهم. ..//....((ربنا ماهي مره))..!!
شامتين بخد واحد !! ..//.. ذي ترى صعبه تمر=وشامةٍ بأعلى جبينه ..//.. كنها نصف ثمره
واسمع السلسال يشكي..//.. كارثه تدعى نحر=وان تدلى من نحرها ..//.. وعانق الصدر صهره
والبلا لحظة غنجها ..//.. لانطقت اسمي"عمر" =والله انسى اسمي بلحظه ..//.. و اسأله وشو"عمره"؟؟
عندها انخى قريني ..//.. مع شياطين الشعر=يوم انا ضعت ولساني..//.. مانطق لو هي شعره
تمتم ..و تمتم قريني..//.. ماقدر يكمل شطر =وكل ماحاول بشطرٍ..//.. للاسف غصب كسره
لين خربها قريني ..//.. ((ياعمر ماهي بشر.؟؟=كيف ابوصفها وانا ادري..//.. ماهي حي الله مره..!!))

( طعن الخناجر )

كلمتني من بعيد..//.. وقالت الدكتور وينه=قلت انا الدكتور يالله ..//.. وشتبين افحص واشوف
قالت :اسمع ياطبيبي ..//.. قلبي عذبني حنينه= ودايما يزداد حده ..//.. باختلافات الظروف
واشعر بشي غريب..//.. كن قلبي جارحينه=باقوى من طعن الخناجر ..//.. واقوى من ضرب السيوف
قلت :انا والليل مدري..//.. انتي عمرك تسهرينه؟؟ =قالت اسهر طول ليلي..//.. لا هو جوع ولا هو خوف!!
قلت: طيب والقصايد ..//.. الشعر ماتنظمينه؟؟=قالت :اكتب طول ليلي..//.. واتلاعب بالحروف!
قلت باللحظه هذيك ..//.. احيان دمعك تذرفينه؟؟=قالت :إلا يروح دمعي..//.. بين منديل وكفوف!!
قلت : مالك من علاج ..//.. وقالت الا الطب وينه؟؟=ماقدر يلقى علاجي..//.. وقادر ينسخ خروف!!
قلت: "عنتر" ماجهلتي..//.. و"قيس" اظنك تعرفينه =وش ذبحهم في زمنهم؟ ..//.. قالت الحب العسوف!!
قلت :هذا انتي عرفتي..//.. الهوا ماتجهلينه=كم يبهذل في رجال..//.. وكم يغربل في هنوف
قالت: وربي صدقت ..//.. وكنت احس ومستهينه=لين ماربي بلاني..//.. بحب ما مثله وصوف
وصكت الهاتف وباقي..//.. صوتها باذني رنينه=واهني من هو عشقها..//.. اشهد ان حظه يحوف

( قلبً حديد وقلب كنه زجاجه )

ياعاذل طفى بدربي سراجه=الدرب واضح لو غدى فيه تعتيم
عذرك "مطرها" وزلتك هي "عجاجه"=وننسى "العجاجه" لا لفى بعدها ديم
لاشك بعض الجرح يصعب علاجه=مثل الوشم يرحل معك وايضا يقيم
ولاجلي ادور راحتي وابتهاجه=الباب اصكه لا غدى منه تنسيم
هرج سمين // وهرج كله سماجه=آخذ سمين الهرج// من دون ترهيم
شربت من حلو الزمان وهماجه=واخذت من طعنات الايام تعليم
ما همني بالفيل كم سيم عاجه=ولاهمني هالفيل هو كم بعد سيم!
وعرفت وش تعني مع الوقت"حاجه"=ورسمت لقلوب البشر خوش ترسيم
((قلب)) حديد و((قلب)) كنه زجاجه=و((قلب)) مع الايام يحتاج ترميم!!
ولي ((قلب)) جامد باللقا والمواجه=لاشك هو يعشق بعد وايضا يهيم
وماهزني ياعاذلي كود حاجه=,,,,دمعة كبير السن,,,, لا حده الضيم!!!!

( رمشً كسول )

كل مـالاح بـرق قلـت خلـي لفـى= وكل ماطاح نجم قلت فرقـى عـذول
وكل ماشان وقتي قلـت حظـي هفـا= وكل مانام حظي شفت ليلـي يطـول
وكل ليله طويلـه ساهـر مـا اغفـا= وكانها هي هبيله تبشـر انـي مهبـول
وكل ما قال خلي قلـت حـب و وفـا= "سم" " لبيه" و"ابشر" واللي تبغى تنـول
وكل ماقال" تكفى" قلـت "تكفـى" كفـى= تنزع الروح" تكفى" كلمـا جـا يقـول
اجمل الدرس وجهـه منـور ماطفـى= واشطر الفصل رمشه رغم انه كسول!!
وفي شفاته يموت البرد باجمـل دفـا= والربيع بخدوده ياخـذ اربـع فصـول
السـواد بشعرهـا كنـه اسـود جفـا= والبياض بنحرها كنـه ابيـض فعـول
تحت رحمة عيونه ان سجـن او عفـا= وان حكمني مؤبـد مالـي الا المثـول
وكل جرح مصيـره بعـد مـده شفـا= بس جرح الحبيبـه مستحيـل يـزول

( قضيه شائكه )

ياصاحبي ركز معي ..//.. وافهم حدود المسألة = فتح عيونك!! وانتبه!! ..//..لاتنجرف خلف السؤال
الدرس توه مبتدي ..//.. يعني بقى له تكمله = يعني على دق الجرس ..//.. يمكن يصير إلنا مجال
"زرع..حصد",,"حصد..زرع" ..//.. والعلم ..بآخر..أوله!! = "كاد المعلم ان يكون.." ..//..لحظة!! اظنه لايزال
"ممتاز".."نجمة"..يعتمد ..//..يُنقل لآخر مرحله = "شاطر".."مؤدب".."محترم" ..//..كامل ولله الكمال
وخلف الحدود "الثانوي" ..//.. ياهي نهاية مذهلة= بِلّ النتيجه بلّها ..//..واشرب ترا ماها زلال!!
والله يخلفك ياتعب ..//.. راحت سنينه مهمله = يعني تربع وابتدا ..//.."يادان.. دانه.. يالِلال"
يشكي لمن يشكي بعد؟؟ ..//.. "للمسطره" .."للأسئله" = "للكي..اقصد كيميا.." ..//.. للفيزيا للانحلال!!
من هو نحر مستقبله؟ ..//..من هو رماه بمقتله = ياهي قضية شائكة ..//..ماتحتمل اية جدال
وياصاحبي ركز معي ..//..وانسى حدود المسأله = غمض عيونكـ "وانثبر" ..//..لاتنجرف خلف السؤال!!

( الحـجـلـه )

مدامه ضايقٍ صدرك..//.. لك الله صدري الملعب= تعالي خوذي ضلوعي..//.. امانه والعبي (حجله)
ابحني هالمحاني لك..//.. واذا جسمك بدا يتعب=لك الله اشربي دمي..//.. لعينك ينقلب "دجله"
تصدق! قالت: ضلوعي..//.. حبيبك لو بدا يلعب=تناظر له شرايينك!!..//.. وتلطم ماحلا حجله
ابعلنها.." يشرفني..//.. ويسعدني..هلا.. مرحب"=بمن هو زار احشائي..//..هلا من راسه,, لرجله
على كيفك..على هونك..//..بخطواتك هنا..اقرب=فداك عيوني..وروحي..//..وقلبٍ في يدك أجله
أبي ترقد وسط قلبي..//..ولو قلبي نوا يضرب!=وعد.. لاكتم لك النبضة !!..//.. لاجل مايزعجك وجله!!
وأبي اكتم لك انفاسي..//.. اخاف اصواتها ترعب!=أبي تاخذ ولو غفوة!..//.. بعد عيني على عجله
أبي لاضاقت دروبك...تعال وقلبي المهرب=وانا لاضاقت دروبي..//.. لجأت لعينك الخجله
أنا حالي ,,بعد حالي..//.. اذا صوتك بدا يغرب=مثل عودٍ,, خسر ماله,,فقد ربعه,,فقد نجله!!
حبيبي كل ماضاقت..//.. تعال وصدري الملعب=أمااانه تاخذ ضلوعي..//.. وتلعب فيهن (الحجله)!!

( هاك مصلح )

هاك "مصلح" من يسارك في يمينك = وان بغيته من يمينك في يسارك!
وان بغيت تحطني في وسط عينك = فاعرف ان القلب هو بيتك ودارك
كان اعجابك..يوضح لي حنينك! = زيدني تكفى!! باعيش بوسط نارك
يفرح الجوال في نغمة رنينك = واجمل قلوبٍ على الشاشه شعارك
وان سمعت الصوت..ياقلبي رهينك= واهني من هو يشوفك في نهارك
كل ماحولك.. لاجل حبي يدينك = وكل ماحولي.. باسم حبك تشارك
قال ((سين)) وقلت انا عطينه سينك = وابشر ((بجيمٍ)) يوصلك لقرارك
قال: تهواني؟ عسى الله لايهينك!! = قلت : لاجلك..والله اعشق جار.. جارك!!
"القمر"..//..وان بان مع طلعة جبينك = من مداره ,,ينتقل يمة مدارك
"والبحر".. //..لو يوم جاسنه يدينك = اشهد انه بالحلا غير يتبارك
"والغصن"..//.. لا شاف مياسك ولينك = يبتدي "بالحمد" ,,حتى آخر "تبارك"
كل هذا... وماتبيني في يدينك؟!!= من يسارك..في يمينك..في يسارك!!

( الـــنـعاس )

يا "نوم" تكفى بسألك..//..لاجيتها بإيدك "نعاس" = وشلون تقدر للـ"نعاس"..//..اللي برمش عيونها..!!
تقدر تقاوم شدته ؟؟ ..//..والا تجي له بانعكاس = والا تموت من الظما ..//..على ضفاف جفونها!!
اللي اعرف ان "السهر"..//.. قبلك وهو صعب المراس=حاول يداعب جفنها..//..لكن عجز من دونها!!
الفاتنة في قدها..//..من راسها حتى المداس= في طولها..في قولها.. في شكلها ..في لونها!
والله ما ألومك يا "متر"..//..تذوب عند اخذ المقاس = تقمز من"الملّي"..."شبر"..//..وتضيع عند متونها
هذيك لامن جت هنا!!..//..الدم يوقف باحتباس=ترقى بعالي اضلعي..//..والأوردة يتلونها
هذيك لا قالت:هلا..//..ابدا صعودٍ بانتكاس=كنْها تغني في (هلا) ..//..اضيع عند لحونها
جيت اتسابق يمها..//..أنا وقلبي في حماس=من اللي يسبق صاحبه..//..يحصل على مضمونها!!
"قلبي" مقابل "عشقها"..//..اليا بغت راسٍ بـ..راس=واكتب على قلبي فدا..//..مدامني مجنونها
و يا "نوم" تكفى بسألك..//..لاجيتها بإيدك "نعاس" = وشلون تقدر للـ"نعاس"..//..اللي برمش عيونها..!!ِ

[مصلح النشمي]

( الـــــعُــــــــــود)

يا"بدر" جاني في منامي يصحين= (عود)ٍ ولا شافت عيوني مثيله
العلم ؟؟ قلت..و قال: ما اقولك لين= توعدني بحلٍ يجي بأي حيله؟؟
قلت: ابشر بعزك اذا اقدر على شين=واللي جعلني (وايلي) لارتكي له
ودنق.. يقول المشكله ابتدي منين؟؟=وطاحت دموعه ! يا"بدر" عزتي له!!
يقول : انا اللي يعشقوني ملايين=وانا اللي علمي يشتهر بالفضيله
مالي وطن بالكون.. مالي عناوين=لنّي احاسيس.. ومشاعر نبيله
كان احترامي.. والفخربي.. هكا الحين= مثل الولاء.. اللي لشيخ القبيله
واليوم شفني.. سلعة تنشرى دين = ثمن مؤجل.. للخليل وخليله
عذره رضاها ..و الثمن بس بيتين!!= وهي عذرها شهره.. وبأية وسيله!!
ومن غيرهم ...شفني بإيدين السلاطين= همٍ ويدفع بي مبالغ ضئيله
وناسٍ بلوني بشرّهم .. فالهم شين =باسم الميانه.. من زميل لزميله
والحين جيتك يا"عمر" شوفني وين؟=طمس الهويه!! يا"ولدي" هو حصيله!!
قلت العذر يا"عم" ماهي بالايدين!! = همك ثقيل ومنهو اللي يشيله..!!
لكن فمان الله يا"عم"هالحين = واكذب عليك ان قلت باليد حيله.!!

( حسبي الله عليك )

حسبي الله عليك شلون تقوى المنام=وانت تدري حبيبك يحتري لك خبر
اشهد انه على الدنيا بعدك السلام=واشهد انه بصدك قد ذبحتي ((عمــر))
آه ياحظ منهو لا بغى النوم..نام=لا ارتخى رمش عينه مادرى بالسهر
ماهو بمثل حالي من يحل الظلام=يكرب الرمش نفسه باتجاه الشعر
كن بيني وبين النوم غل و خصام=ما انتصالح ونرضى غير عقب الفجر
بلغو من تسبب بالتعب والهيام=بان حالي بعدها والله انه خــطر
جعلي فدوة عيونه...أو علي الحرام=فدوته من رموشه لين اصغر ظفر
وكان "مت" بسببها بلغوها السلام=وكفنوني بـ(سلوى)..وادفنوني بـ(قطر).!!

( القناعه كنز يفنى )

ياقصيدي دام خانتني الظروف =ليه ما تفزع وتوصف موقفي
قلهم كيف العبت بي هالظروف = وكيف انا بالعمر ضيعت اهدفي!!
العمى ...ماهو بشخص مايشوف=العمى ...من نور قلبه منطفي!
حالف اني للردى ما اسعى واطوف= دام لي راس(ن) تشيله أكتفي
وما على الماضي بقاموسي حسوف=وماني لباكر شغوف(ن) او شفي
والسؤال اللي ذبحني مايروف=هو سؤال(ن)اسفل ضلوعي خفي
من كسف شمسي وانا بليا كسوف= ملتعن خامس ابو جد جدفي؟؟؟
.ان بغيت اروي ضمايه بالكفوف=تعجز كفوفي وشربي ينكفي
لا زمن يرحم ولا حظ(ن) عطوف=ولا وليف (ن) في وليفه يحتفي
العمر يمضي وحنا في وقوف=انتأخر ....وانتأخر...وانهفي
تاهت الخطوات والدرب معروف= ومن يلوم الرجل لوهي ترجفي
كيف ابشبع يامتاهات السيوف=خايف ارقى,,, ثم اطيح واختفي!!
خلني صايم ولا زاد(ن) بخوف= القناعة ماهي كنزٍ لي ظفي!!
وكان يانفسي عطشتي من الظروف=اغرفي من هم صدري وارشفي!!!

[مصلح النشمي]

القلم ضلعي وقلبي دفترك

"القلم":..ضلعي..و"قلبي" دفْترك"=و"الحبر": دمي..لك الله تكتبين..
الاسم : "مجنون..فيك" و"شاعرك" =والعمر: "عمري معاك اربع سنين"
واكتبي:"مبروك"مدري"اشكرك".؟=ولاّ ياربي عسى نبقى لحين..
..يكتمل عمري معاك ولا اخسرك=مكتفي بحبك.. وفيني تكتفين
مو صحيح الحب يوم وينترك..!!=والدليل : انتي وانا اكبر عاشقين..!!
وكل يوم يزيد حبٍ مشترك=لين ماصرنا لبعضنا "اكسجين"..

/

\

كل ماانظر في عيونك "اسكرك"=زي ماانتي في عيوني "تسكرين"
لو غديتي ليل والله "لأسهرك"=ويش ابي بالنوم دامك "تسهرين"..؟؟

/

\

العرب تكبر ولكن ما اصغرك..!!=بالعمر..والا بعيوني تكبرين...
مختلط "ملحك" و زايد "سكرك"=ماخذه من الشمس كلمة "تشرقين"
اظلمك لا قلت:"ورده"..واخبرك=مستحيل انتي بزمنا "تذبلين"..!!

/

\

شفت أنا ومرْوَدك.. فينا مشترك=كلبونا نذوب وانتي تكحلين..!!
بس هو ايذوب لاجا محجرك=والا انا ذايب معك في كل حين..!!

[مصلح النشمي]

.




بندقك..فعلك والمواقف نياشين...

"بندقك" فعلـك والمواقـف "نياشيـن"=اما تصيـب الطيـب.. ولا سمـاوي
يوم ان غيري"بندقـه" فعلهـا شيـن=امدهـا ... ولا تخيـب الهـقـاوي
.=.
قم يانديبي حـرك الجيـب هالحيـن=واحذر على الموتر وانا اخوك تـاوي
خل الذي براسي يطب الوعـر ليـن=صـم الصخـر يفتهـا بالنـخـاوي
.=.
ابيـك تاصـل واحـد عـن ثلاثيـن=هو (مزيد المزيد) زبـون الجـلاوي
قله ترانـي ماشكيـت الزمـن ليـن=شفته على الطيـب كثيـر البـلاوي
مايضحـك إلا للـنـذل والرديـيـن=والا علـى الطيـب ظلـوم وغـاوي
.=.
ياشين غلطـات الرجـال الحشيمـن=اللي بهم فعلي مع الوقـت ضـاوي
اشره على اللي يعدلـون الموازيـن=ولا الـردي مانـي لعدلـه رجـاوي
.=.
(الأجنبي) طيبه علي..يُعتبـر ديـن=وإلا (ابن عمي) واجب..ان كان قاوي
.=.
كم شلت رجال وانا اخـوك بالعيـن=و(مطيح دمعه) طاح وقت العـزاوي
وياكثر ما رزيـت نـاس مساكيـن=وشفهم لطيحاتـي مشـو بالمنـاوي
وان طيحوني (بطيبتي)و(جانب اللين)=من فضل ربي يوم اطيـح امتسـاوي

.

[مصلح النشمي]

.



شـــــــطـــــــــحــــــــــات نــــــشــميــة "شعرية"..!!




(1)

الله يكثر لي مع الوقت خيرك = اللي وصلني منك جدا كفاني
ياليتها جتني من انسان غيرك = واللي خلق ماكان هزت كياني
ليت "الشعور" اللي ذبحني يثيرك = وتحط نفسك لو ثواني مكاني

/

\

غمضت عن "سيفك" وجاني "جفيرك" = والمشكله "سيفك" هو اللي بكاني..!!
لنّه قبل يطعن..همس لك : "عشيرك" = معقول سيفك ياخوي ما نساني..!!
ليت الضمير اللي "بسيفك" ..ضميرك = ما والله اشكي منك "طعنة" زماني.!!

/

\


(2)
.
.
في زمان العولمة..
في زمان الاحتراف..
زاد معنى (الانحراف)..!!
.
.
في زمان العولمة..
كل ّشي اصبح غريب..!!
يعني ماتفرق
(حبيبه من حبيب)..!!!
.
.
في زمان الانقياء..
ما بقى الا (الأغبياء)..!!

/

\


(3)
.
.

المعذره والسموحه كاني ازعجتك=وان كان حقي عليك اكبر من ازعاجك
بس اوعدك ياخويي كاني احتجتك=مااحرجك في حاجتي واقول محتاجك.!!

/

\

(4)

كان تسأل (كيف حالي)../..راح اجاوب ماعليه=قصدي يمكن ماعليه../..ولكن العلم الوكاد..
لو كشفت جدار (جفني)../..السهر كاتب عليه= عظم الله اجر (عينك)../..كان تحلم بالرقاد..
تدري (المحروم) من هو.؟../..من فقد شيٍ بيْديه=والبلا لاصار هالشي../..تملكه كل العباد
ليت طعم النوم يشرى../..والله اني لاشتريه=واترك جفوني تعانق../..ليـ..متى هذا البعاد..

.