السلام عليكم ..
مبطين عن القصائد الحلوة .. والعلوم الطيبة ..
آخر ما قرأته وأعجبت به ..
دنيا تحدتني على غير ما أطيـق
............................ وناس بها علة ووقت محمومـي
همي كتمته عن جميع المخاليـق
............................ ما ودي إن الناس تعرف همومي
ما غير اعدي في طويل الزماليق
............................ في رأس مزموم طويل الرجومي
ناس بذا الدنيا تطافـح مطافيـق
............................ كل وراء دنياه يركـض ويومـي
احد شبع واحد مخلى على الريق
............................ واحد يبي فزعة عيـال قرومـي
واحد لحق واحد بعيد الملاحيـق
............................ واحد تحلم ضائـع بالحلـومـي
واحد ينادي بالترع والمطاريـق
............................ ويقول نام الحـظ عيـا يقومـي
ناس على الدنيا شفاح مشافيـق
............................ وين الرجال اللي تعرف أللزومي
اللي لهم ميقاف في ساعة الضيق
............................ إن ضاق خلق قليلين العزومـي
ياعلي راحوا ما تفيـد التحاقيـق
............................ ما باقـي إلا مكثريـن العلومـي
دلالهم عقب الشكالـة مصانيـق
............................ وصحو نهم عقب الكرم ما تحومي
وبيوتهـم دايـم تراهـا مغاليـق
............................ والضيف يبعد عن قليل السلومـي
أللي ابعدوا عن الشكالـة تلافيـق
............................ الله يلـوم اللـي لمثلـي يلومـي
القلب يكفخ كفخ بيـن المعاليـق
............................ وبالليل أراعي ساهرات ألنجومي
والفرق واضح فالرجال المطاليق
............................ الصقر أبا الجنحان والبوم بومـي
26/04/08, (09:20 AM)
وين الرجال اللي تعرف المواجيب ..
العرض العادي
