اقتباس:
المشاركة الأصلية كتبت بواسطة ابو البدر
احبتي اضع بين أيديكم هذه الأبيات راجياً من الله أن تحوز على رضاكم
حاولت أدون بأجمل الشعر ما قيل=وحاولت ارتب طيبات المعاني
اللي يجملني ليا صار تمثيل=في موقفي فيما يقوله لساني
الشعر يبغى يا اهل العقل تحليل=وما كل رجل ٍ يكتبه في ثواني
يعني على ما قيل يحتاج تفصيل=وكم شاعر ٍ قبلي بقوله كفاني
ما كل شاعر له تطيع الرجاجيل=بالراي والفكرة ولو كان عاني
مالي بها ناقة ومالي بها خيل=ومالي بها دلو ٍولالي سواني
إن قلت , أـقول النيل ما يشبه النيل=وسهيل ما عود سهيل اليماني
والبن ما يطغى على نكهة الهيل=والعود ما يقرب من الزعفراني
والصبح بين لكن بظلمة الليل=في وجه من عمره بدى عمر فاني
والحمل يا ثقله ولا باقي ٍحيل=ويا شينها وإن كان متني عصاني
ولا احر من دمع ٍ تقفى البهاذيل=ولا اضيق من اللي نوخت بالمحاني
ولا ارخص من اللي يرخص الوزن والكيل=ولا اغلى من اللي لا دعيته لفاني
ولا اقرب من سهيل إن بغيت آصل سهيل=ولا ابعد من الصده على من نصاني
ما كل من يزرع يحوش المحاصيل=وما كل من يضحك بوجهي عشاني
وما كل راس ٍ راس وما كلها ذيل=وما كل رجل أبكي غيابه بكاني
أخوكم ابو البدر // عيد بن البطحي البجيدي العنزي |
جزلة بالحيل من راس جزل ...
صح لسانك الوف يا ابو البدر ..
إن قلت , أقول النيل ما يشبه النيل=وسهيل ما عود سهيل اليماني
الف صح لسانك و لا هنت ..
28/05/08, (10:30 PM)
النيل
العرض العادي
