’’مــحــبــرة احــــــزان’’ - °~*¤®§(§ شبـــكة ويــلان العـربـيـه §)§®¤*~ˆ°

**جمال اللميع** · 31/07/08, (08:57 AM)

رسمت الحلم بعيون الامل في محبرة احزان=وغيري يرسم البسمة علـى حلمـة وامالـه
اعيش الواقع احلام وأسى مع لوعة الحرمان=شربت اللي شربته من هموم الوقت فنجالـه
الا ياصمت لاتحكي وبوحك زعزع الكتمـان=كتاب ٍ ينقري صدري ليا من صرت بقبالـه
تشوف الضيم بسطورة وتلخيص الاسى عنوان=بدى يظهر على عيني وتبرز معظم اشكالـه
حياتي كلها غربة لوانـي معظـم الاحيـان=احس ان الوطن عايش يسار القلب وشمالـه
دوى من كان متغرب اذا ما عاد للاوطان=يطيب وينتهي كربه ويمسي رايـق ٍ بالـه
وانا لي ديرة ولكن عقب ماكانت البستان=اكلها النار ورياح الزمان اللـي تقفـا لـه
الا يالله يالوالـي تهـل بهالوطـن هـتـان=صدوق المزن ياربي يطفي لوعـة اشعالـة
والا يالله يالوالي تبـدل هالرمـاد اغصـان=قدير قـادرا ً ربـي تغيّـر جملـة احوالـة
انا والليل واحساسي ولدنـا كلنـا إخـوان=ولايمكن يفرقنا ياكـود الصبـح باإقبالـه

**الصقار** · 31/07/08, (11:11 AM)

جمال اللميع ...كم انت رائع باحساسك ...الشعري ..

كم انا محظوظ ان اكون اول من شاهدهذه التحفه ..ففي الساعه 6صباحا استقبلت قصيده جميله ل,ماجد الجعفري
والان الساعه 11 استقبل قصيدتك الجميله ...شكر جمال وصح لسانك .تحياتي

**خلف الغريب** · 31/07/08, (11:38 AM)

وانا لي ديرة ولكن عقـب ماكانـت البستـان
............................اكلها النار ورياح الزمـان اللـي تقفـا لـه
الا يالله يالوالـي تهـل بهالـوطـن هـتـان
...........................صدوق المزن ياربي يطفـي لوعـة اشعالـة
والا يالله يالوالـي تبـدل هالرمـاد اغصـان
.............................قدير قـادرا ً ربـي تغيّـر جملـة احوالـة
انا والليل واحساسـي ولدنـا كلنـا إخـوان
..........................ولايمكـن يفرقنـا ياكـود الصبـح باإقبالـه

آآآمين يا جمال ...

الف صح لسانك ...

مشاعر راقية واسلوب سلس والفاظ عذبة..

تحية لك ولشعرك...

**محمد الدلماني** · 02/08/08, (12:49 AM)

الشاعر جمال اللميع صح لسانك على هالابيات الجميله

الا يالله يالوالـي تهـل بهالـوطـن هـتـان
صدوق المزن ياربي يطفـي لوعـة اشعالـة
والا يالله يالوالـي تبـدل هالرمـاد اغصـان
قدير قـادرا ً ربـي تغيّـر جملـة احوالـة
انا والليل واحساسـي ولدنـا كلنـا إخـوان
ولايمكـن يفرقنـا ياكـود الصبـح باإقبالـه

**ماجد الغانم** · 02/08/08, (12:46 PM)

الشاعر الرااائع

جما اللميع
صح لسااانك ولاهنت ...قمة الأبدااااااااااع

حضور شعري متميز...واحساس مليء بالصدق

دمت بكل خير... ودام هذا التميز

تقبل تحيااااااااااااتي

**راعي سميراء** · 02/08/08, (03:45 PM)

صح لسانك

اخوي الغالي جمال

دمت ودام حضورك المشرّف

لاهنت

**سالم صالح** · 03/08/08, (08:08 PM)

الشاعر الجميل

جمال اللميع

احساس رائع وتفنن بالكلمات والالفاظ الرائعة وتوظيف جميل لان امامها شاعر متمكن ورائع

صح السانك وتقبل تقديري