مشاعر طفل.

[طلال الايداء]

يبه وينك انا ناجح ابيك تشوف وش سويت = خذيت الاول بصفي ونقلة لمرحلة ثاني
يبه طالع نجاحاتي ابي ارفع لذكرك صيت = ابي اكذب على نفسي واقول ابوي رباني
يبه ودي تشاركني وتعاقبني اذا اخطيت = واجيلك واطلبك ماحتجت تقول آمر من اعياني
يبه وش ذنبي اشتاقك تروح وعني اتخليت = براءة ضحكتي يمنى تصافح لوعة احزاني
صديقي (خالد)يسولف يقول بابا ترى بالبيت = يقول بابا مواعدني يوديني لجداني
وصديقي (احمد) مفرفش يقول بابا ورى ماجيت = انا جالس انتظرك تعال وبشر اخواني
((امي))؟ تزوجت بعدك تواعدني وتقول نسيت = وانا كلمة(يبه) لغيرك عجز ينطقبها لساني
يبه بعدك انا مهمل من جروح القهر مليت = احس الناس تضحك لي ولكن مو علشاني
يبه بعدك انا متعّب حرقت الصدر بالتنهيت = يموت الحلم قدامي كثر ماقلبي يعاني
يبه تكفى تعال ارجع فقدتك ياغلا هالبيت = احس البيت من بعدك فرااغ وهمه اشقاني
عسى الله يرحم ترابك داعائي كل ماصليت = وعساك انت بوسط قبرك تحس (وماتناساني)
خذيت الاول بصفي ولكن كني ماسويت = لان الفرحه بعيوني اشوفك انت (ترعاااااني)

[أبو غرام]

اليتم شديد يقتل حتى اعذب لحظات الفرحه

تصوير ابداعي وشعر جميل ذاك الذي كتبته اخي

صح لسانك وعلا شانك

من متابعيك اخي وفي كل مره لا اجد الا طيبا تنثره ها هنا

دمت بود

اخوك ابو غرام

[فهد الشافي]

صح لسانك اخي طلال

على هذه القصيدة الجزلة

فائق تحياتي

[الراسيه]

ابيات صادقه لقد تلبست تلك المشاعر لقد احسنت في توصيل الرساله
طلال شاعر بماتحمله الكلمه من معنى اجد في حروف ابياتك احساس حقيقي يوصل المعنى بحرفيه عاليه تبهرني دومن ياطلال واهنئك على احساسك الشاعري الملحوظ النادر لقدانتظرتك ولم تخب ضن انتظاري فيك واني متعطشه لجديدك لاتطل علينا
تقبل مروري المتواضع ...اختك الراسيه.

[طلال الايداء]

هلابك اخووي ابو غراام

وصح الله بدنك

والف مليون شكر على اطرااء وكلامك الجميل

والقاااااااااااااادم افضل بااذن الله

[طلال الايداء]

هلابك اخوي فهد
وصح الله بدنك

والقاااااااااااادم افضل باااذن الله

[طلال الايداء]

هلابك اختي الرااسيه

والف مليون شكر على كلامك الجميل

وكلامك وساام على صدري

والقااااااااااااااادم افضل بااذن الله