@@ياصاحبي@@ - °~*¤®§(§ شبـــكة ويــلان العـربـيـه §)§®¤*~ˆ°

**حمد الوايلي** · 21/04/09, (02:02 AM)

ياصاحبي عدن ليالي مع اشهـور=مل القلـم فيهـا شعـور الكتابـه
لاجف حبري بالقلم قلـت معـذور=واوحيت للهاجـس يقلـل عتابـه
ماني حزين الا مـروق ومسـرور=والجو زين وفيه شمس وسحابـه
لكن خفا في داخلي نبض مغمـور=والقلب مع سيل المشاعر غدابـه
طرى عليه شي خافـي ومستـور=لكـن مـع الايـام كلـن درابـه
ساد الظلام ويختفي بعـده النـور=ياضيعـت العاشـق بزهرةشبابـه
مقهور مبطي لو تظاهرت مقهـور=لوان صبـري زاد فينـي صلابـه
استسلمت نفسي على حلم مهـدور=وقفا سراب الحلـم قفـا سرابـه
كنت استطيع احققه شـي مقـدور=وماكنت احسب يوم يبطـي غيابـه
والآن اصبح حلمي الصعب محضور=ورضيت بالواقع وقلبـي رضابـه
ياصعبهـا الايـام بتقلـب الـدور=وياصعب فرقا الحـب لا واعذابـه
وآخر كلامي للوفا نبض وشعـور=تخطـه اقلامـي وتبقـى الكتابـه

**حمد الخمعلي** · 21/04/09, (02:18 AM)

الاخ الشاعر0
حمد الوايلي

قصيده في قمة الجمال0

صح قلبك وسلم قلمك الذي نثر هذه الرائعه بيننا0

البيتين لهن عزفه غير 0

ماني حزين الا مروق ومسـرور000والجو زين وفيه شمس وسحابـه
لكن خفا في داخلي نبض مغمـور000والقلب مع سيل المشاعر غدابـه

سلمت على هذا الابداع

تحياتي وتقديري

**فهد الشافي** · 21/04/09, (03:43 AM)

صح لسانك ولاهنت على ابداعك الشعري الجميل

اسجل حضوري واعجابي بهذه الشامخه

فائق تحياتي

**سعود المسعودي** · 21/04/09, (09:46 AM)

الشاعر0
حمد الوايلي

صح لسانك وعلا شانك

تقبل تحياتي وجل تقديري

**سعد النفج** · 21/04/09, (11:21 AM)

حمد الوايلي

صح لسانك

نص راقي و لا يستغرب منك..

شاعر كالسهل الممتنع ..

مفردات راقيه و احساس رائع و اسلوب أروع ..

اعجبني اسلوبك المميز ..

اتمنى لك التوفيق..

تقبل خالص التقدير

**أبو غرام** · 21/04/09, (12:03 PM)

صح لسانك اخي

قصيدة عذبه من روح عذبه

مبدع ومتالق دائما

صح لسانك مرة اخرى

**ماجد الغانم** · 21/04/09, (05:52 PM)

حمد الوايلي

صح لسااااانك ..,ولاهنت

عزف راقي وجميل

دمت بكل خير ...ودام هذا الحضور المتميز

تقبل جل تقديري واحتراامي