هذه القصيده كتبتها في حدث سابق .
وبقيت حبيسة الادراج .
والآن هي أمامكم .
لقلوبكم الطاهره . وعسى أن تلامسها .
العرب دايم علـى مـوّال ليلـي لالـي=والعجـم ماعندهـم الا اتخـاذ القـوّه
والسياسه مالها فيني نبـض ياالغالـي=لكن العلـم الموكّـد مايصيـر مشـوّه
علّموا راع القليب اللي رقد .. باالتالي:=(لايأمّن جاره اللي طامـعٍ فـي جـوّه)
الشجاعه في زمنّـا خانـت الابطالـي=والخيانـه فـي زمنّـا ابتلانـا سُـوّه
صار كلّن موجة الماء تصفقه باالجالـي=ولايحرّك من غثاها لـو بحجـم البـوّه
إدمعت عيني على بنتٍ صلاه الصالـي=تنتخي وين اللي عن عرضه تجيه مْروّه
أهْلهـا والشاهـد الله مابهـم رجّالـي=ساكتيـن وبالعيـن الـذلّ ماهـو تـوّه
فرّقتهـم زينـة الدنيـا وكثـر المالـي=وأبعدتهم عن حميّاهـم خـلاف الخـوّه
ياكثر من وسط قلبـه ماتـت الآمالـي=وياكثر من وسط داره ضايـعٍ ومتـوّه
امنياتي وكل شخصٍ بالعـرب يبرالـي=بأمنياته يوم يرسمهـا (أمـل) بهْـدوّه
مجمل الواقـع أليـمٍ والحـدث طوّالـي=مستمر مثل المزون اليا تهاطـل نـوّه
المئاسـي دوم حـلٍ والفـرح ترحالـي=والفعل من يمنّا يبطـي تجيـه جـروّه
منهم اللي في جساره تشرب الفنجالـي=ومنهم اللي في سطاره تستعيـد القـوّه
فيه فرقٍ بين تحديث العقـل والخالـي=وفيه فرقٍ بين سفلـيّ الجبـل وعلـوّه
ماعلي من كثرة القيل وخطـاة القالـي=لاقعد يكتـب وينقـد ماقـرى وينـوّه
ذي طريقة طرحي الشعري وذا موّالـي=وذي نتايج شعري اللي مشتعل في ضوّه
يعْرفه من يعرف الوضع الحزين الحالي=ويعْرفه من كان أيضاً بالقصيـد مفـوّه
قلت مافي خاطري صوب الألم ياخالـي=والبجيدي صعب ينساها وهي في جـوّه
بندر البجيدي
24/06/09, (12:08 AM)
العرب دايم على موّال ليلي لالي . !
رد: العرب دايم على موّال ليلي لالي . !
العرض العادي
