يا وجودي على هرجة خفي السراير.( سامرية قديمة )

[خلف الغريب]

هذه القصيدة سامرية شهيرة وهي للشاعر دبيان بن عساف السبيعي رحمه الله الذي توفي عام 1405 اعجبتني وها انا انقلها لكم هنا :

صوتية

http://www.5ymah.net/inf/voicesm/3210.ra

ياعشيري ترى لولا العيون النظايـر=كان جيتك على الوجنا الوحيده وحدها
والله اني على الهزعه غليل الضماير=لو ذلولي من المطراش وان جهدهـا
مشته مرتك لو كان بيعـي خسايـر=من حسب فايت الدنيا يبـذه عددهـا
مل قلب من الفرقا يسوقـه سعايـر=مثل ما ساق وسط النارحامي وقدهـا
ياوجودي على هرجه خفي السرايـر=وجد خطو العجوزاللي توفـى ولدهـا
كل ما حل له طـاري تهـل العبايـر=وكل ما قيل يا مرحوم تصفـق بيدهـا
شبه خلي تقود الصيد لا صار ذايـر=عين شيهانة خرسـا ليالـي هددهـا
دانة ما احرزوها ما لكيـن التجايـر=عايزة جنس عدم وصفها في بلدهـا

[طلال]

يابو خالد الله يسعد مساك ويعطيك العافيه

الله يجزاك بالخير حنا قلوبنا دوبها دوبها وانت تحط من النوعيات هذا

ذكرتني بقصيده
اقول
مل لامني في غلاك ودقت سلوبك هذاك ميت حساس ولابه العوضه
تحياتي

[الــهــنــوف]

الله عليك أخوي خلف الغريب

قصيده قمه بالروعه

تسلم يمينك على هالنقل الرائع

والله يرحم شاعرها ويغفر له يارب

[عبدالعزيز السعود]

الله يسعدك ياابو خالد على هالاختيار الجميل ..

[الصقار]

والله اني على الهزعه غليل الضماير
لو ذلولي من المطراش وان جهدهـا
مشته مرتك لو كان بيعـي خسايـر
من حسب فايت الدنيا يبـذه عددهـا
مل قلب من الفرقا يسوقـه سعايـر
مثل ما ساق وسط النارحامي وقدهـا
قمه الروعه ياابو خالد \\
اسعد الله ايامك

[محمد الدلماني]

ياعشيري ترى لولا العيون النظايـر
كان جيتك على الوجنا الوحيده وحدها
والله اني على الهزعه غليل الضماير
لو ذلولي من المطراش وان جهدهـا


اختيار جميل يابو خالد رحمة الله على شاعرها دبيان بن عساف السبيعي

[ساجر الحثربي]

الله يرحم الشاعر

وسلمت على النقل
لك مني كل الشكررر