عزالله اني جاهل ما اعلم الغيب ..!! - °~*¤®§(§ شبـــكة ويــلان العـربـيـه §)§®¤*~ˆ°

**عبدالعزيز السعود** · 02/10/09, (10:05 PM)

ذيب عوى وانا على صوته اجيب = ومن ونتي جضت ضواري سباعة
عزالله اني جاهل ما اعلم الغيب = والغيب يعلم به حفيظ الوداعة
يالله يا رزاق عكف المخاليب = يا محصي خلقه ببحره وقاعه
تفرج لمن صابه جروح معاطيب = وقلبه من اللوعات غادي ولاعة
إن ضاق صدري لذت فوق المصاليب = ما نيب من يشمت فعايل ذراعة
صار السبب مني على منقع الطيب = ونجمي طمن بالقاع عقب ارتفاعه
ياطول ما هجيتهن مع لواهيب = ولا ني بداري كسرها مع ظلاعه
(ويا طول ما نوختها تصرخ النيب ) = وزن البيوت اللي كبار رباعه
وأضوي عليهم كنهم لي معازيب = إليا رمى زين الوسايد قناعه
أضوي عليهم وأتخطى الاطانيب = وآخذ مهاوية الجمل بأندفاعة
أبا أنذر اللي من ربوعي يبا الطيب = لا ياخذ إلا من بيوت الشجاعة
يجي ولدها مذربٍ كنه الذيب = عز لبوه وكل ما قال طاعه
وبنت الردي يا تي ولدها كما الهيب = غبن لبوه وفاشله بالجماعة
ياكبر زوله عند بيت المعازيب = متحريٍ متى يقدم متاعه

**masha3el ** · 02/10/09, (11:46 PM)

شكرا على ذوقك المميز
اخوي الكريم
عبدالعزيز السعود
صح لسان شاعرها ....
وسلمت يمناك على النقل الرائع
تحياتي ومودتي

**عوض بن خميس** · 03/10/09, (12:04 AM)

اخى عبد العزيز
شكرا على هذة المرثية الرائعة ورحمة اللة شاعرها شالح بن هدلان
اختيار رائع الله لايحرمنا منك اخى
تحياتى ومودتى

**سعود المسعودي** · 04/10/09, (01:27 PM)

اخى عبد العزيز
شكرا على هذة المرثية الرائعة ورحمة اللة شاعرها شالح بن هدلان
اختيار رائع