من لك اليا رحتي وانا من لي ارجيه - °~*¤®§(§ شبـــكة ويــلان العـربـيـه §)§®¤*~ˆ°

**عبدالعزيز العدواني** · 03/11/09, (11:50 PM)

ماهو زعل الا وصل حده الضيق = وماهو غبن الا قهر مع قراده
مادام مع مثلك قليل التوافيق = مع غيرك اصلا ماهي الا بلاده

ياللي لفا بك صيت خلك وطاريه = لا تزهدين اليا تردى نصيبه
ترى محابيل الهوى في مواطيه = يابار سوق اهل الهوى يشتري به
مدة وفا من صافي القلب تغنيه = عن طرد من قلب المقفي تجيبه
من لك اليا رحتي وانا من لي ارجيه = ياصار جرح المبتلى من طبيبه
ياصار هذي صابت وذيك تخطيه = كفارة العشق القديم تعدي به
غيرك صفالي مير مامن مشاريه = مع كل دربن يبتدي ينتهي به
تقول نوره يوم شافت سواقيه = بيتن لها يجرح خفوقن يصيبه
اللي يبينا عيت النفس تبغيه = واللي نبي عيا البخت لا يجيبه

**masha3el ** · 04/11/09, (01:13 AM)

غيرك صفالي مير مامـن مشاريـه
مع كل دربن يبتـدي ينتهـي بـه

الشاعر الرائع
عبدالعزيز العدواني

صح لسانك
واعتلا شانك
احساس راقي
وكلمات عذبه
شكرا لعذوبه حرفك النابض ودام بوحك العذب
ننتظر جديدك
تحياتي ومودتي
دمت بخير

**سالم صالح** · 04/11/09, (09:38 AM)

الرائع

عبدالعزيز العدوااني

صح الساانك شاعر جزل ولاتحتاج الاشادة مني لانك فوق الاشاادة

تقبل تقديري وودي

**بدر الخلاوي** · 04/11/09, (12:19 PM)

عبدالعزيز العدواني صح لساااااااانك وبيض الله وجهك وتقبل مرووووووووري بود انت مبدع

**خلف الغريب** · 06/11/09, (10:23 PM)

غيرك صفالي مير مامـن مشاريـه
مع كل دربن يبتـدي ينتهـي بـه
تقول نوره يـوم شافـت سواقيـه
بيتن لها يجـرح خفوقـن يصيبـه
اللي يبينـا عيـت النفـس تبغيـه
واللي نبي عيـا البخـت لا يجيبـه

صح لسانك اخوي الشاعر عبدالعزيز العدواني ..

مشاعر جميلة وتضمين راتئع لبيت الشاعرة الشهيرة نورة الحوشان ..

شكرا لك وتقبل تحياتي ..

**سعود المسعودي** · 07/11/09, (07:44 PM)

عبدالعزيز العدوااني

صح لساانك على هالجزله وانت جزل

تحياتي وجل تقديري