قل لي احبك وازهل همومك وضيقك مع شقاك - °~*¤®§(§ شبـــكة ويــلان العـربـيـه §)§®¤*~ˆ°

**عناد الغريب** · 23/02/10, (02:32 AM)

اخواني واخواتي اعضاء ويلان

صباحكم\مساكم\خير

اضع بين ايديكم هذا النص المتواضع ارجو ان يحوز على شئ من ذائقتكم الفريده

ياللي منعك من اعترافك بالهوى قوة حياك=وش تحتري يامعذبي واعمارنا تجري جري
ادري الحيا شعبه من الايمان لكن وش بلاك=وجه الحيا مايخدشه يامستحي حب(ن)بري
قل لي احبك وازهل همومك وضيقك مع شقاك=اشيلهن بين الضلوع الحدب ولا بظهري
قلها واصحي بسمةٍ نامت على شرفة شفاك=تعبت من الليل الطويل ونامت وهي تحتري
واصيرلك هداج حب وترتوي به عن ضماك=الين اشوفك واحةٍ خضراء تسرين نظري
واصيرلك غيمة وفاء تبقى على طول بسماك=لاحتجتني جاك بردي تسبقه رشات مطري
واصير لك بستان حنيّه ومفتاحي معاك=تقطف من اشجار الحنان الطيبات من ثمري
واصيرلك درعٍ عن سهوم الدهروانطح عناك=الوي ذراع المشكله وان عيت اسحب خنجري
يعني اختصار السالفه انا عصاك ولا عصاك=على العدو سيفٍ حدب وبيديك يا عمري طري
ولولاي عارف معدنك ماجيتك ادور رضاك=ولا اعطيتك الضو الخضر تدخل معي جو سهري
وان كنت تجهل من هو عناد الغريب الاسم جاك=عبدالله الحمدان من وائل وفخذي جعفري

للمعلوميه (عناد الغريب)رمز وليس اسم صحيح والاسم الصحيح عبدالله الجعفري ويعلم الله اني لم اتخفى خلف اسم مستعار لشئ مسئ ولكن رمز عناد يعني لي الشئ الكثير لارتباطي به من سنين
عذري من الاداره الكرام وعذري منكم ايه الاعضاء

**معيض بن عريفج** · 23/02/10, (03:34 AM)

الف
الف الف
الف الف الف
الف الف الف الف
الف الف الف الف الف
الف الف الف الف الف الف
صح صح صح صح صح صح
صح صح صح صح صح
صح صح صح صح
صح صح صح
صح صح
صح
السااااااااااااااااااااااااااااااااااااااااااااااا نك ياعبدالله

قصيدة بقمة الروعة والابداع مليون شكر لك على هالمعزوفه الجميله

تقبل مروري ولك تحياتي وتقديري

**محمد الراجح** · 23/02/10, (01:39 PM)

اكون معك صريح أيه الصرح الشامخ

عـنـــاد الغــــريب

حاولت وبحثت شي يعيب القصيدة ولم أجد سوى أنها

قمة بالروعة والجمال وبصراحه يابو عابد اسمك الحقيقي جمل القصيدة أكثر

وبالنسبة لحبك لأسم عناد هذا بعيد كل البعد عن العيوب واللي فيك معروف طال عمرك

صح لسانك يالغــالي والله يعطيك العافية

تحياتي لك .

محمد الراجح ,,

**البدر** · 24/02/10, (12:15 AM)

الشاعر الجميل عناد الغريب

صح لسانك ابدعت وامتعت القاريء حينما نطقت

نصيحه:
شاعر مثلك يجب ان تنتبه لنفسك ولاتسرق نفسك بنفسك بالاسم المستعار .... نصيحه من واقع تجربه وانا غير شاعر .. وآسف على التطفل

**حمد الخمعلي** · 24/02/10, (01:58 AM)

تصدق ان اسم عنااد لآيق فيك0

اما عن القصيده يالغالي

والله انك مبدع مبدع0

قصيده جماليه وصور شعريه رااائعه0

واصيرلك هداج حب وترتوي به عن ضماك
000الين اشوفك واحتن خضراء تسرين انضري
واصيرلك غيمة وفاء تبقى على طول بسماك
000لاحتجتني جاك بردي تسبقه رشات امطري
واصير لك بستان حنيّيه ومفتاحي معاك
000تقطف من اشجار الحنان الطيبات من اثمري
واصيرلك درعآ عن سهوم الدهروانطح عناك
000الوي ذراع المشكله وان عيت اسحب خنجري

وش بقاا مااصرت له ماتركة شي لغيرك يامبدع0

يعني اختصار السالفه انا عصاك ولا عصّاك
0000على العدو سيفن حدب وبيديك ياعمري طري
ولولاي عارف معدنك ماجيتك ادور رضاك
0000ولا اعطيتك الضو الخضر تدخل معي جو سهري

حتى هنااا لا يختفي جمال القصيده وبدااع شااعرهااا0

وان كنت تجهل منهو عناد الغريب الاسم جاك
0000عبدالله الحمدان من وائل وفخذي جعفري

اقووول بس لاتزعل علي 000000؟

الله يسعدهاا اللي خلتك نتعرف عليك اكثر

ملايين نعم بك وبالابه اللي انت منهاااا0

تقبل ردي المتواااضع والقصيده ولله يحتااار القااري عن وصفه لهااا من جمالياااتها0

كُن بخير

**خلف الغريب** · 24/02/10, (09:57 AM)

الرائع والشاعر المبدع عبدالله بن حمدان الجعفري ( عناد الغريب )

الف صح لسانك يا الذيب واشكرك اولا على التصريح باسمك الحقيقي للجميع وهذه خطوة في صالحك بدون شك ..

مبدع في كل حالاتك يا عبدالله وحقيقة ان المستوى الشعري للشبكة بوجود مثلك يعد من ارقى المستويات ..

الف تحية لك والاشادة بهذه القصيدة يحتاج صفحات ولكن هذه عادتك ايها الرائع ..

تحياتي لك

**masha3el ** · 24/02/10, (10:00 AM)

الشاعر الرائع والمبدع
عناد الغريب
صح لسانك وكلك على جمال وفتنه نصك الرائع اللي خلاني أحتار وأفكر بلغه شاعرها
كلمات تقطر عذوبه وصور جملت النص ومعاني تبهر
قصيده فاتنه ولها أثر جميل يحث على تقفيه
أتمنى لك التوفيق وننتظر جديدك ‏
تحياتي ومودتي