قصيدة الطفل حمد بوناشي في حفل تدشين مشروع الربط الكهربائي لدول مجلس التعاون
القى الطفل حمد جمال بوناشي قصيدة شعرية بعنوان "حلم اجيال" نالت استحسان جميع الحضور في حفل تدشين مشروع الربط الكهربائي لدول مجلس التعاون الخليجي الذي اقيم على مسرح مبنى المؤتمرات في قصر بيان.
وفيما يلي نص القصيدة السلام عليكم حيالله من يانا ونور مكانا البارحة حلمت بيدتي .. لا ابشركم خير اللهم اجعله خير تقول يدتي اول يوم كنا اضغار كان عندنا احلام كثيره ونبي احد يحققها لنا قلت لها يدتي .. حتى احنا عندنا احلام كثيرة ونبي احد بعد يحققها لنا قالت عيل بس .. تعال اوصيك وصية ابيك الحين تروح ادور بالبيت العود منو اللي يحقق لنا احلامنا وانا بصراحة مريت على خمس بيوت وهذا البيت الاخير اللي اهو البيت السادس بس قبل لا اقولكم عن احلامنا خلوني اقول لكم شصار وياي لما دشيت البيوت اللي مريتها صلوا على النبي اللهم صلي وسلم عليه شفت بيت عجبني وايد وقلبي خفق عنده وعلى طول بطلت الباب .. ودشيت شفت ابوي الشيخ خليفة ال نهيان من نسل زايد محبتك بقلوب الناس كلها والله ثم والله محد عليها يزايد بهرتوا العالم كله بتطوركم برج وناطحات واخرتها اكبر وسجادة بالعالم اللي جماله زايد كريم ولد كريم وافعالك الطيبة تذكرنا برحمة الله عليه ابونا زايد يا راعي النخوة ياراعي الشهامة صحيح الناس كلها تحبك بس حبك بقلبي هالايام زايد وبعدها سلمكم الله شفت بيت لونه احمر وابيض وبصراحة هذا البيت شد انتباهي وارتحتله وعلى طول بطلت الباب .. ودشيت شفت ملك كريم ومتواضع والخير يشع دوم من داره حكيم وحكمته توزن بلد وكلن تحقق طلبه يوم ان تعنا ووصل داره ماشاء الله عليه فارس وصقار ووين تلقى مثله يسوق طياره هذا ابوي الملك حمد ال خليفة هذا اللي طيبته وانفتاحه خلت عقول كثيرة محتاره الناس من كثر حبها لك يا ملك قامت تدعيلك الليل كله ونهاره
وبعدها وانا امشي شفت بيت من البيوت الستة حلو ولونه اخضر وعليه اسم الله تبون الصراحة شوفة هل البيت تشرح الصدر وتوني ابطل الباب والا تهب على نسايم الورد والطيب ودهن العود ونورت الدار بوجودك يا صاحب الكرم والجود خوفك على الوحدة العربية وقلبت ديرتك بالطرفة الحضارية وللثقافة والعلم بنيت جامعة ماشاء الله تحفة علمية وهذي .. هذي افعال ارجال ثابتة مايبيلها اشهود وتساعد الكثير وتعفو عن الكثير والله يأن شعبك اليوم فيك محسود هذا بو الشهامة والحكمة لي ذكرنا التطور والنهضة نشوف تحت مكتوب اسمه ابوي الملك عبدالله ال سعود تحييك الكويت..اي والله تحييك الكويت كلها ولوما طيارتك اسبقتني جان بتعنالك مشي لي الحدود وبعدها شفت بيت .. الله على بابه خنجر من ذهب هذا البيت شوفته ترد الروح .. وعلى طول بطلت الباب ..ودشيت شفت ابوي جلالة السلطان قابوس صاحب النظرة المستقبلية واقف جدامي هذا السلطان مميز بافعال الخير ولا يشبه بالطيب احد ثاني وشخصية ابوي السلطان فريدة ليش لانه يحمل احلى واجمل واسمى المعاني يا صاحب العدل والحق مو غريبة لوحبتك الناس كلها الغريبة انك للجميع اب روحاني وبعدها طال عمركم شفت بيت لونه ابيض بعنابي ورتاحله قلبي وايد وايد .. وعلى طول فتحت الباب .. ودشيت شفت شيخ الناس كلها تحبه والكل بعد اييله عاني وشفت التطور والانفتاح عنده وشفت مناسبات احصلت واشفتها بمكان ثاني سألت عنه بيت بيت وسألت الناس كلها واحد ورا الثاني وين الشيخ .. اللي يقول بعيني واللي يقول بقلبي واللي يقول لي ترى هو ساكن وجداني تدرون طلع منو .. طلع السمي ابوي الشيخ حمد من دار العز ال ثاني
والبيت الاخير اه يالبيت الاخير ترى هذا البيت بيتنا اللي صج محيرني وعلى طول فتحت الباب .. ودشيت شفت شيخ من كثر حرصه على الوحدة والترابط والتطور ذكرنا بأبونا جابر رحمة الله عليه بزمانه شيخ معروف بالعدل والكرم ولو شنو تحط بالميزان ابد ما يميل ميزانه هذا هو ابوي الشيخ صباح اللي محيرنا بحبه وحنانه واذا تبون تعرفون عنوان بيته .. الحين .. نعم .الحين ادليكم عليها انا ترى يا جماعة الخير هذا بيته . وهذي غرفته . وهني مجلسه ومكانه والله والشاهد الله لو يقولون منو يفدي ابوي الشيخ صباح بروحه لاصرخ واقول انا والحين سمعوا الوصية ياحكامنا ترى احنا عيالكم ثروة كل بلد الحقيقية لا نعتمد بس على النفط والغاز نبي مشاريع مساندة حيوية نبي مشاريع مشتركة تحقق احلام عيال الخليج المستقبلية ارجوكم ثم ارجوكم .. واترجاكم .. تكفون يا وجوه الخير ترى مثل هذي المشاريع المشتركة تزيد من ترابطنا ومحبتنا وتعاونا وتنمي فينا حب المسؤولية وتخلينه كلنا بالخليج على قلب رجل واحد وهذي هي احلامنا الحقيقية هذا واحنا خليجنا ترى نقطه بوسط البحر وخيره مغطي الدنيا كلها وهذا واجب الانسانية واشلون عاد لو صار دهنا بمكبتنا والله ثم والله لنعقد العالم كله بمشاريعنا الحيوية سمعوا وشوفوا اشلون انسولف ويا حكامنا بكل وساعة صدر منهم وبكل حرية عسى الله لا يغير علينا ويحفظ حكامنا واهلنا وخليجنا من كل شر وأذية قولوا معاي امين
والحين تسمحون لي انزل لكم لاني بطلبكم طلب بطلبكم طلب وارجوكم ... ارجوكم لا تردوني .... وقولوا لي كلكم تم انا ادري انتوا اهل الطيبة والكرم .. واليوم ماراح تردوني اطلبكم باسم كل طفل من اطفال الخليج واترجاكم باسم كل بنات وشباب الخليج واناشدكم بكل صخة اطلعت من كل بيت وسكة وفريج ترى بالمشاريع المشتركة نبني اجيال واجيال وهذيله هم سور الخليج وكل طلبنا بس مشروع واحد كل سنة يستفيد منه كل الخليج طال عمركم جنكم وافقتوا ... اللهم لك الحمد والشكر ابشروا يا اطفال الخليج .. ابشروا يا بنات الخليج .. ابشروا كلكم يا اهل الخليج تراني وصلت الامانة واحلامكم كلها قلتها بكل صدق وامانة ترى احنا جسد واحد يجري بشرايينه الدين والدم والحب وقلبه وعينه حكامنا لكم كل الشكر اي والله كل الشكر يا قادتنا وابائنا لانكم تسعون وتذللون كل الصعايب علشان تحققون كل احلامنا وبشاير الخير هلت علينا اليوم بربط الكهرباء وان شاء الله ان شاء الله كل سنة يتحقق لنا حلم من احلامنا الله يا فرحت اهل الخليج اليوم ما تنوصف بهذا المشروع الكبير اللي راح ينفتح بعد شوي جدامنا قولوا معاي امين عسى ربي يحفظم كلكم وين ما رحتوا وييتوا يا حكامنا وهذه رفعة اعقال لكم والله ثم والله تستاهلون اكثر يا حكامنا نحبكم كلكم اي والله نحبكم كلكم وحبكم محكوم عليه من زمان مؤبد وسجنه هذا مكانه والحين .. لا تنسون وعدكم ولا تنسون حلم ولدكم حمد جمال بوناشي اللي اهو انا وانا اقول يبه الملك عبدالله قرة عينك وقرة عينكم يا اهل السعودية بعودة اللي له بقلوبنا كلنا مكانه الحمدلله على سلامة ابوي الامير سلطان وعلى رجعتك يا الغالي اشكر ربي سبحانه والله يا يبه لو تنهدي الروح جان من زمان اهديتك روحي عطية ما هي امانة والله يا يبه ولو ينزاد العمر . جان من عمري عطيتك بس اخلي يوم واحد اشوفك فيه واقولك احبك انا واخر كلامي اصلي واسلم على الحبيب النبي شفيع الامة يوم القيامة بعدد كل مسلم صلى ودعا ربه وقام رمضان وصامه وسلامتكم تسمحوا لي اتشرف انا وكل خليجي احب رؤوسكم
16/12/09, (08:11 AM)
قصيدة الطفل حمد بوناشي في حفل تدشين مشروع الربط الكهربائي لدول مجلس التعاون
العرض العادي
