وكم عالم بالناس ماهو بمعلوم= وكم جاهلٍ معلوم باسمه رباعي

[محمد العاند]

بسم الله الرحمن الرحيم

اخواني اعضاء وزوار هذا المنتدي الشامخ
اضع بين ايديكم هذه القصيده وارجو ان تنال القليل من اعجابكم

البارحه والشعر بالراس مزحوم = وكن الفضا ماعاد فيه اتساعي
وشوفي بعينى والكرى يطرد النوم= جاني وانا مالي عليه استطاعي
دار الزمان وشاهد الشعر مرحوم= حتى لبس راع الهزيله قناعي
شاعر ولا وثق قصيده عن القوم= حتي غدت منه الحصاني سباعي
شاعر رفعت خشوم ونزل اخشوم =واحوش رزقي من سواعد اذراعي
ونفسي على ذنبي توردني اللوم= ولانى على الدنيا كثير الطماعي
ومن خلقتي ما اسوق رجلي على رخوم= وليا سعو لي فلت هذا انقطاعي
واشوم عن شيخ الردى وابعد الحوم= واقرب الطيب ولو كان راعي
حتى لو انى صرت بالناس مذموم= ما احمل اخصال النفاق بمتاعي
ساأتني وانا بلياك مهموم= ودك تدون قصتى وانطباعي
يا صاحبي يمكن مقدر ومقسوم= تكتب مقادير الليالي ضياعي
وكم عالم بالناس ماهو بمعلوم= وكم جاهلٍ معلوم باسمه رباعي
الوضع ماهو وين ترجع من القوم= يا صاحبي ماعاد للقوم داعي
شف كيف صار الحر يلعي مع البوم= وحتي الدجاجه في زمانك تعاعي
ونجوم صارت بالسماء ماهي نجوم= دقق بها تلقي بعضها اصطناعي
وياصاحبى حتي القمر دونه غيوم= وماعاد يرسل للبسيطه شعاعي
تبغي الحقيقه وضعنا صار مفهوم= يعني كثير من اطيب الناس ضاعي
واليوم هذا بين حاكم ومحكوم= وضاعت مفاهيم البطل والشجاعي
هذا وانا ماني على الشعر ملزوم = لاكن هجوم بثورتي واندفاعي

[طلال]

لاكن هجوم بثورتي واندفاعي

محمد العاند صح الله لسانك مليون

شاعر يامحمد تستحق المتابعه

بقوووووووووووووووووه

سجل عجابي

[سعد حجيوي]

محمد صح لسانك وعلا شانك

[البدر]

ونجـوم صـارت بالسمـاء مـاهـي نـجـوم..............دقــق بـهـا تـلـقـي بعـضـهـا اصطـنـاعـي
وياصاحـبـى حـتـي القـمـر دونــه غـيـوم...............ومـاعــاد يـرســل للبـسـيـطـه شـعـاعــي

تصوير بديع جدا

صح لسانك يامحمد

هاذين البيتين عن قصيده كامله

[عاشق المعالي]

محمد العاند

انت نجم مشع وساطع مهما حصل

صح لسانك على هذا الشعر الحقيقي

[بدرفهد الجعفري]

الشاعر محمد

صح لسانك على هذه القصيده

كالعاده جزل ومبدع ولاتقول الا صدقا

تقبل مروري المتواضع

[عوض بن خميس]

الاخ محمد العاند
كم انت جميل فى ابدعاتك كم انت جميل فى طرحك نص فاخر من رجل يعرف طريق الابداع.تقبل تحياتى ومرورى