من قرصه الداب لو هو شاف له حبل انكوا ....

[سلامة الجعفري]

اسعدتم صباحا ومساء وحبيت اقلد الشاعر سعد النفج وانبش لكم من القديم ووجدت هذه الابيات

اشهـد ان الحـب مـالـه لاطبـيـب ولا دوا=غير لااعلنها صريحه من ضميرك يعشقـه
كان قال ان نجـم حبـك مـن سمواتـه هـوا=كـل بـاب ٍ بيننـا مفـتـوح لازم نغلـقـه
مايتوبـع جـرة المقفيـن عـالـي مسـتـوا=غير من يرضى الاهانه فـي حياتـه تلحقـه
يالحبيـب اللـي نطقهـا فـي لسانـه وانتـوا=بالسلامه رح عليـك القلـب مانـي مرهقـه
قربك اللي كنت اوده صار مـع بعـدك سـوا=لك جماله يـوم قلبـي مـن غرامـك تعتقـه
ويش جابك بعد مااطفيت الغـرام اللـي ضـوا=تنفخ بتـال الرمـاد ولاانـت قـادر تحرقـه
دام ماتقدر علـى الهجـران ترفـع لـك لـوا=ليه قول ٍ ماانـت قـده فـي لسانـك تنطقـه
آسف ارحل عن حياتي .. قصرك الماضي خـوا=جاء بدالك شخص عاهدني وانا اخـذت الثقـة
ولاني بطاوي حبالي مثـل مـن قبلـي طـوا=وانت هاك الكاس اللي ذوقتنـي منـه وذقـه
وان لقيت انسـان غيـري لاتغيـر لـه نـوا=صح له شوقك وكـن بالشـوق دايـم تسبقـه
من قرصْه الداب لو هو شاف له حبـل انكـوا=والفرص ماهي على سايـر زمانـك مطلقـه
كانت ضاعت منك الاولى وجتك الاخرى لاتغوا=يمكـن ان مافيـه فرصـة ثالثـة متحقـقـه

وسلامتكم

[عوض بن خميس]

الاخ الغالى والخلوق سلامة الجعفرى

صح لسان شاعرها سعد النفج وسلمت ايد ناقلها ابداع اجتمع مع ابداع ابداع الشاعر وابداع الناقل ماجمل هذا وذاك..... تحياتى وجل احترامى

[خلف الغريب]

من قرصْه الداب لو هو شاف له حبل انكـوا
والفرص ماهي على سايـر زمانـك مطلقـه
كان ضاعت منك الاولى وجتك الاخرى لاتغوا
يمكـن ان مافيـه فرصـة ثالثـة متحقـقـه






صح لسانك سلامة ولا استغرب هذا الجمال من جمال روحك وجمال حضورك الشعري المميز..

الف تحية لك يا شاعرنا الرائع

بس برضه مثل ما قلت لسعد النفج : من الارشيف هذي كثر منها ..ههه

[سلامة الجعفري]

المشاركة الأصلية كتبت بواسطة عوض بن خميس

الاخ الغالى والخلوق سلامة الجعفرى

صح لسان شاعرها سعد النفج وسلمت ايد ناقلها ابداع اجتمع مع ابداع ابداع الشاعر وابداع الناقل ماجمل هذا وذاك..... تحياتى وجل احترامى

صح بدنك ياعوض والابيات لي ليست لسعد النفج

انما هو نزل ابياته خيط العنكبوت وقال نشبتها من القديم وابياتي هذي من القديم

لك الشكر على المرور ..

[سلامة الجعفري]

المشاركة الأصلية كتبت بواسطة خلف الغريب

من قرصْه الداب لو هو شاف له حبل انكـوا
والفرص ماهي على سايـر زمانـك مطلقـه
كان ضاعت منك الاولى وجتك الاخرى لاتغوا
يمكـن ان مافيـه فرصـة ثالثـة متحقـقـه






صح لسانك سلامة ولا استغرب هذا الجمال من جمال روحك وجمال حضورك الشعري المميز..

الف تحية لك يا شاعرنا الرائع

بس برضه مثل ما قلت لسعد النفج : من الارشيف هذي كثر منها ..ههه

صح بدنك يابو خالد والجمال بحضورك

لكن ابااحلف والله انها من الارشيف ههه


شكرا لك ولمرورك الباهي

[صالح السالم]

شاعرنا سلامه الجعفري

صح السانك وقديمك جديد دائما

نتطلع الى جديدك

تقبل مروري

[مشاري بن فالح]

الشاعر الجميل
سلامه الجعفري
ابدااااع والله

صح لسانك
واعتلا شانك يالذيب
ولاهان منطوقك

فـ لله درك
شامخه ...



الف شكر لك

:
:


راعي اكحلا

:

: