بسم الله الرحمن الرحيم
ما شيلتني سود الايام الاثام=ولا ركعتني للوطا لجل حاجه
تسوقني الدنيا هجاد ومجهام=على سموم الوقت وإلا عجاجه
أواجه الدنيا على كف الاوهام=واصارع الايام لوهي سماجه
واكن في صدري لواهيب الايام= وسوج دوٍ ما حدٍ قبل ساجه
يسج عقلي في متاهات الاحلام=وقوم أخاف ان الهموم اتتواجه
تسوقني نفسي على درب الاقدام=وامشي وراها جعل فيها انفراجه
واصور لنفسي تصاوير الاجسام=على مداد المعرفه واللزاجه
اجسام مليانه وتاريخها اقزام=واجسام مثل المحبره والزجاجه
واجسام قزمه بس تاريخها اجسام=سقم المعادي للقريب علاجه
وناس لهم في مرقب العز مرسام=وناس تروح اعمارهم في هماجه
ورجلٍ على طولت لياليه جزام=ورجلٍ يجي طاريه جود وزراجه
ورجلٍ على غلطة دوانيه عزام=ورجلا يزود به الجهل واللجاجه
ورجلا له المده ورجلا له الزام=ورجلا يجي مع جود مده رجاجه
النفس في يمناك جود لها خطام=عن ميلة الجهيل والآنعواجه
وأياك تسمع قول حاسد ونمام=وقت الخطأ كلٍ يدور خراجه
وخلك على ميلة لياليك مقدام=ولا يبين بك في المايلات انزعاجه
ولا تشيل في وقت القسى سود الاثام=ولا تنحني للذل من شان حاجه
خلف السالم
09/07/10, (12:53 AM)
الى ذائقتكم عسى تنال أعجابكم
العرض الشجري