الواقـع الكــذاب .... !! ( جديد ) ..

[مشاري بن فالح]

السلام عليكم

كل عام وانتم بخير يالغالين وعسى ربي يتقبل صيامكم وقيامكم
اعتذر عن الغياب الكل عارف ظروف النت بالعراق وأخرني عنكم ..

متواضعه تقبلوها كما هي ...

الواقع الكذاب

أشلّ القاف واغنـّي على طرق الشعر مـوّال=على شاطي بحر شعري اجر الصوت وحداني
مثل هذا الشعر دلّـه على جمر الصدر له جـال=تقهويني هواجيسي فناجيلٍ من احزاني
واقدع من هموم الوقت في مجلس لفوه ارجال=حكاوينا على ذكرى لها بالقلب نيشاني
تذكرني سواليف الزمان اللي يضم ابطال=صناديدٍ فعايلهم غدت للمجد عنواني
على ( واقع زمان اول) تعلمـّنا نصير اجبال=أسل السيف بالهيجا واذل منهو تحداني
على متن الجياد اللي نرد منهو سليل انذال=نرد الخيل و (البدري) سليله مجد ويلاني
أسجّ الفكر في وقتٍ غدى هـالحال ما من حال=رثيت المرجله وادري زمان اول تعدّاني
صحيح ان الزمن هذا تغيـّر من وراه اجيـال!!=تناسينا عروبتنا وصار المنهج ايراني
تعولمنا وتحزّبنـا .. تفرقنـا بٌعد أميــال=(خودافس) قام ينطقها تقل عايش بـ/طهراني
على (واقع زمن هذا) تفيـّينا بدون اظلال=نبني اوهامنا حلمٍ تسيل بكذبه الواني!!
اشوف ان الزمن هذا مصالح!!.. والمصالح مال=حقيقه والزمن شاهد .. وانا شوفه بالاعياني
وعزّيت الصديق اللي ضمنته فارسٍ خيـّال=بعد ماغابت افعاله وصار الطيب متفاني
يـقاري الشعر والغيره على عهدٍ معي لازال=انا شاعر سعيداوي انومس من تعزواني
مدى صوتي مع احزاني تعدى النايفات وطال=رجل ( بدري) يعادل بالشعر (حامد وضيداني)

الشاعر / مشاري بن فالح العنزي ( هاجس الحرمان)

:

:

[بدر الخلاوي]

اخوي الغالي مشاري بن فالح العنزي صح لساااااااانك

واعتلا شااانك وسلمــت ودمت على ماقدمت

ودي وخالص تقديري لك

[بدرفهد الجعفري]

الله الله الله

ما اجمل العذوبه والاحساس الشعري الراقي من شاعر عودنا على الرقي بكل شيء

صح لسانك يامشاري فالح

[طلال معيض]

دائما التاق حليفك اخي مشاري وشهادتي فيك مجروحه
شاعر مبدع بكل ماتحمله كلمة مبدع

الى الامام

[سالم العنزي]

مشاري فالح

شاعر العذوبه والجمال

صح لسانك الي ان ترضى

[عبدالله عشوي]

على ( واقع زمان اول) تعلمّنا نصير اجبال=أسل السيف بالهيجا واذل منهو تحداني
على متن الجياد اللي نرد منهو سليل انذال=نرد الخيل و (البدري) سليله مجد ويلاني

..

نعم
شاعر
مبدع بكل ماتحمله كلمة مبدع

يا
مشاري بن فالح العنزي

[البدر]

حي الله هاجس الحرمان

ابدعت بما كتبت كالعاده

لله درك فقد اشبعتني شعر بأسلوبك المميز في كتابة الشعر

صح لسانك