ذكرى وشال

[عبدالعزيز العدواني]

انا اكتب للخيال من الخيال ازوال فوق ازوال

مع غياب الحقيقه والحقيقه شمسها غابت



تمر اجيال بعد اجيال بعد اجيال بعد اجيال

ونفس الشاعر من اقصى شعور الوصف ما تابت



تجي قصه يجي موقف يجي طارق يهز جبال

يهز ابطال راحت من قديم الوقت ما هابت



مع العبره وقف ظل الشموخ وجرها موال

عسى اليمنى الطويله يا اشلهب الوقت ما عابت



تنحنح بالضلوع ولج بالخفاق حس رجال

حزام الوقت جنبي محزمي والنفس ما طابت



على درب(ن) وعر ضربتها عن هقوة العذال

توطيت الحجر وسهومهم من خلف ماصابت



يا عشق الأمس والحاضر عطيني من يديك الشال

ابشمه والمه والقلوب تحن يا ذابت



ابتنفس هواه وعطره اللي من سنه لا زال

يهز الشوق والفرقى رجاوي دونها خابت



عصت حرمانها واحيت حنين ودمعها ما سال

تحجر بالعيون وليتها من دمعها جابت



بقت واستانست ذكرى ولو طال الزمان وطال

يشيب القلب والذكرى شباب ولا بعد شابت

[حمد الضوّي]

عبدالعزيز العدواني


صح لسانك قصيده شامخه بشموخك
لافض فوك ولاهنت





تحايا

[تركي علي الخالدي]

الشاعر الكبير عبدالعزيز العدواني

صح لسانك على هذه الشامخه وياهلا بك فقد ارويتنا شعرا كعادتك حينما تحضر

تقبل اعجابي الشديد

[محمد دعسان]

الشاعر عبدالعزيز العدواني
صح السانك
وصح كلك
انت الابداع
تقبل مروري
الله يحفظك

[اسـماء العنزي]

عبدالعزيز العدواني
صح لسانك
قصيده جزله
تقبل مروري

[البدر]

تحيه لك يالعدواني


اعجبت كثيرا بمطلع القصيده وفكرة بدايتها

لاغرابه فأنت شاعر قادر دائما على الابداع والامتاع

صح لسانك

[صالح الأسود الجعفري]

عبدالعزيزالعدواني
صح السانك وسلمت يمينك
دمت بخير