يابعد حيي - °~*¤®§(§ شبـــكة ويــلان العـربـيـه §)§®¤*~ˆ°

**خلف سماح** · 08/01/12, (03:49 PM)

دار نفسك" يابعد حيي " تراك=بين نيبان الذيابه والنمور
انت مدرك مار ماربي عطاك=غير كبرة نفس مع زايد غرور
لاتفاخر بين هذا وبين ذاك=وانت تدري كل ماهناك مخبور
عارفينك ماجهلنا مستواك=المعالم بيّنه والصدق نور
يمك الانظار مدري من وراك=وانت في كف القدر باقي تدور
تحسب ان الوقت يمشي في هواك=اعتبر دنياك لك نقطة عبور
لاتغامر والزمن يبحث خفاك=وانت بالاحداث مانت من الحضور
مثل ماقال المثل ماك بسماك=ومثل ماقال المثل علِت نحور
كان ضحكت صاحبك تكسب رضاك=لو حصل تقصير في بعض الامور
قايس الاهداف من قبل امغزاك=لايغرك قولت الذيب الجسور
مايفرق بين مرك من حلاك=من يضمد جرح ويجبر كسور
واصل المشوار من دون ارتباك=دام رزيت العلم مانت معذور
المهم ايديك لاتسبب عماك=وكان صابك باس ماصابك طهور
والختام الله يسعد لي مساك=وانتبه للمنعطف بين الجسور

**طالب الونيس** · 08/01/12, (04:43 PM)

صح لسانك ياخلف سماح
قصيده جزله التزمت بها بالغموض

**سعد النفج** · 08/01/12, (04:52 PM)

خلف سماح ..
لا استغرب هذه الجزاله ..
شاعر مميز و لك نصوص يتداولها الجميع ..
و أعلم بأنني مهما تحدثت سأكون مقصراً بحق شاعريتك ..
صح لسانك و نطمع بالمزيد ..

**بنت الكحيلا** · 08/01/12, (06:39 PM)

صح لسانك اخوي خلف سامح

والله يعطيك العافية على النص العذب

تسلم ويسلم بوحك الراقي والجميل

لك شكري وتقديري

**حمد الضوّي** · 08/01/12, (10:47 PM)

الشاعر القدير
خلف سماح

صح لسانك حد الرضى أبدعت بارك الله فيك
حبكة شاعر متفرّد لله درك
يامبدع

الــــ1000ـــف تحيه لروحك الطاهره

**عين المها** · 08/01/12, (11:32 PM)

صح لسانك ياالشاعر خلف سماح نص رائع

**البقمي** · 09/01/12, (01:35 AM)

صح لساااانك

حبكة شاعر عملاق لله درك