مايموت قلبي من سبايب حبيبه ...

[عبدالرحمن الجابري الحربي]

السلام عليكم ورحمة الله وبركاااته ...

أولا : أرجوا المعذرة على غيااابي في الفترة الماضية وذلك لظروف الدراااسة وأمور أخرى أجبرتني على ذلك ...

ثانيا : أضع جديدي بين أيديكم وكلي أمل أن يرتقي لذائقتكم ...

<><><><><><><><><><><><><><

من بعد كلــ (ـــن ) راح منا بنصيبه=يهديك قلبي يابعد حيي بيوت
مع السلامة قلتها يالحبيبه=يصونك اللي صان موسى بتابوت
يقولها قلبي وما هي غريبه=يقولها قلبـ (ــن ) به الحب منحوت
خذتي قليبي بالوصوف العجيبه=وأصبحتي يا (.....) لي الزاد والقوت
صوتك علاج (ــن ) للجروح الصعيبه=من يسمعه كنّه بجنّات بيروت
ياسعد حالي يوم منّي قريبه=إلك الغلا في داخل القلب مكتوت
أنا أشهد إنك للهواوي طبيبه=وأحلى من الرمان والتين والتوت
الحب ياحلوه ويا كبر عيبه=خلّى الفراق أصعب علينا من الموت
أجمل مواعيده لقى بعد غيبه=وإليا قسى يقود قلبك بريموت
وأنا أدري إن فرقى الحبايب صعيبه=راح أفتقد صورة جميلة مع الصوت
لكن ما بالوقت رحمة وطيبه=إما تشّجع ولاّ بيفوتك الفوت
ما يموت قلبي من سبايب حبيبه=ينجيني اللي منجي يونس من الحوت

عبدالرحمن الجابري الحربي ،،،

[سراب نجد]

صح السانك يا عبدالرحمن الجابري الحربي

وعساك ماتموت ويطول عمرك

قصيده روعه وأبداع رائع يارائع

لك مني جزيل الشكر والتقدير

[بدرفهد الجعفري]

ان شاء الله ماتغيب عن الشر

عبدالرحمن الجابري صح لسانك وحضور جميل كالعاده

[عبدالرحمن الجابري الحربي]

المشاركة الأصلية كتبت بواسطة سراب نجد

صح السانك يا عبدالرحمن الجابري الحربي

وعساك ماتموت ويطول عمرك

قصيده روعه وأبداع رائع يارائع

لك مني جزيل الشكر والتقدير

صح بدنك اخوي الشاعر القدير / سراااب نجد

اللهم آمين ..
و يطول بعمرك يالغااالي ...

والاروع هو مرورك ...

تحيااااتي ...

[خلف الغريب]

الــحـــب*يـاحــلــوه*ويـــــا*كــبـــر*عـيــبــه
خلّـى*الفـراق*أصعـب*عليـنـا*مــن*الـمـوت


صح لسانك اخوي عبدالرحمن ومشاعر جميلة ابدعت في صياغتها
لله درك

[حشر الغضيان]

صح لسانك وعلا شانك ولاهنت على الابيات

الرائعه بروعة شخصك الكريم


ودي وتقديري لك

[صالح الأسود الجعفري]

عبد الرحمن الحربي

نص رائع صح السانك
دمت بخير