رحم الله فقيد الوطن : صاحب السمو الملكي الأمير / نايف بن عبد العزيز
ولي العهد ووزير الداخليه ...... رحمه الله رحمة ٍ واسعه وأسكنه فسيح جناته
أليكم هذه الأبيات مرثيه برجل أكبر من القصيد وغيره
********************************
أن راح نايف فيه بالوكر نايف =
وكراً على غير تميز وبه نوف
وكر الزعيم اللي تعلى النوايف =
عبدالعزيز مكون المجد معروف
حراً تبين بالسنين العجايف =
ملجى لمن هو صابه الرعب والخوف
واللي زبنهم من جميع الطوايف =
ما يلحقه ملحوق لو كان ملهوف
ولا يلحقه من ضيم بقعا كلايف =
في راس عيطا عن متاهات وظروف
يرقد بأمان معطرين الرهايف =
عيال عوداً وحد الدار بسيوف
عبدالله وسلمان والكل شايف =
وأحمد سندهم صار والليث مخلوف
مخلوف ليث الغاب ستر العفايف =
ياللي غلاه بداخل القلب والجوف
لاج ولجأ بين الضلوع النحايف =
ومن لا مني عساه بالعين ما يشوف
في حب نايف مالنايف وصايف =
رجل الأمن بالحلم والعدل موصوف
مار العوض بأهل القلوب النظايف =
عون الأرامل واليتيمات وضعوف
بيضان الأيدي فاتحين المضايف =
ويشهد على ما قلت جيران وضيوف
ما جور يا محمد ويا عيال نايف =
ويا سعود يا نواف والأمر ما لوف
جعله مع الأبرار فايز ونايف =
في روضة الجنه رياحين وقطوف
ومن شجرة اليقطين فوقه لفايف =
ويا خذ كتابه في يمينه بلا صدوف
ويشرب ويروى يوم يبس الشفايف =
من حوض محمد دون عنفاً ومكلوف
والسلام عليكم ورحمة الله وبركاته
أخوكم / سراب نجد
20/06/12, (02:52 PM)
أن راح نايف
العرض الشجري