حب الملوك ..

[عيد الوطيف]

قلت اتصل وانهي التردد والشكوك=واشوف معها وش نهاية حبها ؟!
ثم اتصلّت ولدّني صوت الفكوك=تبا لها وتبا لبوها وتب يتبها
والقلب دكاته مثل دك الدكوك=والبعد في صدري بناره شبها
كني منافق ما حضر غزوة تبوك=يومنّها ضاقت بهم مساحة رحبها
حب الملك معناه في حب الملوك=اعجبتها وانا بعد معجب بها
الغاليه بالقلب والثغر الضحوك=تشكيني لربي وانا اشكي لربها
اغليتك اغلا من غلاة امك وابوك=معطيك نفسي خالصه تلعب بها
طفله بها كل التناقض بالسلوك=وعجزت انا ل القى دواها وطبها
والله لو تطلب ملايين البنوك=لاجيبها لعيونها ومن الذهب لا اصبّها
اللي بغلاته ماخذ بقلبي صكوك=محتكرةٍ قلبي وانا وحيد بقلبها
ام الجديل اللي كما الليل الحلوك=اموت انا ببعادها واموت بقربها
كل العرب من دلها تبرك بروك=ولا بيّنت لي سهلها من صعبها

[فاضي عبدالعزيز]

عيد الوطيف


الله عليك يارائع

ابدعت صح السانك ولاهنت

[تركي صالح]

ابيات رائعة بروعة كاتبها

صح لسانك وسلم بنانك

معاني قوية وسلسة

تغزلت فأبدعت في أروع وأقوى الابيات

لله درك على ما قدمته لنا بهذه الصورة الرجميلة

وتقبل فائق التقدير والاحترام

[موسى المشعان]

الاخ عيد الوطيف

يا حبوبي خلك من الغزل وانتبه النقد ومنهج الادب الا سلامي

وانا خيك خل الغزل



اغليتك اغلا من غلاة امـك وابـوك
معطيك نفسي خالصـه تلعـب بهـا
طفله بها كـل التناقـض بالسلـوك
وعجزت انا ل القى دواهـا وطبهـا
والله لـو تطلـب ملاييـن البنـوك
لاجيبها لعيونها ومن الذهب لا اصبّها



لك ودي

رأفة بالقوا رير

[مزيد المزيد]

عيد الوطيف


سلمت يمينك ولاهنت



راااائع بحضورك بكل المجالات


دمت بخير

[محمد المقبل]

عيد الوطيف


سلمت يمينك ولاهنت حضوررائع صح لسانك


تقبل تحياتي

[عيد الوطيف]

عيد الوطيف


الله عليك يارائع

ابدعت صح السانك ولاهنت



فاضي عبدالعزيز ..

لا تكتمل الروعة الا بحضورك البهي ..

صح بدنك ولك جزيل الشكر لهذا المرور ..

تحياتي ..