نـــويّـــــر

[عبدالله عايد]

السلام عليكم

اسعد الله جميع اوقاتكم بكل خير

تقبلوها كما هي ....

تعال اباقول شعري فيك يا صغيـّر = ابك انت حتى القوافي فيك تحلالي
احس وقتي يزينه وجهك النيـّر = وان ذقت مرك عرفت ان الزمن حالي
حالي ولا اقصد طعم لا صرت ما تسيـّر !! = اقصد تحول الضروف بجية الغالي
والا الزمن مابه الا ملعنة خيـّر = شي ٍ يبدل مكان الاول بتالي
ماعاد مثله قبل .. هاليحن متغيـّر = متغير ٍ بالفعل ماهو يورالي
(عمر بادرهم) يحارب (متعب قديـّر) = مسكين متعب كأنه صاير ٍ جالي
شي ٍ يفزع لبيب العقل ويذيـّر = ويزيد نار المحاني صلوها صالي
(فريال) هذي من اول اسمها (نويـّر) = فريال وشي يعلـّه مالها والي
شي ٍ يضيـّر وشي ٍ ماهو يضيـّر = عزي لوقتي يا وقتي منك عزالي
ماعاد نعرف سوا شعبان وقصيـّر = واحيان من عدهم يزود غربالي
لن الفرح وسطهم مكتوب ومجيـّر = لحساب سود الليالي بحكمة الوالي
فديت عمرك .. وانا آسف .. حكيي يحيـّر = شطحت بك بالكلام بسبة هبالي
ولا انت حبك يجيني ماني مخيـّر = متمكن ٍ بالفؤاد وشاغل ٍ بالي
امسك حمام السلام وبيدي اطيـّر = اسرابه ان جيت يمي يابعد حالي
الا على الطاري !! كنك رافض تسيـّر ؟!! = وانا على نيتي وامشي على فالي
اكيد وقتك قلبك وصرت متغيـّر = انت ونوير ياعلـّه مالكم والي

[سالم صالح]

لي الشرف ان اكون اول من صافح هذه الجميلة التي ابدعت في صياغتها
فهنيئا لويلان بشاعر بحجم --------عبدالله عايد-----------------------------

وبصراحة شهادتي فيك مجروحة وهذه القصيدة قنبلة شعرية ----الله يعطيك العافية ويستر عليك


والاالزمان مابه الاملعنة خير ---------شيءيبدل مكان الاول بتالي

[صالح العرجان]

عبدالله عايد


فلسفه رائعه تنبض قوافيها باسمك وفنك


صح لسانك يا الغلا

[حمد الخمعلي]

عبد الله عايد

شاعر المفردات الجزله


لا يائتي بها سوا أمثالك

(فريال) هذي من اول اسمهـا (نويّـر)
فريـال وشـي يعلّـه مالـهـا والــي



صح لسانك مليووووووون يالغالي

دمت ودامت هذه الجزاله


تحياتي لك

[مزيد المزيد]

عبدالله


مبدع وفي كل مره تكون اجمل واحلى


الا على الطاري !! كنك رافض تسيّر ؟!!
وانا على نيتـي وامشـي علـى فالـي
اكيـد وقتـك قلبـك وصـرت متغـيّـر
انـت ونويـر ياعلّـه مالكـم والــي


صح لسانك ولاهنت


دمت بخير

[عبدالله الثابت]

عبدالله عايد


قصيده بقمة الروعه والابداع


متميزه وسلسه وكلمات تلفت النظر


عبدالله عايد انت الابداع والتميز


اسمح لي ان اقف هنا تقديراً واجلالا لشخصك الكريم ولكل ماتكتب


حقيقه في القلب شي اكنه اكبر من الكتابه والكلمات اتجاه شخصك الكريم


لك كل التقدير والاحترام والاعجاب


وتقبل تحياتي

[شــامخ]

صـــاحب الســــعاده



عبدالله عايـــد



عبدالله الرائع




صـــــــــــح لـســـــــــــــــــــانك مليووووووووووووووووووووووووون ولاتهــــــــــــــــــووووووووووووووون





تحياتي واعجابي



دمت رائع للروعه