شدالرحال - °~*¤®§(§ شبـــكة ويــلان العـربـيـه §)§®¤*~ˆ°

**الحميدي بن طالب العنزي** · 23/05/09, (06:47 PM)

جيتك مسافرلك على شان التلاقي والوصال

وياللاسف يصاحبي فاجأتني في كلمتين

لاتحسبن المشكلة في نظرتي شد الرحال

المشكلة لان الثقة ماتنوجد بين الثنين

طبقت فيني مصطلح خلك هنا روح وتعال

وخليتني بين الالم والهم والليل الحزين

كنت احسبن إن التلاقي شي فوق الاحتمال

وان الثقة مابيننا يقودها حبلن متين

لكن عرفت إن الحقيقة ماتشابه للخيال

وإن المفارق سيد الموقف وهو عين اليقين

وعرفت بإن افراقنا قد حل مافيها جدال

وإنا من اللحظات هذي كلنا متوادعين

وإن التراجع بيننا قد صار شبه المستحال

او إنه اكبر مستحيل إنا نجي متراجعين

والحين بأرسلك جوابن يعتبر آآآخر مقال

خلك مكانك والغلى والحب تخفيه السنين

القصيده لشاعر الحميدي العنزي

**أبو غرام** · 23/05/09, (09:08 PM)

نقل مبدع وذائقه رائعه وصح لسانك ولسان الشاعر

فائق الود والتقدير اخي

**سعود المسعودي** · 24/05/09, (02:17 PM)

صح لسانك ولسان الشاعر

اختيار رائع

فائق الود والتقدير اخي

**حـــور** · 25/05/09, (08:39 AM)

الله يعطيك الف عافيه
ولاهنت
حـــــــــــور