خذها على وضح النقى

[ابو ياسر الهبداني]

السلام عليكم ورحمة الله وبركاته

خذها على وضح النقى وخل باسك للشدة شديد= والي عقد روس المحابل يا البناخي يحلها
خذها بصراحه عابره وإلا ماني عبدالمجيـد = وان كان ما انت قد المراجل ياعشيري خلها
عاداتنا نضرب على الحديد إليا حمي الحديد = واليا ضربنا بضربتن نشفي القلوب وغلها
من خلقة الدنيا وحنا نفعل فيها ما نريد = احرار نسل احرار رح قل للمحاكم قلها
ننظر على الدنيا بمنظار يقرب الي من بعيد = ونحسب امورن ياعشيري والله مانت دارلها
وفكك رموز النواظر وقرا على السطر المفيد = لسلهمت عينك بعيني والسيوف نسلها
تدري ان لنظره لغه ! لكن ما يفهمها البليد = وانا فهمتك من عيونك والسوالف كلها
عيبن عليك يا صاحبي خابرك للجزله تصيد = خابرك تطمح للمعالي وانت كفو توصلها
قل كيف قلبك طاوعك تسعى مثل ساع البريد = قل كيف تمسك خافقي بين الضلوع تشلها
لا وا خسارة هقوتي يا النادر الحر الفريد = غلطتك لاكن صاحبي ابستظل في ظلها

وسلامتكم

[فهد الشافي]

ابوياسر الهبداني صح لسانك وبيض الله وجهك

تشكر على جماليات هذه القصيدة وعلى هذا الابداع

تحياتي

[ابوالهيثم]

ابوياسر الهبداني صح لسانك

[البحتري]

وعليكم السلام ورحمة الله وبركاتة


صح لسانك


شكرا لك على هذه القصيدة الجميلة

[ماجد الغانم]

خذها بصراحه عابره وإلا ماني عبدالمجيد****وان كان ما انت قد المراجل ياعشيري خلها
عاداتنا نضرب على الحديد إليا حمي الحديد****واليا ضربنا بضربتن نشفي القلوب وغلها
من خلقة الدنيا وحنا نفعل فيها ما نريد*****احرار نسل احرار رح قل للمحاكم قلها.....
.


صح لسانك ولاهنت كفوا يابو ياسر ...

والنعم فيك...




تقبل تحيااااااتي
دمت بكل خير

[سامي السيف]

الشاعر : ابو ياسر الهبداني

قصيده جزله من شاعر جزل

[ابو ياسر الهبداني]

يسعدني مرورك اخوي فهد الشافي