مالهم عندنا كرت

[خلف فلاح الحمرون]

اخواني واخواتي السلام عليكم ورحمة الله وبركاته
اضع بين يديكم هذه الابيات المتواضعه واملي انها تنال بعض اعجابكم

فكرت في ماضي حياتي اوقررت = منها اعتبر وابدا حياةٍ جديده
واترك زمانٍ راح وامرافق ازقرت = اهل القلوب الخاربه والبليده
ماشيتهم ابّعض الامور اوتدهورت = وياما انكبوني في امورٍ عديده
ياليتني مع المحجّر تحجرت = بعض التحجّر للمحجّريفيده
ماجحد صداقتهم ولطّيب ماانكرت= لاكن ادروب الطيب عنهم بعيده
وقت الرخا كانوا معي وين ماسرت= وعني تخلّوا بالظروف العنيده
واناشهد اني بعد هذا تطوّرت = ميّزت مابين الردي والوليده
وطاحوا من عيني ولالهم عندنا كرت = والله مايسوون بيت القصيده
وكتبت لي ابيات فيهم وعبّرت = وقررت اباانشرها لهم بالجريده

خلف الحمرون؛]

[سعود المسعودي]

صح السانك
ويعطيك العافيه

[عبدالله عايد]

وقت الرخا كانوا معي وين ماسرت
وعني تخلّـوا بالظـروف العنيـده

خلف الحمرون

صح لسانك مدد لا عدد

قصيدة رائعة استمتعت بقرائتها

وتقبل فائق تحياتي لجنابك .

[تركي صالح]

الشاعر / خلف الحمرون

صح لسانك وسلم بنانك

على هذه الابيات الرائعه

واللتي أمتعتنا بطرحها

كلماتً رائعه ومفرداتً جميله

دمت وسلمت

وتقبل فائق التقدير والاحترام

[خلف الغريب]

ابيات روعة يا سمي الله لا يهينك ..

صح لسانك وفعلا هذا الشيء يمر على الكثير ..

الله يعطيك العافية..

[عبدالله الحجيلان]

الشاعر / خلف الحمرون

صح لسانك وسلم بنانك




ولاهنت ياغالي

[ماجد الغانم]

الأخ العزيز

والشاعر القدير

خلف فلاح الحمرون

صح لسانك ولاهنت عبى هذه القصيده

الرااائعة التي أتحفتنا بها

وبيض الله وجهك ولافض فوك

..
.
.دمت بكل خير

تقبل خالص تحياااااااااتي