مــــصـــافــحـــه (( تــهــــذيـــب الــنــــفــــس ))

[عبدالله مفضي العلاطي]

السلام عليكم ورحمه الله وبركاته





صبحكم الله بالخير.......مساكم الله بالخير.....


..الكل حسب وقته........



بيــــن أيـــديــكم

البعـد جمـره تحرقـك والمسافـات=أسبـاب جرح(ن)بالضمايـر قـويـه
يا صاحبي اشطب على كل ما فـات=يا صاحبي شطـب و عـدل شويـه
يـا صاحبـي النـاس والله مقامـات=فيهم اصيـل(ن) مـا يخلـي خويـه
وفيهم من اللى يصنع الخير بسكـات=كـلـه لـوجـه الله رب الـبـريـه
وبه نوع ثاني يفضحـك بالاذاعـات=يدفـع لـه خمسين(ن)ويخليـه ميـه
النوع هذا حي ما مـات مـا مـات=الله عليـه يـا نــاس والله علـيـه
وشبابنا هالوقـت صولـه وجـولات=امضـيـع الدنـيـا بمور(ن)شقـيـه
كل همهـم يـا كيـف يرقـم فتيـات=النـوع هـذا حيـل نفسـه رديــه
يا صاحبي اشطب على كل ما فـات=اشطب عليه اشـوي وعـدل شويـه
يا صاحبي تدري وش احلى الحركات=ان تذكـر الله فالصـبـاح ومسـيـه
وان تعلم ان النفس اصلـن قناعـات=ولا تضيقـهـا وتعـمـل قـضـيـه
وفيه شي ضروري كرره عشر مرات=ان الحيـاه هـذي تـرا هـي هيـه
يعنـي لا تحسـب لااوادم حسابـات=و اللـى يبيـك تقابـلـه بالتحـيـه
ولا تلتفـت ياصاحبـي للاشـاعـات=النظـره اللـي منـك ماهـي خليـه
الحـب والا الشـوق والا الخيانـات=تـرا الامـور هـذي تسبـب اذيـه
سكت وعينه تـدرج العيـن دمعـات=اللـى ابيهـا يقـول راحـت عليـه
احبهـا مـا هـي محـبّ اتصـالات=ولا اقابلـهـا واقـــدم هـديــه
احبهـا مـا هـي محبـت شهـوات=تـرا نفـوس النـاس ماهـي سويـه
وانا لنفسـي مـا لقيـت هـالعلاجـات=قبل شكى من هالمـرض فـوق ميـه
قوم وتوضاء وصلى خمس الصلوات=والله يعوضك خيـر واحسـن شويـه

[عبدالله الحجيلان]

عبدالله مفضي العلاطي





ياهلا والله وغلا بك بين اخوانك



وفي منتداك يالغالي


وصح لسانك ملاييين على هالنص الرائع

[عبدالله مفضي العلاطي]

المشاركة الأصلية كتبت بواسطة عبدالله الحجيلان

عبدالله مفضي العلاطي





ياهلا والله وغلا بك بين اخوانك



وفي منتداك يالغالي


وصح لسانك ملاييين على هالنص الرائع

هلا و غلا فيك


كل الشكر على المرور الرااائع وصح بدنك



وانا بين اخواني



لاخلاااا و لا عــدم

[خلف الغريب]

صح لسانك يا عبد الله على هالقصيدة الرائعة ...


هلا فيك بين اخوانك..

تحياتي ...

[ماجد الغانم]

الأخ العزيز
والشاعر
عبدالله مفضي


حياااااك الله وياهلا فيك بيننا

نتمنى أن تستمتع معنا وتتحفنا بأبداعاتك

وصح لسانك ...على هذه القصيده

وبأنتظار جديدك

دمت بكل خير

تقبل خالص تحياااااتي

[حمد الخمعلي]

الاخ عبدالله مفضي

صح لسانك وسلمت يالغالي


تقديري

[ابوالهيثم]

الاخ عبدالله مفضي

صح لسانك