@@@@تغيب وتظلم الدنيا عليه@@@@ - °~*¤®§(§ شبـــكة ويــلان العـربـيـه §)§®¤*~ˆ°

**حمد الوايلي** · 11/02/08, (11:05 PM)

تغيب وتظلم الدنيا عليه=ولاتدري وش اللي يصير فيه
اناظر شاشة الجوال واكتم=زخم عبرات في عيني خفيه
تطول ايام بغيابك واقاوم=هواجيس (ن) بصدري داخليه
ترى شوقي تكون في خفوقي=سحابة صيف هلت ببرديه
تذوقت الصبر لو كان يحرق=وطعمه مر زاد الكي كيه
على الآمال نرجي مااستطعنا=ولانشكي سوى لرب البريه
نقاوم في صراعات الاماني=ونبني في اساسات (ن) قويه
واذا مستقبل الاحباب واضح =يبين من بقت روحه وفيه
فاحيان المحبه في فوائد=تجملها رؤن مستقبليه
طمع دنيا ودنيانا ماتسوى=امل حب(ن)وقع في حسن نيه
وانا حبي ترى وافي وصافي=وروحه داخلي ماتموت حيه
تعلمت من المحبه شي رائع= تجدد بالوفى صبح وعشيه
وترى غيابك مسوي بي سوايا=ولافي شي ماسواه بيه
وعلمني غيابك كيف انا اصبر= على الايام لادارت عليه
وانا في عيني الدنيا صغيره=وتصغر في صواديف المنيه
اسلي خاطري لاغبت عني=ويجيني من جنون الشوق غيه
ألا ياقمة اسلوب اللطافه =تعالي والطفي بحالن شقيه

**سعود المسعودي** · 11/02/08, (11:19 PM)

حمد الوايلي يعطيك العافيه
وصح السانك ولاهنت وتقبل مروري

**فهد الشافي** · 12/02/08, (01:38 AM)

حمد الوايلي صح لسانك على جزالة القصيدة

تحياتي

**الجوكر** · 12/02/08, (01:55 AM)

حمد الوايلي

صح لسانك ودائما مبدع

**سعوط المجانين** · 12/02/08, (12:43 PM)

مبدع ياحمد صح لسانك ولاهنت

..

**ماجد الغانم** · 12/02/08, (01:51 PM)

الأخ العزيز

والشاعر الرائع

حمد الوايلي ...

صح لسانك ..ولا هنت

على اهالقصيده العذبه التي تحمل أصدق الأحاسيس

...
.
لله درك على هذا الأبدااع

تقبل خالص تحياااتي

**خلف الغريب** · 13/02/08, (03:40 PM)

جزلة من راس جزل ...

الف صح لسانك ولا هنت على هذه المعزوفة...

تحياتي..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري