الصدور الجنوبيه !

[سعوط المجانين]

ياوجـود الـلـي عيـونـه شقـاويّـه = مـرّهـا حـلـو المـنـام وتـعـداهـا
كـن بيـن جفونـهـا جـمـرةٍ حـيّـه = مايطفيـهـا سـهـرهـا ولا مـاهــا
بيّتـه ليـل الشـتـا فـابـو حـدريّـه = واحتـداه و حـد نفسـه علـى أقصاهـا
مشكلـة بعـض الـصـدور الجنوبـيّـه = لـو تجيهـا دمعـة الطـيـر تمـلاهـا
العـوامـل والـظـروف الطبيـعـيّـه = غيّـرت مـجـرا زمنـهـا ومجـراهـا
ياوجـود اللـي عـشـق لــه (....!!) = فـي صـلات الرحـم ماهـوب ويـاهـا
مـن تحبّـه لـو تحبّـه علـى النـيّـه = برّكـت بأقصـى ضلـوعـه مطايـاهـا
ذوقتنـي هجـرهـا ثـانـي ضحـيّـه = و اصطلت روحـي علـى حـر فرقاهـا
طيّـرت مـن غصـن الاشـواق قمريّـه = ورهنتنـي فــي هـواهـا ولامـاهـا
حايـلٍ مـن دونهـا حــول وشـويّـه = مـيـر مالله حـايـلٍ دون ذكـراهــا
كـل حاجـه باقـيـه مـثـل ماهـيّـه = ماسـرا معهـا عـلـى درب مسـراهـا
كـود عضـوٍ (فـي جهتـيّ الشماليّـه) = فـاع مـن عـوج الحنايـا وخـاواهـا
ودمـعـةٍ نطّحتـهـا راحــة ايـديّـه = ( افففف ) ياماحرّها و ( احححح ) مقساها
حوّلتـهـا يــوم قـالـت وداعـيّــه = و استباحـت سترهـا فـوق ماطـاهـا
حيلتـي لاهـبـت الـنـود عصـريّـه = قمـت مـع كـل الجـهـات آتحـراهـا
وأمسـت الفرحـه يتيـمـه ومنسـيّـه = فـي عيـون حرقـة الوجـد تصـلاهـا
عـن خدينـات التـرف نفسـي امعيّـه = لـو تجينـي مثلهـا كنـهـا ايـاهـا !!
مـن غـدت منـه ( الذلـول العمانيّـه ) = ماتعوضـه ( نـاقـة الله وسقيـاهـا )
دكّـت ضيـوف المعـازيـب رجلـيّـه = مابقـى الاّ ضيـفـةٍ فــوق مركـاهـا
سيـرةٍ مـن وحـي عاميـن هجـريّـه = ودّي أنـسـاهـا ولا ودّي أنـسـاهــا
المـعـالـم والـرســوم الطـلالـيّـه = مايحـفـظ أمـجـادهـا الا بقـايـاهـا
ذكـريـاتٍ تعـبـر العـمـر طرقـيّـه = وذكريـاتٍ فــي وطنـهـا ومربـاهـا
وصـورةٍ فـي متحـف البـال مطويّـه = كــل يــوم آفـلّـهـا وآتهـجـاهـا
مـن لهـا قــدر أوّلـويّـه وأهمـيّـه = ماشعـرت بغـربـة الــروح لـولاهـا
والـذي نفسـي بـيـده إنّـهـا لـيّـه = أقـرب مـن كفوفهـا عـنـد حنـاهـا
لـو جفتـنـي والعـيـون الشقـاويّـه = مـرّهـا حـلـو المـنـام وتـعـداهـا

لـ مدغم ابو شيبه

[عبدالعزيز السعود]

سعوط المجانين ..

إنتقاء يدل على ذائقة شعريه راقيه امتعني ماقدمت لنا فشكرا جزيلا لك..

[سليمان الجعفري]

سعوط المجانين

الله يعطيك الف عافيه اختيار يدل على ذائقة شعريه راقيه

صح لسانك ولسان الشاعر مدغم ابوشيبه ... لاهنت ياالغالي

تحياتي واحترامي

[الــهــنــوف]

الله عليك أخوي سعوط

تسلم يمناك على نقل هالقصيده

صح لسان شاعرها

لاعدمناك يارب

[سعود المسعودي]

صح لسان شاعرها ..
وسلمت يمين ناقلها..

[صالح السالم]

تسلم يمينك اخوي ماجد

انتقاء وذائقه شعريه مميزه من شاعر مميز

اتمنى ان ارى طرحك الشعري كما نرى ابداعك في المحاوره وانا اعرف ما لا يعرفه الاعضاء عنك وعن ابداعك

تحياتي وتقديري

[احساس قلم]

اااااااااالله
قصيدة رائعه
صح لسان شاعرها وصح لسانك
وتسلم ل هالنقل الحلو
شاعرنا الرائع