(( مـــــراســــــي - حديث إلى القلب ))

[عمر الطويلعي]

بسم الله الرحمن الرحيم


حديث ٌ إلى القـلب ,,, من القديم القريب إلى النفس ..

أبحرتْ في بحْرٍ صعيب المَراسي=غرّتك من نفسك ظنون الفراسة
ما تدري إن البحْر صعْب المِراسي=كم راسْ قومٍ نوّخ البحر راسه
كم واحدٍ قبلك ثقيلٍ وراسي=وكم واحدٍ جرّب فنون السياسة
أنا نصحتك قبل , لا صرت ناسي=تغرقك من ميّ المحيطات طاسة
لو قلت لي يا قلب : يا قوّ باسي=بحر الهوى يا قلب يا قوّ باسه
لو قلت لي يا قلب : عشبك يباسِ=اليوم خضّر , وين روّح يباسه
ما جيتك معزّي , ولا جيت اواسي=جيتك طبيبٍ , عاش وقته وقاسه
لا هو دوا سقراط و الا النطاسي=ولا هو دوا ثعبان من فوق كاسه
عندي علاجٍ ما خلطته بكاسِ=يعدل باذن مولاك كلّ انتكاسه
لا خالط عيون الاوادم نعاسِ=اطرد عن القلب الشقاوي نعاسه
واحي الاماسي لاجل رب الاناسي=يشفي جروح القلب ويزيل باسه
وآي المثاني بلسم لكل راسِ=يلقاه منهو فيه عقل وكياسه
يا أهل البحووووور , الدين فيه المَراسي=وعلاج للي دايس الهمّ داسه

وسلامتكم .

[بنت الكحيلا]

الله يسلمك اخوي عمر الطويلعي

على هذه القصيدة الرائعة

الله يعطيك العافية

لك تحياتي وتقديري

[عمر الطويلعي]

المشاركة الأصلية كتبت بواسطة بنت الكحيلا

الله يسلمك اخوي عمر الطويلعي

على هذه القصيدة الرائعة

الله يعطيك العافية

لك تحياتي وتقديري

الله يحييك اختي بنت الكحيلا

ومشكورة على المرور

[عمر الطويلعي]

المشاركة الأصلية كتبت بواسطة بنت الكحيلا

الله يسلمك اخوي عمر الطويلعي

على هذه القصيدة الرائعة

الله يعطيك العافية

لك تحياتي وتقديري

الأخت الكريمة / بنت الكحيلا
الله يسلمك
شكرا على مرورك , تحياتي

[أبو غرام]

قصيدة رائعه وجميله بجمال حضور صاحبها

صح لسانك اخي واعتلا شانك

ودي وتقديري

[عمر الطويلعي]

المشاركة الأصلية كتبت بواسطة ابو غرام

قصيدة رائعه وجميله بجمال حضور صاحبها

صح لسانك اخي واعتلا شانك

ودي وتقديري

صح بدنك ابو غرام

الجميل مرورك وتعقيبك

هلا بك

[عمر الطويلعي]

المشاركة الأصلية كتبت بواسطة ابو غرام

قصيدة رائعه وجميله بجمال حضور صاحبها

صح لسانك اخي واعتلا شانك

ودي وتقديري

الشاعر / أبو غرام ..
صح بدنك , والجميل مرورك العذب وتشريفك ..

تحياتي